- هاذي نبذه مختصره عن الرحله
- نقاط ..
السلام عليكم ورحمه الله وبركاته
شباب حاولت انزل تقرير مصور بس حاولت فيه مو راضي ينزل ورحت لموقع مخزن وبرضه مو راضي ينزل . المهم كلمت واحد من الشبااب عنده خلفيه وقال يجيني واول مايجيني اوعدعم بنزل الصور والتقارير الزينه . عن رحلتنا .
هاذي نبذه مختصره عن الرحله
اخذنا التذكره للشخص الواحد 2007 وكان عددنا اثنين انا وواحد من الشباب .
تحركنا من تبوك على جده ومن جده ع الدمام حوالي ساعه وقفت في الدمام ومن ثم ع مانيلا وطبعا هاذي اول سفره لي ع مانيلا المهم وصلنا مانيلا ع الساعه 1 الضهر ثاني يوم واتجهنا ع التكاسي واخذنا تاكسي وعلى ارميتا شارع مابيني فندق كراون بركس او كروان بلكس حول كذا اسمه المهم وريحنا يومين وبعدين على بقسن هاند واحلى نصبه اخذ علينا التاكسي 3000بيسو بس غلطه ماتتكرر . وجلسنا فيها يوم وليله في منتجع فيلا مونتبل وسعر الليله الاولى 150 ريال وثاني ليله اخذناها 100 ريال بعد محاولات والله ياشباب كان نفسي انزل الصور بس حاولت ماعرف كيف . ومن ثم التوجه الى مانيلا في باص قرين ستار حوالي 14 ريال شف القهر كيف من 300 ريال الى 14 ريال .
وجلسنا فيها ليله ومن ثم التوجه الى تاكلوبان ومن تاكلوبان اخذنا فان الى هينونقان وفي هينونقان جتنا امطار بلا توقف وبعدها حشرنا سيل والله ماصدقت متى يعدي هاذا السيل بس اقسم بالله اقسم بالله من اجمل المدن اللي زرتها في الفلبين هينونقاان بس يعيبها ان مافيها مطاعم مثل ماك وجيلوبي وطقته وقصص طويله بس احسن مااقول القصص مع الصور .ومن ثم التوجه الى تاكلوبان والعوده الى مانيلا ومن ثم الى باقيو لين ماحان موعد العوده للسعوديه .
نقاط ..
1.صرفنا انا وخويي خلال 14 يوم بدون تذاكر الذهاب والعوده من والى السعوديه . بس أكل والشرب والتمشيه والاجار حق الفنادق 6500 ريال بس بصراحه مانبذر في الصرف ولا نبخل على انفسنا واكلنا كله في ماك وكنتاكي وبيتزا هت ومن هالمطاعم .
2.من اجمل واروق واطيب شعب شفته في حياتي هم اهل هينونقان مافي شحته مافي غلا كل شي بلاش اقسم بالله كل مانروح مكان انا وخويي كل الناس يطالعو فينا احسهم مستغربين ان احد يجيهم ولاحضت ان نسبه كبيره منهم كان بدول الخليج مقارنه مع مانيلا .
3. سعر رسم المغادره من الفلبين كان 750 اما الان 550 وعندي الصوره مصورها بس القهر مو راضي ينزل الصور
4. عندي اشياء حلوه بس اذا نزلت الصور اقولها وجهت نضري الصوره مع القصه احسن .
واي خدمه انا حاضر بالذات عن هينونقان لان الشبااب قالو ان ماعمر احد راح لها وعندي رقم سواق من هينونقان اخلاق وحبوب وكان شغال في السعوديه حوالي 25 سنه ويتكلم عربي .
اخوكم نور دنيتي انتي واتمنى وصلت التقرير بشكل حلو ومرتب
وبصراحه شوقتنا لتقريرك وإن شاء الله تنزل الصور ونسستمتع بتصفح تقريرك الذي فيه الكثير من المفاجأت والمغامرات
وسجلني واحد من المتابعين لتقريرك وبقوه
بس لاتنسى تكثر المعلومات عن منطقة ( هينونقان ) وأنا من الناس اللي اول مره اسمع فيها بصراحه
وياليت تعطينا الأسعار وكم تبعد عن مانيلا وماهي افضل اماكن نقدر نروحها في هذه المنطقه
منتظرين استكمال تقريرك المشوق
وتقبل تحياتي ومروري
بومنتظر