السلام عليكم ورحمة الله وبركاته ,
بسبب كثرة الشكوى من غلاء الأسعار في اسطنبول كتبت هالكلمات الي يمكن
تفيد بعض الأخوه ..
وموضوعي موجه فقط لمن يريد أن يستمتع برحلته باقل التكاليف ويبي يستانس
هو وعائلته بإمكانياته المتوسطه ..
أما الذي يرى ان امكانياته ممتازه وما يهمه زيادة الفين دولار أو ثلاثه للرحله
فأنا أقول الله يهنيه ويسعده وبالعافيه عليه(( بس ترى الموضوع ما يعنيه مباشره ))
ندخل في الموضوع
بصراحه انا استغرب من الي ياخذ سواق ب100دولار عشان يوديه مسجد السلطان
عبد الحميد ولا ميناء امينوي ولا يوديه مول جواهر مثلا !!!!
يا أخي إذا بغيت تستأجر سياره بسواق خله يوم واحد بس في رحلتك كلها
وخله يوم كامل من 10صباحا الى 10مساءا و حلل هاليوم يعني مثلا رح ترابيا
الصبح الساعه 10 وتقهو هناك وتمشى ثم إلى جت الساعه 12 الظهر خله
يوديكم غابات كليوس عشانها يم ترابيا وتغدوا في هالغابات حقت كليوس يالله
من فضلك بها البراد وإذا تغديتوا في أحد هالأستراحات هناك ( أسألهم عن الأسعار
قبل الطلب لأن بعظهم يرفع السعر اذا ما اتفقت معه من البدايه )..
وإذا طال عمرك غلصتوا غداكم وتمشيتوا لكم ساعتين ثلاث بها البراد يعني جت
الساعه حوالي 5 -6 مساءا رح انت وعيالك يم الملاهي ووسع صدورهم الين قبل
الساعه 10 روحوا للفندق ...
وبكذا تكونوا استفدتوا من وجود السياره والسائق ... أما انك تستأجر سياره كل يوم
محسوبه عليك وأنت مشاويرك قريبه ووسط اسطنبول ...صراحه فسقه !!!

• ومن وسائل التوفير في تركيا التقليل من ركوب السيارات و استخدام المترو ...

كثير من الي يزورون اسطنبول ما يعرفون او يتخوفون من استخدام المترو, رغم انه
اسهل وبكثير من الركوب مع سائق تاكسي لا يعرف يتكلم اللغه الأنجليزيه !!!
ما عليك سوى معرفة المحطات التي يقف فيها المترو - -مثلا ... تنطلق من - تقسيم
يوقف في اول محطه - عثمان بيك ثم شيشلي ثم...قارتيب...ثم ليفنت ( خريطة
المتروا موجوده في موضوع الأخ ابو عمر) وطبعا مايكلفك المترو الا 3 ريال تقربا !!!
كل ماعليك النزول في المحطه الي مكتوب عليها حرفM وبعدين اذا نزلت تحت بتلقى
شباك يبيعون تذاكر المترو ب ليره ورع الظاهر وهي عباره عن (فيش) زي حجم الخمس
هللات ...وإذا جيت تدخل فيه حاجز ومكان تحط به هالفيش ويفتح لك الحاجز ...ثم
تركب المترو وتختار المحطه الي تنزل بها ..... بس ... سهله
أيضا فيه مترو قديم بس شغاال(بالأسلاك -من عام الف وثمانميه ومدري كم !!)وموجود
هالمترو في آخر شارع الأستقلال- على اليمين عكس اتجاه ميدان تقسيم ..ويوديك
الى منطقة ايفروم وهي مقابله للمسجد الأزرقومنطقة السلطان عبد الحميد !!!
يعني تعبر الجسر الي تحته مطاعم السمك وتروح للسوق المصري ومنطقة الفاتح
وغيرها !!! وطبعا هناك موجود ميناء امنوي الي يركبون منه في جولات سياحيه
ب5 ليرات لجزر الأميرات أو جولات في البسفور أو غيرها وما يحتاج تدفع لمكتب
السياحه 75 دولار او 50 دولار في جوله ماتكلفك 5 دولار !!!!
نعود للمترو الحديث الي يروح من تقسيم لعثمان بيك ...طيب وش أهم شيء في
عثمان بيك ؟؟؟ طبعا اهم شيء في عثمان بيك بالنسبه لنا نحن تجار الملابس او
لبعض السياح الي يحبون يتفرجون على الملابس او يشترون هدايا..يوجد في عثمان
بيك سوق الجمله للملابس الجاهزه (رجالي ونسائي) ...
طيب شيشلي وش اهم شيء فيها عشان ننزل بششلي ؟؟؟
الجواب أهم شي بها ( سوق جواهر الشهير ) حيث ان المترو يقف تحت السوق !!
يعني تنزل من المترو للسوق على طول كذلك المحطه التاليه ينزل بسوق مترو
المشهور ... يعني تلف اسواق اسطنبول الشهيره بدون الحاجه لتاكسي...وتوفر
غير الفلوس ..توفر الراحه والسهوله والوقفه عند الأشارات والزحمه !!! يعني 5دقايق
وانت بالمكان الي تبي !!
عالعموم انا تعبت من الكتابه وان بغى أحد من الخبراء يكمل هالموضوع ماعندي مانع