تذكير ياشباب يا اهل الخبره
تحملتوني كثير وباقي القليل

اقترح عليك تعكس المسار وتزيد المده ليلتين فقط ويكون برنامجك كالتالي الرياض جنيف تستاجر منها سياره من القسم الفرنسي وتجلس 3 ليالي تزور اهم الاماكن والمدن تنتقل الى انترلاكن وتجلس 4 ليالي تزور خلالها اهم الاماكن تنتقل بعدها الى المدينه الفرنسيه ستراسبيرق Strasbourg الرائعه والقريبه من اليورب بارك 60 كيلو وتجلس فيها ليلتين وتسلم السياره وتنتقل بعدها الى محطتك الاخيره باريس بالقطار السريع ساعتين ونصف وباريس تصلح ان تكون محطة العوده اذا ترغب بالتسوق تحياتي

مشكور بس انا حاب تكون باريس في البدايه عشان التذكره بتكون ارخص
وسويسرا اكثر من 7 ايام كثير عليها
ولا انت وش رايك

اخوي بالنسبه للتذاكر الفرق بيكون بسيط ويمكن العكس يرخص السعر لاني راجعت ردودك وحصلتك بتسافر بتاريخ 20 سبتمبر وبالنسبه لسويسرا ما يكفيها الصيف كله خصوصا اذ معك سياره واذا انت من محبي المناظر الطبيعيه الخلابه ولا تحب الزحمة والصخب وجدولك هذا موزع بين مدن كبيره وعواصم ومناطق ريفية ومدن ترفيهيه على فكره ان اخترت لك تسليم السياره بسترازبيرق علشان ما تضطر تدفع ضريبه اختلاف الدول وثانيا علشان تنطلق بقطار سريع بدون اي كونكشن ومدة اقل من ساعتين ونصف وللعلم لو تنطلق بالسياره راح تاخذ 6 ساعات بس القطار السريع اختصر لك كل شيء وسعره معقول جدا 31 يورو اذا بتحجز بدري تحياتي

طيب كلامك حلو
طيب ايش رايك اني اخليه كذا
3 ايام الريف الفرنسي وجنيف
4 ايام انترلاكن وماجاورها
وبعيدن بنطلق على سترازبيرق ومنها على طول على باريس اسلم السياره وعلى القطار
ايش رايك

كذا ما يصلح ا ترجع لجنيف وتسلمها هناك افضل لك انا اقترحت لك ستراسبيرق علشانها قريبة من اليورب بارك وعلى فرض انك بتجلس على الاقل ليلتين وعلى اساس اني ما ابغاك ترجع لجنيف وابيك تكمل طريقك ويكون على فايده مش مجرد تسليم سياره تحياتي

الاقتراح الاول حلو و الثاني هم حلو و دور الرخص محد يدفع عنك