السلام عليكم ورحمة الله وبركاته
أخواني وأخواتي رواد هذا الصرح الجميل اللي ما لنا غنى عنه بعد الله بكل خطوه نخطيها خارج الوطن الحبيب
بعد التوكل على الله بدت الإجازة السنوية
الاجواء بدت بالبرودة وبنفس الوقت مافيه اجازات ولا مواسم
ووقع الإختيار على تركياا الجميلة
بعد ما كان الوجهه إلى سويسرا والنمسا وفرنسا وتم التغيير عشان الاجواء الباردة جدا وخفنا على الصغيرونه من البرودة
دائما وابدا هذي حالتي قبل كل سسفرة اسافرها خارج الوطن
ما اسوي الحجوزات إلا قبل الرحلة بأقل من اسبوع
لأن عندي قاعدة مادري إذا هي صح أو لاا ( احب احشر نفسي بالوقت )
ما احب اني ارتب للسفر قبل 3 أو 4 شهور احس الحماس يروح وما يكون للسفر طعم
بس اذا كنت منحشر وباقي اسبوع وكل شي بسرعه بسرعه ولخبطه يكون حماس
وفررفررت جميع المواقع لحجوز الطيران واخيرا لقيت عررض عجيب
من الخطوط السعودية قبل اسبوع بسعر 3114 ريال لشخصين وطفله العمر 3 سنوات
مسار الرحلة - الدمام - تركيا ذهابا وعوده ووقوف بالرياض طبعا
وتحمست وبديت اقرا مواضيع الأخوان والاخوات والاسفسارات وما خليت شي الا وقريته لدرجة إني صرت كأني رايح تركيا من زمان ههه
وبعد يومين جا وقت الحجز ودخلت على موقع الخطوط واخترت الايام وتفاجأت بالسعر
السعر صار 2775 ريال
طبعا على طول حجزت وباقي ثلاث مقاعد بالعودة .. يعني لا حد يقول بحجز معك انا خذتهم كلهم
امززح معكم ترااه عرض لا يفووت سعر الشخص الواحد 992 ريال رايح جاي شامل الضرائب من الدمام طبعاولكن الحين باقي على السفر اسبوع علماً بأن تواريخ السفر كالتالي
الذهاب يوم الأثنين 18-11-2013والعودة الأثنين 02-12-2013
وانا اخوكم احتست كيف أوزع الايام على المدن - كل مدينة أحلى من الثانية
ابي منكم حاجتين لاهنتوو 1- توزيع الأيام على أجمل المدن اللي تستحق الزيارة 2- الفنادق اللي تستحق السكن في كل مدينة
عشان أقدر احجز الفنادق والطيران الداخلي
بإنتظاركم