غادة الرياض
23-04-2022 - 01:55 pm
صار لي يومين احوس في اسواق بانكوك
وحبيت اعطيك رأيي بالي رحت لهم حتى الان
مركز التجاره+سيام سنتر+بارقون+روبنسون
مراكز فخمه وماركات عالميه (عندنا زيها بالرياض ومافي فرق بالاسعار واجد)
ام بي كي +طوكيو(جوات ام بي كي)
حلوو مره واسعاره مره روعه..فيه محلات جزم وشنط اسعارها ثابته 199 بات
وفيه مطعم عربي اسمه الباشا شورمته خياليه وبقية اكله لذيذ ونضيف
بوبي سنتر+باتونام
قمة الحووسه والفوضى والملابس الله بالخير يعني ماتسوى المشوار
بات بونق
سوق شعبي ..بس لاتأخذ عيالك معك لانو على اليمين واليسارمراقص ستربتيز (وانتم بكرامه)
البضاعه فيه حلوه ..بس لايغلبونك بالسعر ..شنطه قال لي ب4000 بات ..وشافني منيب مهتمه قال كم تبين قلت الف قال لا لا مستحيل ومشيت وخليته..ورجع عطانياها بالف لاني عييت ازود
نفس الشي شنطه قالت لي ب2000 بات قلت لها ب300 بات ومشيت..وجرت زوجي قالت له خليها تزيد قلت لا قال زوجي خلاص 500 اوكي ..قالت انتي ماتبين تشترين..قلت لو مابي اشتري مافاصلتك قالت خلاص ب500
سالوم نايت بازار
قريب من سكني في سمرست..حلو مره واسعاره حلوه بس زي ماقلت في بات بونق..لا يغلبونك بالسعر
بالمختصر..الجلديات (شنط وجزم -وانتم بكرامه-) الافضل
الملابس..مو ذاك الزود عندنا احلى وارخص
التحف والهدايا الصغيره والاكسسوارات رائعه
هذا رايي والراي لكم جميعا
وحبيت احذر من مطعم مصري بشارع نانا اسمه المصري باخر الشارع وانت مخلي سكومفيت وراك
اكله فااسد..وريحة دجاجه معفن
انا اعجبني سيام روعه ومرتب
وش رايك اي المحلات عندها شنط حلوه