أختي ذكرت لك من قبل ان المخطط متعب جدا جدا جدا ما تسوى عليهم يومين في كل مدينه
الى باريس أوكي و الباقي الغيهم و وزعي الايام على باقي المدن
فيينا 3 أيام
سالزبورغ 3 أيام يوجد فندق الرينيسانس تابع للماريوت
زيلامسي 4 أيام لا يوجد فنادق تابعه للماريوت او الهيلتون
ميونخ 3 أيام هيلتون
انترلاكن 5 أيام لا يوجد
باريس 3 أيام الهيلتون داخل باريس فقط الماريوت في باريس و بالقرب من ديزني
السياره ما راح يحتاجونها في فيينا و باريس

الرحلة متعبة جدا ومرهقه
طالما هي 21 يوم اقترح ان تكون موزعة بالكثير على خمس مدن او ست بالكثير

1. نجي حق ميونخ


2. قصر فرساي يوم واحد احلى قصر


3. ويستاهلون 4 ايام على الاقل يومين في كل مكان


4. وطبعا دزني لاند

انا اقترح بعد نفس الباقي وايد متعبه و صراحه سويسرا و النمسا تحتاج المكوث فيها اكثر اذا من هوات الطبيعه زي حالاتي
طبعا مخطط النمسا حلو بس ياريت تزيد الايام في زلامسي لانه حلوه المنطقه و الجو فيها يهبل و بالنسبه للماريوت ما تحصله واغلب الفنادق عباره عن بيوت حولوها لسكن و تحصلها نظيفه ومرتبه
في زلامسي تقدر تروح وايد اماكن منها جبال الالب تحتاج يوم كامل صراحه و التجول في زلامسي مع البحيره يحتاج لها يوم او يومين لانه الجو وايد حلو ويساعد يعني يوم للجوله بزلامسي والمركب و يوم للتسوق عندهم محل احذيه يكرم السامع وايد حلو و كوالتي وتحصلونه في سوق ميونخ في المارينا بلاتز .
سالزبورغ
فيها كذا مكان حلو منها محل سوارفسكي و لا تنسون شلالات كرمل لازم تروحهم وتحتاجون فيها يوم كامل تقريبا و اليوم الثالث حق السوق والتجمع و اذا حاب تزيدونها يوم بعدج هم حلو
فينا
صراحه ما حببيتها وايد بس سوقهم حلو وهم تقدرون تحصلون لاغراض فيها في اسواق المانيا وكفايه عليها يومين صراحه بس لا تنسون ترروحون قصر الشمبرون لانه حلو

نجي حق ميونخ

ميونخ حلو سوقها و اذا انتوا من هوات القصور و القلاع وتحتاجون فيها 3 الى 4 ايام خصوصا اذا كنتوا مرتبين رحلات خارج ميونخ في مناطق حلوه وذكروا عنها الاخوان في المنتدى ومنها البحيرات وسمعت كثير عن غارمش بس ما حصل لنا الشرف انه نزورها صراحه بس الكل يتكلم عنها
لاتنسون المارينا بلاتز سوق ولا اروع و كبير تتعب وانته تمشي ههه بس اسعار حلوه وخياليه و ماركات حلوه ووراقيه
سويسرا
ما رحت لها بس الكل يتكلم عن جمالها وكنى نايوين نروحها بس بسبب الاحداث تكنسل لك شي وان شاء الله الله يكتب لنا ونزورها
بس تحتاجون تروحون انترلاكن و البحيرة الزرقاء خلوها 3 ايام منطقه لوسرين حلوه و جنيف على الاقل يوم واحد او يومين خصوصا مهرجان جنيف الكل يتكلم عنه
باريس
الحياة تبدي فيها باليل وتستاهل.... 3 ايام كفتنا ندور اغلب معالمها و نزول اغلب الاماكن بس ما رحنا الوفر مرينا عليه ( مو من هوات المتاحف كثير)

قصر فرساي يوم واحد احلى قصر

حذاري حذاري من حي الرسامين " حي الحرامية " يرسمون صورتك الي اهي مو صورتك رسموني كاني ذات الرداء الاحمر ههه يقولون لك تعال نرسمك او مره وحده اتجوف واحد يرسمك مثل ماصار مع اختي وعقب مجبور تاخذ الرسمه و يبتدون ب 100 يورو الحراميه والصوره مو انته غصب تاخذها يلاحقونك بس عليكم بالمقاصص يعني تنمزيل السعر صراحه اخذنها من 100 يورو ب 10 يورو لانه يقولن لك ما بناخذ منك فلوس واخر شي مجبور تاخذها بالمبلغ الي يقولون لك اياه بس الحمدلله حريم ونقاصص ههه
بس جد حراميه احذروا منهم
مناطق بالقرب من باريس شامونيي و انسي وايد وايد حلوين وكثير قريت عنهم وكانت بعد من ضمن المخطط هالسنه بس الله ما ارد بس وايد حلوين

ويستاهلون 4 ايام على الاقل يومين في كل مكان

وطبعا دزني لاند

لاتسون غلطتنا وسكنا برى الحديقه ورحنا لها بس يوم واحد لانه نرجع باريس صراحه تعب الطريج و الحديقه تستاهل على الاقل 3 ايام اقل القليل يومين ما في وقت تجوفون العرض اذا بتوقفون في كيوات تقريبا 45 دقيقه بالتراك العادي و 30 دقيقه تقريبا بالمسار السريع جنك ما سويت شي و غير حديقة الافلام الثانيه تحتاج يوم كامل واذا معاكم اطفال صراحه تحتاجون انكم تطولوولون لانه ما تخلص طلباتهم وانته ما رحت كل الحديقه فانصح ب 3 ايام على الاقل والسكن داخل الحديقه في اي فندق ايريحكم
المانيا
سمعت عن دسلدوورف في المانيا انها كثير حلوه وسوق همبورغ ولا اروع وارخص الاسواق في المانيا و زين حق الصوايغ فخلوه للاخير عشان تكون الرده من برلين
بريطانيا
بالنسبه حق لندن حلوه وجميله و المناطق فيها رائعة + برايتون + منشستر + سكوتلندا + ايرلندا وحدائقها الحلوه احس تخلونها سفره بروحه

دبدوب تفصيلك عن سفرت الاخت مره رائع وإلى الامام يا مبدع