السلام عليكم ورحمة الله وبركاته
كيف حالكم أخواني ابي مشورتكم ..
انا مسافر في شهر 10 بأذن الله وحنا 3 شباب ومدة الرحله 25 يوم واهم شي عندي في اندونيسيا
هو الجبل ( بونشاك) وارغب اني اجلس في جاكرتا كم يوم والجبل أغلب الأيام وزيارة جزيرة بالي
ولأول مره وابي فزعتكم في ترتيب هذه الأيام ترتيب عليه العلم مع ذكر اسماء الفنادق او الشقق في كل
منطقه مع السعر
وابي فندق في بالي في منطقة كوتا ويكون سعره معقول او فله وهي الأفضل والأرغب
رحلة موفقة مقدما يأخوى فهد :-
بالنسبة للفنادق بجزيرة بالى كثيرة لاكن فيه فنادق حلوة ومستواها أربع نجوم وتقع على شاطى كوتا
الشهير والفنادق هى حسب الافضل :- ( الهاردرك ) و ( كوتا سيفيو هوتيل ) و ( هاريس هوتيل )
وبالتوفيق يأخوى فهد أخوك أبن السعودية ،،،،،،،،،،،

يعطيك العافيه أخوي ابن السعوديه ما قصرت
كيف طريقة حجز الفنادق على طول اروح للفندق واحجز من عندهم ولا فيه مكاتب عندهم
زي مكتب كاها آخذ الفندق عن طريقهم ويكون اقل بالسعر
ونشوف آراء باقي الأخوان

بالنسبة لبالي الافضل اول ماتوصل لجاكرتا تحجز من كاها لان ايام الاجازه السبت والاحد بتلاقي زحمه وبالي حقها اربع ايام
بالنسبة للجبل يمكن تنسق اذا تعرف سواق كويس طبعا الافضل انك تستاجر سيارة بسائق يوميته 400 الف روبيه
ولا اوصيك عالجبل تراه حلاوة اندونيسيا ومايمنع تزرق لباندونق وبوقور وحبذا تخصص له من الطلعه 10 ايام والافضل يكون بعد بالي
بالنسبة لجاكرتا يوجد مكتب كاها في المطار
وتقدر تروح للفندق بنفسك
ونصيحةاخيره مهمه
لازم والأفضل عشان تستفيد تصفح بوابةاندونيسيا صدقني تحصل الي تبي وزود
واتمنى لكمرحلة سعيده

مشكور أخوي عربي جاكرتا
من ناحية الجبل اموره سهله لأني رايحله
بس المشكله في بالي اللي ابغاه فندق ولاشقه تتكون من ثلاث غرف وبشرط في منطقة كوتا
وتكون بسعر معقول !!!
وارجو من اخواني الأعضاء ابداء ارائهم في ترتيب ايام الرحله
وشاكر للجميع ..............

مرحبا اخوي
بما انك راح تجلس هناك 25 يوم شوف التقسيمه وان شاء الله انها تعجبك
اول ما تنزل من المطار رح واستاجرو فندق وريحو من عنا السفر يوم في جاكرتا ومن بكرا بدري
علطول على الجبل واجلس فيه عشر ايام طبعا يمكن اول يومين راح تكونون جالسين يبقى لكم ثمان ايام قسموها على الي في الجبل
من برشوت وشلالات وحديقة زهور ومزارع الشاي وحديقة سفاري وحديقة الفواكه وحديقة الفراشات
بالنسبه للزيارات وانت في الجبل
عندك القريب من الجبل بقور وعندك سوكابويم وعندك باندنق
بقور يبي لها من يوم لحد يومين سوكابومي من يوم لحد يومين باندنق من يومين لحد ثلاث ايام
والمسافات مهب بعيد عن الجبل والابعد باندنق وانت رايح لم باندنق راح تمر على تشانجور ادخلها وخذ فيها فره على السريع واذا تبي تجلس فيها يوم اجلس ولا كمل طريقك على باندنق
هنا بالنسبه للجبل يعني لو مريت الي قلت لك يبيلك من عشر ايام لحد 12يوم بس تمشي تمشي مو تمشي امشي الحال يعني ما تخلي شي الا تشوفه
ومن بعد كذا علطول على جاكرتا مطار سوكارنو هاتا تحجز لك على بالي وعندك ثلاث خطوط مجربه شخصياً بتافيا ليون اما جارودا غنيه عن التعريف بس ما جربتها لان اسعارها هي الاغلى
وبعد ما توصل على بالي عاد طب وتنق من الفنادق واذا انت تحب شارع كوتا مثل ما احبه يا زينه من شارع عندك الهاردروك بس غالي تراه وعند فندق حارس في منتصف شارع كوتا وبعد الحارس فيه شارع على يمين تمشي لك عشرين متر او اكثر شوي ويجيك شارع على يسيار طوله تقريباً عشرين متر ويلف فيك اجباري يمين وتمشي لك خمس خطوات تحصل مجمع الفلل على يسارك وهذا موقع الفلل
http://www.villadsriwing-bali.com/
والفلل كلها اربع فلل بينهم مسبحه بس نظافه ونظام خمس نجوم وفيه فله تصلح لكم ثلاث غرف هي الاكبر والي اخذناها حنى وصور الفلل تحصلهم على
https://artravelers.com/p/re/261762
وتجلس في بالي من خمس ايام لحد ثمان ايام واذا تبي تزود ما عندك مشكله اذا انت تحب بالي لانه من صدق بلد لا يمل بس كل ما زادت ايامكم في بالي لازم تزود القطه واحسبو حسابكم زين لان اسعارها مو مثل اسعار باقي المناطق في اندونيسيا
وبعدها اخر مرحله لك خلها جاكرتا تقلبها تمشي في الاسواق وتشتري بعض الهدايا يعني لمدة خمس ايام لجاكرتا حلوه لحد اسبوع كذا حلوه بس في كل يوم خلك صاحي وتقلبها تمشي مو نوم وتقول جاكرتا ما فيا شي فيها بس يبيلها قومه وتوقيت زين للخروج علشان تتفادا زحمة جاكرتا بالطلعه والرجعه للفندق
وهذا تقسيمي لك واتمنى انه يعجبك
سفره ممتعه لكم يالغالين

zmanee
بيض الله وجهك يأخوى ( زمانى ) على المعلومات الرائعة واللى راح تفيدنى شخصيا بأذن الله لان سفرتى
الصيف القادم بشهر جولاى ألف ألف شكر وسلمت يداك يازمانى ،،،،،،،،

والله الاخ زماني ما قصر قسم لك الرحلة علي مافي الخاطر
ونا مجرب تلك التقسيمه ممتازه جدا نسأل الله لك رحلة سعيده
والله لاتنسانا من تقرير مصور يبيض الوجه
لك ودي واحترامي

اخوي فهد رحلة سعيدة مقدما
وان شاء الله سوف اقوم بالرد على موضوعك لاحقا وذلك لضيق الوقت كما انك من المميزين في بوابة اندونيسيا
وتستاهل رد وافي وكافي وابشر حبيب البي ان شاء الله باللي يسرك
انت تأمر امر
اخوك ابو عادل

ابن السعوديه وصالح
بالخدمه يالغالي
وانتم السباقين لكل من يبي معلومات عن اندونيسيا
الشكر لكم يالغالين