عبدالله 1987
31-10-2022 - 01:06 pm
السلام عليكم ورحمه الله وبركاته ،،
هذا اول موضوع لي في بوابة قطر وكذلك إن شاءلله اول سفرة لي لقطر
أرجوا منكم تجاوبون على بعض الاسئلة :
انا بوصل الدوحه يوم الاثنين الصبح و اللي فهمته بأن مول فيلاجيو حلو وقررت أني ازوره إن شاءلله
هل تنصحوني ازور المول هذا او استبدله بمول أخر ؟
كم يبعد فيلاجيو من المطار ؟ ومتى يفتح الصبح الساعه كم ؟
وهل يوجد في مطار الدوحه محلات او كشكات لتحويل العملات ؟
الله يوفقكم إن شاءلله جاوبوني بكرة رحلتي إن شاءلله ،،
حياك الله وتنور فيك قطر
طبعا انصحك فيه ...فيلاجيو من المجمعات الحلوة والراقية بقطر
يفتح من عشر الصبح الى عشر بالليل
طبعا كارفور وبعض المقاهي فية يفتحون من تسع الصبح
فية اغلب الماركات العالمية والمعروفة
وفية عدد كبير من المقاهي والمطاعم الراقية والمتنوعة
طبعا ياخذ ربع ساعة من المطار الى فيلاجيو طبعا ممكن اكثر وممكن اقل حسب الزحمة
اهم شيء انك تتاكد من مواعيدك بالضبط عشان ماتطوفك الرحلة ...
ويوجد في المطار تحويل عملة ولاتشيل هم في فيلاجيو كذلك عدد من البنوك وصرافة يحولون لك العملة
واي استفسار ابشر بسعدك