وعليكم السلام ورحمة الله وبركاته ::
حياك الله اخوي .
بالنسبة للدورة ..راح يكون وصولك لزيورخ بمشيئة الله يوم 17 الاحد ..ويوم الاثنين تبدأ لمدة اسبوعين .
يعني حجزك للفندق من 17 الى يوم 30 .
في الويكند ..كاقتراح ..ممكن تروح اليوروب بارك ..مع احد الشركات السياحية او بالقطار او باستئجار سيارة في الويكند فقط .
بالنسبة لمخططك المقترح راح يكون بعد كذا :
استئجار سيارة ..ضروري ..عشان تستمع بالطبيعة
انترلكن ثلاثة ايام
مونترو ثلاثة ايام
جنيف او ضواحيها الفرنسية ثلاثة ايام
زيورخ يوم واحد والعودة .
الا اذا كانت عودتك من غير زيورخ ..ممكن ترجع من جنيف ..واضافة اليوم لانترلكن .
====
وممكن تكون رجعتك من ميونخ :
بحيث يكون مخططك :
زيورخ زي اللي فوق .
كونتسانس يومين (تروح لها بالقطار ..وتستاجر السيارة منها عشان تسلمها في ميونخ )
زيلاميسي اربعة ايام
سالزبورغ يومين
ميونخ يومين
=====
توجد العديد من الخيارات ...وانصحك بقراءة المواضيع والتقارير الشاملة لأكثر من دولة ...عشان تتضح عندك الصورة .
وبالتوفيق اخوي

الله يعطيك العافية مشرفنا
وش رايك بالمخطط التالي
زيورخ
مكان الدورة بيكون في Wettingen ولكن قلت أسكن في زيورخ للقرب من الخدمات والبحيرة خصوصا اني بكون مرتبط في الدورة حتى 6 م
فيكون فيه متنفس في المساء
افكر احجز في النوفوتيل بس اتوقع انه بعيد نسيبا عن البحيرة (مشي طبعا)
بعدها زيلامسي 4 أيام بالقطار
ثم جنيف وضواحيها الفرنسية 3 أيام بالقطار (استأجر سيارة في جنيف)
اتنرلاكن 4 أيام بالسيارة
العودة وتسليم السيارة في مطار زيورخ
::ودي أجرب سكن الكوخ بس ماأدري في زيلامسي او جنيف أو انترلاكن::
::الله يعطيكم العافية::

هلا اخوىبالعكس استئجر سيارة ولا تتردد وتنتقل فيها لاى مكان براحتك
والقيادة متعة بحد ذاتها وتستحق التجربة
وتفضل اخوى برنامج لمدة 10 ايام بزيورخ
https://artravelers.com/p/re/910437
وكل الامانى لك برحلة سعيدة ممتعة

الله يعافيك اخوي الساهر ...وجمعة مباركة عليك يا غالي ..
نصيحة لوجه الله ..شوف مواقع المدن على الخريطة قبل لا تسوي المخطط .
هذا اولا .
ثانيا :
القرية اللي فيها الدورة ..تبعد بالقطار عن زيورخ 45 دقيقة .
وبالسيارة ..30 كم ..حدود 35 دقيقة .
المسافة بين زيورخ وزيلاميسي ستة ساعات بالقطار ..تكلفة فوق 100 فرنك للشخص .
ومن زيلاميسي الى جنيف تسعة ساعات ..فوق 160 فرنك للشخص

انا اقترحت اما انترلكن اذا كانت رجعتك من زيورخ .
او
زيلاميسي اذا كانت رجعتك من ميونخ .
ممكن تجمع بينهم اذا كانت رجعتك من ميونخ ..والا راح يكون ارهاق عليك .
وفي انتظارك

مشكوررين أخوي حبيبي ومشرفنا ميدو 1 هل تشور علي اسكن في Wettingen بدلا من زيورخ وممكن التنقل في المساء للبحيرة وغيرها من خلال الترام ----- 2 بالنسبة لما بعد الدورة .. غيرت في البرنامج بحيث يكون استأجر سيارة من زيورخ زيلامسي 5 أيام (Dorfchalets في كابرون وبعدها انترلاكن 5 أيام camping Jungfrau في واديليتربون وأخصص أحد الأيام لزيارة جنيف بعدها العودة لزيورخ وتسليم السيارة في المطار هذا بعد قراءة مجموعة من التقارير خصوصا موضوع الأخ كوتي :: ممكن تكون العكس يعني انترلاكن بعدها زيلامسي لكن العودة من ميونخ واحتاج ادفع فرق السعر التذاكر بحدود 1000 ريال تقريبا الله يوفقكم ويعطيكم ألف عافية على جهودكم الطيبة
على فكرة معرف :: AlSaher_2014 :: نسيت رقمه السري وتوهقت

ام ...عاد الله يعينك على مشوار انترلكن زيلاميسي ..
لكن زيارة جنيف ..صد رد ..من انترلكن ..هذه انا ماني معاك فيها ابدا ..ما تستاهل التعب هذا .
بالنسبة ل ويتنجن ..يفضل السكن فيها ..لأنها ارخص من زيورخ .
وممكن تعمل جولات بالمساء مثلا لزيارة زيورخ او بادن .
بس لازم تعرف مواعيد القطارات او الباصات .
السكن في زيورخ راح يكون غالي شوي ..وثانيا ..المشوار اليومي رايح جاي 45 دقيقة ..لكن مناسب للاهل لقضاء وقتهم عوضا عن الجلوس في الفندق .
ولك حرية الاختيار .
هل تحتاج سيارة للذهاب للعمل ؟ والا فيه محطة باص قريبة منه ..او راح يكون في نفس الفندق ؟
هذه تأكد منها .
واذا تبي شوري ..اسكن القرية ..وتكون معاك سيارة ..وكل يوم روح لمكان ..تمشية ..مرة شمال ومرة جنوب ...وهكذا .
وبالتوفيق

مشكور أخوي ميدو على سعة صدرك
البرنامج بعد التعديل
1 السكن في ونتنقن واستئجار سيارة للتنقلات في الصباح والمساء
(حجزت مبدئيا اول 6 أيام في Blue Wall BnB)
فيه محطة باص قريبة من العمل بس قلت أخذ بشورك واستأجر سيارة لسهولة التنقلات
بعد الدورة
انترلاكن أسبوع مع تخصيص يوم لمونترو بدلا من جنيف
زيلامسي 5 أيام
تعديل العودة ودفع الفرق لتكون من ميونخ وتسليم السيارة في المطار
::كيف البرنامج بعد التعديل::

1. ========

ولو ..العفو اخوي ..ما سوينا إشي ...
نبيك وصلي عليه ..افترح عليك المخطط التالي :
اولا ..السكن في مونترو لمدة ثلاثة ايام لزيارة الانشطة الجميلة القريبة + الريف الفرنسي ..شامونيه وايفيان وايفواغ وانسي .
ثانيا ..السكن في انترلكن لمدة اربعة ايام .
ثالثا ..زيلاميسي لمدة خمسة ايام .
(وفيه اقتراح انك تخصص يوم واحد بالقرب من مطار ميونخ ..اذا كان موعد رحلتك صباحا .)
ليه ؟
اولا ..من باب التغيير ..زيارة المناطق السويسرية ذو الطابع الفرنسي ..مونترو ولوزان وقشتاد...والريف الفرنسي ..شامونيه وايفيان وانسي وايفواغ .
وأنشطة لا حصر لها جميلة .
الذهاب الى الارياف ...في انترلكن ..وقضاء وقت ممتع في احضان الطبيعة ..ما بين شلالات وكهوف وقمم ثلجية ومرتفعات وبحيرات ومطلات ومزارع وانهار واودية .
ثم الى زيلاميسي والتي لا تخلو من الجمال الرباني السابق الذكر .
هذا المخطط بيريحك من قطع مسافات طويلة ..وزيادة فرص عمل انشطة متنوعة .
الميزة الوحيدة ..من وجهة نظري في انك تاخذ اسبوع في انترلكن ..هي وجود شقق واكواخ بايجار اسبوعي باسعار معقولة نسبيا واقل من الحجز بالايام .
شوف اسعار الفنادق والشقق والاكواخ اولا ..واستخير الله ..والله يكتب لك اللي فيه الخير .

========

ميزة استئجار السيارة ..عن تجربة ..انك ماراح تكون مقيد بجدول مواعيد وما شابه ..تخلص من الدورة ..وتكون انت مجهز جدول يومي باالماكن الممكن زيارتها والقريبة من السكن ..مثلا يوم لزيورخ ..ويوم لبادن ويوم لزيارة بحيرة ..وهكذا .
ممكن الانشطة تكون محدودة ..اقصد الانشطة السياحية ..لأن غالبها يقفل الساعة السادسة مساءا ..لكن الويكند ..تكون مفتوحة وتعمل برنامج متكامل باللي راح تسويه .
========
حجزك للفندق اول ستة ايام ..عين العقل ..بحيث يمكنك التمديد للاسبوع الثاني ..او تغيير مكان الاقامة بحسب ما تشوفه ساعتها .
=========
انصحك تشيك على مواقع شرككات التأجير ..سيكست او هيرتز او اليوروب كار ..بحيث الاستلام زيورخ والتسليم ميونخ .
===
والله يكتب لك اللي فيه الخير .
وفي انتظار تعليقك .

مشكور ع الملاحظات والتنبيهات المهمة والحلوة أحس اني تعبتك معي .. ---------- مع التفكير في بعد المسافات بين المدن اتوقع أني أكنسل زيلامسي من البرنامج حتى مايروح علي وقت طويل في التنقلات حجزت في camping Jungfrau Arrival:29. August 2014Departure:05. September 2014 بس مابعد يوصلني التأكيد ... نظامهم في شهر 7 و 8 أقل شيء تحجز أسبوع فيكون باقي لي 4 أيام يومين في مونترو ويومين في جنيف والعودة من زيورخ وإذا قدرت اغير حجز الكامبج يكون البرنامج جنيف 3 أيام مونترو 4 أيام انترلاكن 4 أيام والعودة من زيورخ أتوقع المسافات كذا تكون معقولة أكثر ممكن أزور كونتسانس خلال الويكند الى في زيورخ
ومشكور مرة ثانية