أرشح لك هذا الفندق يقع وسط بورصة .. موقعه وسعره ممتاز قريب من كل شي
Hotel Artiç
تلقاه في بوكينج وسعره جيد
وهنا أحد الإخوان في المنتدى سوى تقرير عنه ويمدحه

وهنا بالتفصيل

مشكور ذات العماد بس هذا الفندق 3 نجوم ونا اريد 4 نجوم

فندق ماري قولد يستاهل 130يورو خمس نجوم جديد محترم وانا مجربه ولا اسكن الا فيه

والله انا سمعت كلام الاخوان وخصصت يوم واحد ببورصه بدون السكن فيها

مشكور بو عصام بس كلمني عن الفندق من ناحية الموقع والغرف والفطور والمعاملة والخدمة .الخ

وينكم ياخبراء بورصة .........................
وينك يابوعاصم ...................................

هلا والله وغلا وبالنسبة للفندق أول ما توصل عند الباب تسلمهم السيارة ويعطونك رقم لها وخلاص قبل ما تبغى تطلع تكلم اللوبي ويحضروها لأنه عندهم مواقف بالأسفل وبالنسبة للفندق خمس نجوم يعني مسبح رايق ومياه حارة وفطور راقي ويكفيك عمر الفندق سنة ونصف فقط بعدين قريب جدا لوسط المدينة فجامع بولو 4كم فقط وفيه السوق المسقوف والحرير ومن مواصفات الفندق انه قريب من مطعم الشجرة التاريخية 5كم فقط وفي بداية طريق الأولداغ جبل الثلج وغرفه محترمة والسويت فخمة والنت بالكيبل توصله للجهاز والرقم السري رقم الغرفة وعندهم مقهى محترم باللوبي ومكانه هاديء جدا بخلاف الميرا الذي يقع على الطريق العام

مشكور بوعاصم ماقصرت بس بالنسبة للسعر 130 يورو من وين احصله ، لأني سألت مكتب وعطاني
ب 199 يورو

والله أنا اتعامل مع مكتب سياحي معروف وموثوق اسمه مرجان وسكنت فيه اكثر من سبع مرات بنفس السعر لكني اسمع من بعض الزملاء انهم يأخذونه من مكاتب اخرى 150يورو عموما لو اردت رقم وايميل الموظفة وهي تتكلم عربي وتراسلهم او تتصل فيهم ويعطونك ان شاء الله سعر كويس اذا تبغى راسلني على الخاص وشكرا