- السلام عليكم
- يوم الاثنين 11 _ 7_ 2011
- وطلبنا لبنتي فرش وغطاء ونمنا
- وهذي صور الغرفه
السلام عليكم
كانت رحلتنا الى تركيا جميله جدا ولكن كأي رحله لابد من التعرض لبعض المواقف التي تكدر صفو رحلتك ولكن جمال تركيا وروعتها لابد ان تنسيك هذا الكدر بالتاكيد ولكن لا مانع من ذكرها في ثنايا تقريري للاستفاده لمن احب
فحبيت اكتب موضوعي هذا مع ان المنتدى مليئه بالتقارير لكن وللاسف اكثر هذه التقارير ورديه خاليه من العيوب والسلبيات لذلك حبيت اكتب هالتقرير الي يركز على الايجابيات ولا يهمل السلبيات لان السائح العربي يحتاج ان يكون على علم بما سوف يلاقيه من الجيد والسئ حتى لاينصدم ويتعكر صفو رحلته
يوم الاثنين 11 _ 7_ 2011
كانت رحلتنا على الخطوط التركيه من الدمام جده اسطنبول تكلفة التذاكر 7800 لشخصين بالغين وطفلين 8 سنوات وخمس سنوات
وصلنا الساعه 10 مساء طلعنا الفيز الشخص الواحد 20 دولار يعني احنا الاربعه 80 دولار بعدها رحنا ختمنا الجوازات ثم طلعنا لاستلام الشنط ثم طلعنا من المطار اخذنا تاكسي من المطار لمنطقة بايزيد ب30 ليرة ذهبنا لفندقنا سكاي كيمر ,انصدمت بمستوى فنادق تركيا مع اني مهيأه نفسي لاني قاريه ان فنادق تركيا مو نفس فنادق الخليج الغرفة كانت مره ضيقه ومستوى نظافتها عادي بس قلت معليش احنا نبغاه للتوم بس كنا ماخذين غرفه تربل
وطلبنا لبنتي فرش وغطاء ونمنا
وهذي صور الغرفه
الفندق كلفنا 2000 ريال انا حجزته من بوكينق ب2500 لما كلمت شركة الحران حجزه لي ب2000 ريال الفندق صغير بين محطتين للترام بايزيد ولاليلي قريب منه موقف باصات بايزيد وبقاله ومحلات ملابس ومحل لبيع الكيبل وصيدليه بس غرفه صغيره مره وكانوا خدومين للامانه فطوره كان عادي جدا كنا نفطر في التراس ونشوف مساجد كبيره مدري وشي وكان بالقرب منه كوفي شوب حلو نجلس فيه بالليل .
اليوم الثاني الثلاثاء 12 _ 7_ 2011
جدول اليوم زياره قصر دولما باشا +جزر الاميرات+ ارتوكاي
استيقضنا الساعه 8 افطرنا وتوجهنا الى محطة ترام بايزيد اخذنا اكبل من كشك ب10 ليرات ) انا قاريه انه ب6 ليره مدري تغيرت اللاسعار ولا لعبوا علينا ) المهم الاكبل صغنون مره يومين وضاع منا دخلنا محطة الترام ودفعنا بالاكبل ل4 اشخاص مع ان المفروض عيالي الصغار مجانا بس قلنا اول تجربه بتركيا مع انه مو اول تجربه لي استعملناه في اوربا من قبل اتجهنا لمحطه كاباتاش نزلنا اتجهنا يسار مشينا مسافه قصيره نوعا ما وصلنا لقصر دولما باشا صف زوجي طابور طويل جدا وكانت الشمس قويه وحاره مع شوي هواء بس ملينا لما وصلنا لكشك التذاكر قفلوه لمده ساعه مدري ليه راحه او نذاله مدري سووا استعراض للجيش وحطوا اغاني تركيه وقامت وحده عجوز تحمست وقامت ترقص وطاحت على حديده وتمشخت رجولهاماتسوى عليها مسكينه بذا الحر ترقصفتحوا قصينا تذاكر 4اشخاص الواحد 20 ليره يعني 80 ليره واخرتها خذوا منا تذكرتين فقط عيالي طلعوا مجانا يعني تذاكرهم بالزباله الله يكرمكم طيب دخلنا يالله وشذا طوابير ثانيه الهم طولك ياروح يدخلون القروبات اول طفشنا دخلنا بصعوبه القصر كان عادي بيتنا احلى منه بس عجبني ديكوارت السقف شي خيالي
ملاحظه اتمنى انكم ماتلتزمون دايم برأيي بالاشياء بس انا اشوف ان المكان الزين اذا تعبت عشان ادخل له وتعرضت لزحمه وعدم تنظيم اشوف هالاشياء السلبيه تنقص من جماله يعني اسال نفسي هل يستاهل هالطوابير وساعات الانتظار هذي كلها بالشمس والحر ؟ فلو اني دخلت لقصر دولما باشا بسهوله كان يمكن عجبيني بس للاسف زحمه ومافيه تنظيم
المهم طلعنا السعه 12 ونص كان الجو حلو فيه هواء بس شمس حاره قال زوجي خل نرجع الفندق قلت معصي جلسنا تحت شجره شوي ثم رحنا كوفي شوب تبع دولما باشا طلبنا عصيرروقهوة تركيه وتوست للاولاد لانهم ما افطروا وجنبه مسجد صلينا
ثم رحنا قصينا تذاكر جزر الاميرات التذكره ب5 ليره وكانت ب2010 بسعر 2ونص لاحظت كل شي زاد سعره ثم ركبنا العباره وجلسنا فوق مدتها ساعه كامله بدون توقفكان الطريق ممتع جدا خصوصا انها اول مره يركبون اولادي سفينه وصلنا لجزيره الاميرات اخذنا لفه بالحنطور ب35 ليره كانت ممتعه جدا بس ريحه الخيل يع
نزلنا ولقينا ملاهي صغيره ( نقيزه ) لعبوا فيها عيالي ثم جلسنا بكوفي شوب وشريت تاج الورد لبنتي ,كانت رحله ممتعه صراحه والجو حلو قريت كثير يقولون ماتستاهل بس انا اشوفها حلوه يعني مايتحسف الواحد انه راح لها قصينا تذاكر العوده كانت السفينه زحمه مره مو مثل الروحه بس كانت ممتعه طيور النورس تمشي معنا بالسفينه لان الناس يعطونها اكل شرينا للاولاد خبز من البوفيه الي بالعباره وقاموا يوكلون الطيور ينزل النورس لين يلقط الخبزة من يدهم مساكين انذلوا على ذا اللقمه طول الرحله وهم يطيرون معنا بس شكلها روعه ذكرتني بمسلسل العشق الممنوع وطيور النورس الي دايم تطلع فيه
نزلنا من السفينه وكانت ريحه الكوفته ام قلنا بناخذ ساندوتشات اخذنا 4 ساندوتش الوحده ب5 ليره مع كولا بارده بس عملوا فينا حركه بايخه عطيتهم 20 ليره ولما اكتشفوا اننا خليجيين قالوا لا لازم نستغلهم فالاغبياء ما اتفقوا على خطه جت الحرمه قالت اوو طالبين 4 كوفته انا ظنيت 3 بس هاتي زياده. وجاء الرجال قال انتم عطيتوني 10 مو عشرين قمنا نضحك وعطيناهم
ومشينا ,المهم رحنا نقص تذاكر لبورصه من فرع idoفي ميناء امينونو( هذا الميناء الي يعرف ينطق اسمه له جائزة المليون ) طبعا احنا متعودين بالمنتدى نقرا اننا لازم نقص تذكرة من ميناء يني كابي لكن قريت قبل ماروح واحد الله يجزاه خير قال ماتحتاج تروحون لميناء يني كابي قصوها من فرع الشركة الي موجود في ميناء امينيونو اخذنا تذاكر 44 ليره لشخصين كبار و19 ليرة لولدي 8 سنوات وبنتي 5 سنوات مجانا
رحنا محطة الباصات في امينونو قريبه على الميناء ركبنا باص اورتاكوي نزلنا في ارتاكوي تمشينا فيها اعجبتني صراحه فيها حياة وحركه وكوشكات تبيع اكسسوارات ومطاعم وكانوا مادحين بالمنتدى بطاطس ماعرف اسمها مثل بطاطس مطعم لندن الي بالراشد والظهران يحشونهازيتون وهوت دوق لها اسم بس ماعرفه منطقه ارتاكوي مشهوره فيها كلها كوشكات تبيعهاجربتها عاديه يمكن لاني انا اصلن ماحب هالنوع من البطاطس بس قلت لازم اجربها اخذتها ب10 ليره واخذت للاولاد2 وافل ب 20 ليره عاد الوافل حقهم غير موجوده كل انواع الحشوات مارشميلو مع هيرشي ونوتيلا ومكسرات وزبيب وفراوله وكيوي اي شي يخطر على بالك قال بسوي لهم مكس بس عيالي من النوع الي مايحب يجرب شي جديد قالوا بس نوتلا ذقتها معهم لذيذه بس دسمه شريت من الكوشكات اسواره ب23 ليره مره حلوةتحسفت ماخذت هدايا منها لاني توقعت القى مثلها بالاسواق بس مالقيت بنفس الجوده والفخامه ..ورجعنا بالباص لبايزيد س 12ونص