بسم الله الرحمن الرحيم
احبتي اعضاء هذا المنتدى الطيب احببت ان اضع بين يديكم تقرير لسفرتي هذه السنه الى تايلند
وهذه هي الزياره الثانيه لي لتايلند وماراح يكون تقرير يومي يعني اليوم الاول والثاني لا
راح يكون تقرير مصور مع بعض بعض الملاحظات
اتمنى تستمتعون معي ..........................
بدايه الرحله وكيفيه التخطيط لها ؟؟؟؟؟
بصراحه هذي اسرع سفره صارت في حياتي قولو شلون ؟؟؟؟
في بدايه الصيف او بدايه التفكير للسفر كان المخطط لمدينه ( مصر ) شفتو وشلون
من مصر لتايلند مره وحد
كان التفكير على مصر للعلاج لعلاج بنتي وكانت الامور كلها ماشيه اوكي بس ننتظر الامر الملكي
يطلع لنا علشان العلاج اتفقنا مع المستشفى ووافقو وارسلو تقرير باالموافقه
واستقعدت للمنتدى كويس :mf_pcwhac وتنحت على بوابه مصر :x1:
ومافيه احد ماسألته عن فنادق وشقق وكل شي
المهم بعد ايام تكنسل كل شي بخصوص الامر الملكي والي كان يجيبه لنا ماقدر :thumbdown
لان الامور تصعبت عن اول واجد
ضاق صدري لدرجه حسيت اني بنفجر واحس ان جاني احباط ماعمره جاني
تخيلو من اكثر من 4 شهور او اكثر وانا كل يوم ادور مراكز واحاول من هنا وهناك واخرتها
كل شي يروح :4:
عمومآ قلنا الحمد الله وخيره ويمكن ربي رادنا عن شي والحمد الله كل شي مكتوب
طبعآ بما اننا كنا حاطين فكره السفر في بالنا وبعد الاحباط الي جانا قال ابوهتون مو مشكله نسافر
مو مشرط علاج نروح نتمشى وتغيرين جو فقال وش رايك نروح على مصر
انا بصراحه مو مصريه الهوى مع اني ماشفتها بس كذا احس ان فيه شي احسن منها حرام اروح اصرف
فيها وفي غيرها بنبسط فيه ...
فحجزنا على مصر وحمسني ابوهتون وخاصه ان اهلي برضو كانو بيروحون واختي
بعد التفكير وبعد السهر على النت طلعت بفكره جهنميه .. وش رايكم في جهنميه
المهم قلت لزوجي وش رايك نغير من مصر الى تايلند وماليزيا
والي بتصرفه في مصر هو نفسه بتصرفه في تايلند
جلس يفكر ويحسبها من هنا وهناك
وباالاخير قال اوكي
على طول حجزنا على تايلند عن طريق خطوط الاتحاد ...
المهم كل شي مشى اوكي بس قبل كم يوم من السفره .....
صار زلزال اندونيسيا :112:
شايفين كيف الاحباط
بعد الزلزال كثير قالو ان فوكيت مهدده بزلزال او اي شي من هاالقبيل
وابو هتون روحته كلها علشان فوكيت
بعد ما سمع ان فوكيت مهدده قال خلاص خلينا نكنسل
وانا بصراحه خفت و كثير كانو يقولون روحو وتذكرو( قل لن يصيبنا الا ماكتب الله لنا ))
وانا اقول احنا راضين بقدر الله بس ( ولا تلقو بأيديكم لتهلكه)) وكل ماشفت السعودي الي فقد زوجته
وواحد من عياله في الزلزال ضاق صدر عليه وهونت
المهم بعدها قلنا خلاص نرجه لمصر
لاحظتو كيف اللعب باالاعصاب الي صار لي :112:
المهم لا انا ولا ابو هتون ودنا في مصر وقلوبنا مع تايلند :36_3_13:
قلت له خلاص نروح ومو لازم نروح لفوكيت نخليها بس بانكوك وكوالالمبور
اول شي ماعجبته الفكره بس كان يقول نروح ويمكن تزين الامور ونمر على فوكيت
المهم كان حجزنا على وضعه ما غيرناه من زمان
تخيلو من قررنا نسافر ؟؟؟؟؟
قبل السفره بيوم مدري يومين ..................................
طبعآ عجزنا نلاقي سكن الفنادق الي نبيها كلها فل .. وانا قلت نروح وان شاء الله نلاقي.. نحجز من المطار
جاء يوم السفر وكانت رحلتنا الساعه 9 ونصف ليلآ الرياض -ابوظبي
وابوظبي انتظار ليله يعني امنو لنا فندق وكان الطلعه من ابو ظبي لبانكوك الساعه 9 اضن والله نسيت
بس صباح
المهم طلعنا من مطار الملك خالد الى مطار ابو ظبي ولمن وصلنا ابو ظبي خذونا للفندق وكان عادي
يعني حق نوم كم ساعه المهم كانت الساعه 2 واحنا مانمنا ولا هتون نامت نمنا وكنا لازم نصحى
الساعه 6 الصباح صحينا ونزلنا نفطر وطلعنا على المطار ومن ابو ظبي الى مطار بانكوك ...
الطيران كان كويس والخدمات ممتازه بس الي يعيبها الاكل :36_1_51:
اكلهم الله ينعم به :yuk: مو شي ابد بس الجوع يسوي اعظم
الله على اكل الخطوط السعوديه لحد الحين ماذقت مثله في كثير خطوط
المهم ؟؟؟؟؟؟؟؟؟؟؟؟؟؟؟؟؟
ابشركم وصلنا
مابغينا بعد التعب من التخطيط
وصلنا المطار ورحنا لأقرب مكتب لحجز الفنادق ... ندور على فندق
الى هنا واتوقف عن الحديث .... وللحديث بقيه قريبآ بأذن الله ......
(((((((((((((((((((((((((((((((((( هل وجدت البرنسيسه فندق يعجبها )))))))))))))))))))))))))))