ياناس ياعالم يامنتدى
معقولة ولا رد ؟

ياخوي جنك ماتدري قط سؤالك هناك بساحة الاستفسارات وراح تلقى الاجابة مني ومن كل الاعضاء انشالله
مااقدر ارد عليك هني مشرفنا ابو عبدالملك الله يخليه لنا حمش حبتين ....

هلا فيك اخوي الميلاد ,,
والله كل الدولتين حلوات بس ودي اعرف ليش انت اخترت بالذات تركيا و اليونان .
ما ودي انك تحتار كثير بس فيه وقت ( يعني بدري على زواجك)
اليونان حلوه و خصوصا انك رايح قبل الصيف لأنها بالصيف شوي حر .
بس اذا بتروح اليونان ممكن تروح اي دولة اوروبية تقريبا بنفس التكلفة .
انا بالنسبة لي افضل تركيا .

السلام عليكم ورحمة الله وبركاته
أخي ... الميلاد
بارك الله لك وبارك عليك وجمعكما في خير
الله يتمم لك على خير
سبق لي شخصيا الذهاب إلى اليونان للسياحة
في الحقيقة ... لم أجد فيها ما يمكن أن يعيدني إليها ...
وهذه وجهة نظري أرجو ألا تُغضب " رواد اليونان "
نعم ... توجد بها أماكن تاريخية وأثرية ... كثيرة وشهيرة ...
ولكنها لم تعن لي الشئ الكثير .. بحكم أنها لا تمت للثقافة " الإسلامية " بشئ
هي أرخص دول أوروبا ... وأقلها تحضر ( من حيث الخدمات )
وتحتاج لتأشيرة ( أوربية _ شينجن ) لدخولها
أشهر ما فيها ... الشواطئ .. والجزر ... وفيها .. ما فيها من أمور .. لاتسر أي " مسلم "
وعلى حد علمي ( وقتما كنت هناك ) ... لم يكن يوجد ... مسجد ... في عموم الأراضي اليونانية .. بقرار " رسمي "
في رأيي ... لا وجه للمقارنة بين " اليونان " ... و " تركيا " ... فالكفة تميل لصالح " تركيا " من جميع الجهات ***
وإن أردت المزيد من المعلومات ... فما عليك إلا قراءة تقارير خبراء السفر والسياحة عن تركيا .. أو زيارة ساحة الاستفسارات
هذا ما لدي ... والله الموفق

صلاة الاستخاره خير معين
وانا ارشح تركيا بقوه
وماليزيا لنكاوي رومانسيه للعرسان بس بغير وقت الاجازات عندهم وكمان عندنا

جدول رحله العمر
ماليزيا- تايلند
اذا اخترت ماليزيا في البدايه
اليوم الاول كوالمبور للراحه
اليوم الثاني التمشي بالاسواق والمجمعات
بعدها التوجه الي جنتنج والسكن ليلتين منطقه بارده وفيها مجموعه فنادق متصله مع بعض
سينما ومطاعم وملاهي
بعدها التوجه الي بينانج بالسياره مدينه ساحليه 3-4 ليالي
بعدها من بينانج الي بوكيت بطيران اير اسيا 4 ليالي بوكيت اكثر حركه وكثير انشطتها (اختياري)
او تاخذ المركب من بينانج الي بوكيت 4-5 ساعات
ثم الرجوع من بوكيت الي بينانج والتوجه بالسياره الي كوالالمبور ليله او ليلتين
والرجوع للوطن
او ممكن تروح لي بانكوك
بعدها بوكيت وتطلع بمركب او طيران لماليزيا

تفضل ... تقرير يتضمن تركيا واليونان
https://artravelers.com/p/re/143802

ما نصحك تروح تركيا لانها صارت سعارها نار
انصح تروح اوربا نفس الاسعار صارو اذا صج ودك برومانسيا روح زالامسي في النمسا
واذا قلت حق زوجتك اروبا شي اكشخ ومستوى اعلى طبعا

تسلمولي الله يخليكم شكرا على الردود
بس في نقاط مهمة لتركيا منها :
الفيزا سهلة ومن نفس المطار
والتذاكر تكون معقولة بهذيك الفترة
بس بصراحة ماعندي فكرة عن الفنادق الخمس نجوم والصرف
هذا من ناحية ومن ناحية ثانية مادري كيف تعاملهم كأنو في شوية دفاشة ولا انا غلطان
ا
ما اليونان اللي شدني لها الجزر والسواحل ولا اعرف اي شي ثاني عنها علشان كذا سألت
واخوي العزيز اللي قال عن ماليزيا وتايلاند رحتها والمدام بعد راحتها واكثر من مرة
يمكن النمسا لفتت انتباهي بس تتوقعون تفي بالغرض
انا رحت جنوب افريقيا بالصيف بس بالفترة اللي انا ابيها شهر مارس بتكون زحمة ودبل الاسعار وحر
شفتو الحيرة كيف:112:
دلوني اليونان كنسلتها
طيب تركيا ولا النمسا