السلام عليكم ورحمة الله وبركاته
احب ابدا التقرير عن رحله 2006 الى المغرب وشرح اسباب الرحله
اولا انا مجدول الرحله سنويه لمده اسبوعين وغالبا ما تكون شهر 6
ولكن السنه هذي كان الاتفاق على شهر 5 لان الاجازات في قطر
السنه هذي تغيرت بسبب الاستعداد للاسياد
وكنت شهر 2 في اجازه ومسافر دبي مع احد الاصدقاء ورفيق دايم لسفراتي للمغرب
وجاني اتصال من مديري في العمل وقال لي شهر 3 عندك شي وقلت فاضي ما عندي
شي قال لي بتسافر وقلت اذا على احسابك بسافر وقال على حساب العمل
وقلت ما عندي مشكله لكن وين قال لندن لمدة اسبوع وقلت موافق
وبعد ما انهيت المكالمه التفت على خويي وقلت فيه مشكله
وقال خير ان شاء الله قلت لازم اسافر المغرب وقال وبعدها وين؟
قلت للندن لانه فاهم اني ما راح اسفار مكان في الغرب بدون ما امر المغرب
وقال لكن الحين خربت الجدول احنا متفقن شهر 5 وقلت وانا على الوعد
ولكن بمر المغرب اسبوع وبعدها لندن وقال معصي والله ما تروح المغرب الا رجلي على رجلك
ما احب اطول عليكم ولكن بعد اتفقات ومشاورات تم الاتفاق على الغاء سفره شهر 5
وتحويلها لشهر 3 ولمده اسبوعين والشباب يقولون الاسبوع اللي اتفقنا عليه خله
اي وقت نختاره لكن انا اقول ما فيه الا 2007 ان شاء الله
وجدول الرحله كما يلي
من 10/3/2006 الى 24/3/2006 في المغرب
ومن 24/3/2006 الى 31/3/2006 في لندن
وتذكره المغرب 2090 وتذكره لندن 3040
واحترت في الحل خصوصا اذا كان سعر التذكره دوحه كازا لندن دوحه
يقارب ال 5000 ريال لان ما فيه سعر مخفض كازا لندن
وسألت القطريه عن امكانيه اخذ التذكره
دوحه – كازا لندن- دوحه
و كازا- لندن ادبر راسي ووافقوا وبسعر 2600 ريال
وبعد البحث الانترنت عرفت ان فيه شركه طيران مغربيه جديده
اسمها بلو اطلس تطلع للمدن الاوروبيه من مراكش و اقادير فقط
وقلت هذا اللي ادور عليه
ودخلت موقعهم وحجزت بتاريخ 24/3 مراكش – لندن بسعر 126 يورو
يعني حوالي 500 ريال لتصل التذكره الى اقل من 3200 ريال
مع العلم ان كل يوم من مراكش الى لندن يختلف سعره عن الايام الاخرى
والسعر بأتجاه واحد يعني لو ابغي رجعه لها سعر وممكن يكون غير عن الروحه
وبقت مشكله كازا مراكش لان اول طياره بيكون فيها انتظار حوالي
5 ساعات والسياره ما نقدر نأجر لان رحلتنا من مراكش وصعوبه ترجيع السياره لكازا
ومن الممكن ان اتفق مع صاحب الشركه يرسل واحد يستلمها من مراكش
وبزيد 200 للسواق وتذكرته من كازا بالاضافه الى البترول
وقلنا افضل الحلول القطار وخصوصا ان لنا فتره طويله من تجربته
ويوم 10/3/2006 توجهت للمطار الساعه 6 ونص
لاني اخاف اتأخر يوم عن المغرب

وبعد ما وصلنا كازا الامور كلها سهالات وصرفنا كم دولار
حق يومنا لان صرف المطار غالبا ما يكون اغلى من غيره
وخذنا التذاكر بسعر ناسيه لك اعتقد ان المجموع 150 درهم
منها 40 درهم لمحطه المسافرون و110 الى مراكش
وهذي صور من الطريق الى كازا

بعد ما وصلنا قالوا ان القطار بتأخر نصف ساعه على موعده يعني الانتظار
ساعه ومشينها سوالف وفي مطعم قضينا بعض الوقت
وهذي صوره لمحطه المسافرون

بالنسبه للسياره كنت متصل في واحد اعرفه عنده مكتب سيارات يحجز لي سياره
جديده و زوينه وقلت بعد ما قربنا مراكش ينتظرنا في المحطه
وبعد ما وصلنا لقيناه ينتظرنا
صوره محطه القطار مراكش

ورحنا لمكتبه يعطينا العقد
ورحنا مكتبه في قليز وبسرعه عطاني عقد فيه اسمي والمده وكل شي مفتوح
وتم الاتفاق على سعر 375 درهم لكن ما طلعت السياره جديده لكن جيده
وهذي السياره ثاني يوم طبعا

وعلى طول رحنا ندور على شقه لان هذي السفره ما لها ترتيب مسبق
وفي نفس الوقت ندور على مكان جديد
وميزه مراكش انك تختار المنطقه وتمشي بالسياره
وكل ما تشوف عماره جديد او مكتوب عليها اقامه تسأل الحارس
وبعض الاحيان يكون المفتاح عنده وتشوفها وتتفق على السعر
لكن بعد كذا عماره حسينا ان فيه ازمه سكن لان وصولنا
يوم جمعه ومتأخر يعني اهل كازا ما قصروا وسبقونا على الشقق
اما اهل اقادير ما نقول شي حياكم الله في أي وقت
وشفنا كذا شقه لكن بعضها ما يعجبنا وبعضها صاحب الشقه ما يعجبنا
وبعضها الحارس ما يعجبنا وبعضها الجار ما يعجبنا
وبعضها ما تطل على البحر
قصدي جبال اطلس لان في مراكش اذا كنت من الشقه تشوف الجبال
فاعتبر نفسك في شاليه على البحر في مراكش
على فكره قبل ما انسى ترى مراكش فيها بحرين صناعيه لكني ما قدرت اروح لها
وكان سألني عنها الاخ سكاي اللي صار له فتره مختفي وكنت مستغرب لكن عرفت ان فيه واحد
قرب المطار والثاني على طريق اوريكه وزيارتها وتقريرها على سكاي
المهم قلنا اذا هذا موضوعنا ما راح نلقى سكن لو بعد شهر
المهم ونسكن في ذيك الشقه الزوينه قرب نهايه شارع محمد السادس وخلف
المستشفى العسكري ( ابن سينا) والشقه حلوه لكن ضيقه وحنا نحب الوساع
وهذي صور من الشقه

ويوم ثاني من صباح الله خير طلعت ومعي واحد من الشباب ندور على شقه والثالث خليناه راقد المعجاز
ولقينا شقه في الحي الشتوي اللي ما ادري وش اسمه في الصيف
وهذي صور للشقه

وبصراحه اعجبني المنظر من الشقه وقلت لازم تشاركوني
ولكن على الطبيعه احلى وخصوصا الثلج مغطي جبال اطلس

الشقه حلوه وسعرها 1100 درهم لكن اعتقد غالي
ولا خلينا مكان ما رحنا له وفي الاخير وحنا راجعين لرفيقنا
بعد ما حطينا في البال الشقه هذي وفي وحده ثانيه وقلنا ناخذ اغراضنا ونستشير رفيقنا مره وحده
وقبل ما نوصل رفيقنا ويتصل فينا احد الاصدقاء المغاربه
ويقول فيه شقه حق صاحبه مغربي وعايش في ايطاليا
وتوه مخلص التأثييث واذا تبغونها ما عنده مانع
لكن ما تزيد الفتره عن اسبوعين وتم الاتفاق
وموقعها قريب من شقتنا امس وعلى شارع محمد السادس
وعماره جديده ولا فيه ولا شقه للاجار كلها للسكن
لكن عندنا الزهر وتم الاتفاق على سعر 700 درهم بشرط نجربها ليله وبعدها نعطيه الموافقه النهائيه
نسيت صوره راعي السيكل وحنا ندور شقه صورناه
لكن ما عرفنا أي مطعم رايح علشان ما ناكل عنده

ال ايه كراع شوف الروس ولا بلاش شوف يالدهمشي
وهذي الصورتين كنت اجرب التصوير من الموبيل

شكلي طلعت عن الموضوع
نرجع لموضوعنا
ورحنا لرفيقنا اللي في الشقه وشلنا الاغراض وكلمنا صاحبنا
المغربي وعرضنا عليه الغداء معنا قبل ما نروح للشقه لانها
محتاجه تنظيف وبعد ما خذنا المغربي قال أي مطعم رايحين
قلنا أي مطعم قريب وقال انا بصراحه فيه مطعم جديد
كان له فرع قرب الساحه ولكنه فتح فرع جديد في قليز
اسمه الامين الحاج مصطفى (الاسم الخير ناسيه )
وانت جاي من الساحه وعند الدوار هذا بيكون
على يسارك الستي ام وسينما قوليزي
ونيشان تكمل لطريق كازا ومرجان
ويمين فندق البستان وطريق فاس

اذا كان فندق البستان على يسارك

بعد ما تطوفه فيه اول لفه يسار وبيكون على يمينك محطه بترول

تدخل مع الشارع هذا اتجاه واحد

توصل للتقاطع اوشارع يسار زنقه مولاي علي
والثاني يسار اسمه ابن عائشه (مع التكسي اللي في الصوره)

تمشي شوي وتطوف مطعم بو جمعه وعلى فكره هذا المطعم زوين

المطعم على الزاويه اللي يسار و مقابل المطعم مونتي كريستو

ونجلس في الخارج لان داخل كل شي عامر
و اول ما التفت يمين وش اشوف

الطنجيه وبدون تردد 2 نص كيلو ونص كيلو الشوا
وهذي صور الطنجيه اهدا للاخ الجنتل علشان يترك
منه المطعم اللي في باله

الشوا

وطبعا صرنا زباين طول الفتره وناخذ الطنجيه للشقه
مع دفع تأمين 10 دراهم للطنجيه
وهذي الطنجيه المراكشيه في الشقه
وينك يالجنتل

وبعد ما تغدينا مشينا للشقه
وهذي صور للشقه

وهذي صور من الشقه والعماره اللي في الصوره
سكن فيها اثنين من الاعضاء طبعا في اوقات مختلفه

والصوره هذي تبين جبال اطلس

وبعد ما نزلنا الاغراض مشينا لمرجان

اهم شي سيدي علي

وثاني يوم كنت اسولف مع الحارس وشافني اصور
وقال لي وش رايك تطلع فوق السطح تصور وطلعت وكانت
هذي الصور لمراكش الحمرا

وبصراحه تعبت من تنزيل الصور والكتابه والمعذره من الاخطاء اللغويه
واستسمحكم عذرا ولي لقاء معكم في تفاصيل الرحله الى

عين تغدوين
تحياتي للجميع