- اسعد الله ايامكم ( مشرفين ، اعضاء ، وزوار ) بكل خير ومسره
السلام عليكم ورحمه الله وبركاته
اسعد الله ايامكم ( مشرفين ، اعضاء ، وزوار ) بكل خير ومسره
كثير اللي يسافرون لاندونيسيا ، وكثير اللي زاروا مناطق مختلفه فيها ، وكثير اللي ودهم يسافروا بس مش عارفين ايش اجمل المناطق و ايش يزور وايش يخلي ، وطبعا كثير اللي اعجبتهم اندونيسيا على عكس البعض .
ماعلينا من الهرج الزايد اللي ابغى أوصله أن كل واحد زار اندونيسيا يعطينا وجهه نظره في اجمل منطقه زارها بالنسبه له وياليت يذكر لنا الايجابيات اللي خلته يختار هالمنطقه والسلبيات اللي مااعجبته فيها ، ويذكر لنا المده اللي يحس انها كافيه لزياره المنطقه ، ولو كل واحد بعد يحط ترتيب للمناطق اللي زارها على حسب وجهة نظره نكون شاكرين له ( يعني يتخيل انه قاعد يسوي توب فايف او توب فور على كيفه ).
انا حبيت اطرح هالموضوع عشان الكل يبدي رايه واللي يبي يسافر يستفيد من تجاربكم خاصه ان البعض وده يسافر بس محتار في المناطق اللي بيزورها ، وبالمره يكون عنده نبذه عن المنطقه عشان يحدد وجهته من البدايه فيعرف هل المنطقه على موده او انه يكنسلها من جدوله .
اراءكم راح تكون ضمن هالمناطق اللي كثير من الرواد يتوجهون لها واذا فيه منطقه غير المذكوره تنصحون المسافرين يتوجهون لها اكون شاكر و أدري انكم ماراح تبخلوا علينا :
( جاكرتا _ الجبل ( بونشاك ) _ باندونق _ لمبانق _ بالي _ لومبوك _ بوقور )
أتمنى تشاركوني برايكم .... وتفيدوا المسافرون العرب
تقبلوا تحياتي
بالنسبه لي فجزيره بالي هي اجمل منطقه زرتها للاسباب التاليه :
جمال الطبيعه ، روعه الشواطىء ، طيبه شعبها ، كثره الاماكن السياحيه فيها ، الآمان اللي فيها ، ثبات الاسعار وعدم وجود استغلال للسائح فيها ، توفر جميع مستويات السكن فيها من رخيص الى متوسط الى غالي .
بالنسبه لي المده الكافيه لزياره جزيره بالي هي اسبوع كامل عشان تقدر تتجول المنطقه صح وتتعرف على جميع معالمها.
اما بالنسبه للسلبيات فيها يمكن اكثر سلبيه تواجهك في بالي هي الاكل فلازم تدخل كل مطعم تشيك هل الاكل حلال او لا مع انهم مجرد يشوفونك يبدون يرددون كلمه حلال ، بس لاتخافون فيه الاكل البحري وفيه الوجبات السريعه عشان ماتحسبون انكم راح تموتون من الجوع هناك هذا غير بعض المطاعم اللي اكلها حلال .
انا زرت المناطق التاليه وراح اعطيكم ترتيبي لها حسب وجهه نظري :
بالي _ الجبل _ جاكرتا _ واخيرا باندونق .
تقبلوا تحياتي