انتثر لك عطر
عزيزي الاول خلينا نتفق على الجدول وبعدها ندخل في موضوع الفنادق والشقق الفندقية ...
تحياتي ...

THE IMMIGRANT
السلام عليكم ورحمة الله وبركاتة
أخوي الكريم THE IMMIGRANT أشكر لك ردك والله ياأخوي عرضت عليهم نيوزلاند مايبون فقط استراليا وحصل تغيير في الوقت من 22 / 7 الي يوم 28 / 7 لمده شهر وراح يكون كالاتي 10 ليالي سدني و10 ليالي قولد كوست و 5 ليالي ملبورن و5 ليالي ماليزيا واقتراحوا على ناس من الاهل طالعين السنه اللي طافت استراليا الشقق الفندقيه التاليه
في سدني ستار سدني وفي قولد كوست صن ستي
فما ادري ايش رايكم فيها واذا في افضل منها ايش هم وايش تفضلون في مالبورن وبخصوص ماليزيا سبق وطلعت لها وراح يكون السكن في الماريوت او ريجنت سابقا ملينيوم حاليا

السلام عليكم ورحمة الله وبركاتة
مازلت انتظر ردك اخوي الكريم The Immigrant وراي أخواني الخبراء في استراليا وكل الشكر موصول لكم جميعا

انتثر لك عطر
ستار سيتي في سيدني جيد جدا من ناحية المستوى و الموقع
في جولد كوست اذا كان المقصود هو منتجع الصن سيتي فهو بعيد نسبيا عن منتصف السيرفر براديس
حيث يبعد مسافة كيلو متر عن جادة كافيل
و يفضل اختيار الشيفرون رينانسس أو السيركل أون كافيل
تقبلوا تحياتي

السلام عليكم ورحمة الله وبركاتة
أخواني و أخواتي الكرام حبيت استفسر عن فنادق او شقق الفندقيه في مالبورن ايش الافضل هناك وخدمه كويسه

1. جدولي هو الاتي

السلام عليكم ورحمة الله وبركاتة
أخواني وأخواتي الكرام تم ترتيب الجدول على الاتي مع مكتب الاماراتيه للعطلات وبلغوني حاليا راح يفرق السعر ويرفعون التذاكر على 20 % من 17 / 5

جدولي هو الاتي

راح يكون يوم السفر 28 / 7 الفجر ساعه اربع الا ربع على الاماراتيه من مطار الدوحه الي دبي والوصول هناك على الساعه 6 الا ربع بتوقيت الامارات ومده التزانزيت ثلاث ساعات وساعه تسع الا ربع نطلع لسنغافورا طبعا الخطوط هي الاماراتية والوصل ساعه 20,15 والجلوس فيها اربع ايام ويوم 31 / 7 نطلع من سنغافورا الي قولد كوست على ساعه 21,40 الوصول ساعه 7 يوم 1 / 8 والجلوس فيها عشر ليالي لين يوم 11 / 8 ومن ثم نطلع من قولد كوست الي مالبورن لمده خمس ليالي ونطلع منها يوم 16 / 8 الي سدني والجلوس فيها عشر ليالي ليوم 26 / 8 ومن ثم نطلع منها الي تايلند ونجلس فيها الي يوم 30 / 8 ونغادرها أن شاء ساعه 8,30 مساء ونصل الي دبي وتزانزيت ساعتين وعلى حدود الساعه 2 ونص الفجر يوم 31 / 8 نصل الدوحه
طبعا عدد اربع اشخاص كبار ودرجه السياحية والتنقل بين مدن استراليا بالطايرة
والسكن في سنغفورا في Orchard Parade Hotel
اما استراليا في قولد كوست سن ستي وفي مالبورن ستامفورد بلاز وفي سدني ستار ستي
وفي تايلاند اعتقد هذا اسم الفندق Bangkok city hotel
هذا هو جدول رحلتنا حبيت اعرضه لكم وأشوف رايكم وطبعا عطتنا الاماراتيه للعطلات توتل الرحله QAR 72769.00
طبعا راح يكون هناك زياده 20 % على اسعار التذاكر وراح يختلف السعر عن هذا
انتظر رائكم

هلا.... الجدول اوكي ...بس تاريخ الرجوع متأخر لان رمضان هاي السنه ولا 31/8 او 1/9 لو عادي عندكم سفره موفقه ان شاء الله...

ام شخبوط
مرحبا عزيزتي اعلم وقت السفر متأخر نوع ما ولكن بسبب ارتباطات بي مناسبات عدة فالعائلة وحتي مايزعل احد منا مانقدر قبل 28 /7 نسافر والرجعه فجر 31 / 8 ورمضان يوم 1/9 او 2/9

السلام عليكم ورحمة الله وبركاتة
أخواني وأخواتي الكرام رواد بوابة الكنغر الاستراليي حبيت استفسر ايهم افضل واقرب للبحر سن ستي ولا السركال
والخطوط الاماراتيه ولا الماليزيه افضل لاني عندي عرض اخر على الماليزيه وبدل سنغافورا وتايلاند ماليزيا
مازالت انتظر رأي الخبراء الكرام في هذي البوابه بهذا الجدول اللي عن طريق الاماراتيه ولو كان عن طريق ماليزيه والماليزيا ايهم افضل وللعلم سبق وطلعت ماليزيا