Nasser 1
16-04-2022 - 12:36 am
السلام عليكم
انا بكرة انشالله طالع للبحرين من جنيف عالخطوط التركية (لا انصح بالسفر عليها البته) وعندي ترانزيت في استنبول 6 ساعات ومادري شسوي !!! ابي اي احد من الاخوان اللي عنده تجربه في هالموضوع انه يفيدني لو تكرمتوا ,, يعني احسن اطلع من المطار واروح لاي مكان وهل فيه شركات بالمطار عندهم هالخدمة و مانستغني عن ارائكم
شكرا
هي مو واو ولا فيها ترفيه
واتوقع لرحلة دولية حتى لو هي رخيصة ماتسوى اذا المشوار طويل
الي جربناها اير باص
والي استغربته ان الطيران الداخلي التركي افضل من الدولي لان طيارتنا من والى انطاليا كانت افضل من الطيارة من والى البحرين
درجة البزنس ماتسوى خسارتها الا انهم يعطونهم عصير اول ما يصعدون
ويعطون الي يشربون زجاجة كاملة كبيرة بينما الي بالسياحية يعطونها زجاجات اصغر
ومدري اش فيهم هالكرم على الخمور
حنا الي طلبنا كوكا كولا او عصير يحطون لنا ربع الكاس والنص ثلج
والي يبي بيرة او خمر يعطونه علبة كاملة مثل علبة البيبسي او غرشة حجمها مو بطال
الكراسي تقريبا متشابهة
الحمام الخاص بالدرجة الاولى مايفرق ولا شي عن السياحية غير ان مستخدميه عددهم اقل طبعا
خدمة المضيفات جيدة المضيفين لا
وجبتهم من اسطنبول كانت لذيذة لان الاكل التركي عموما لذيذ ومنتجاتهم طازجة
تتاخر ربع الى نصف ساعة عن الاقلاع
للانتظار الترانزيت
اعتقد ماتقدر تطلع من المطار الا بالفيزا وهي عشرين دولار على الجواز
التكاسي متوفرة بسهولة
فيه مجمعات تجارية قريبة من المطار مثل فورم وغالريا مول
فورم فيه سينما وبولنغ واكواريوم ومطاعم كويسة ويبعد عن المطار نصف ساعة
او تقدر تروح ميناء امنيو نو وتاخذ مركب لرحلة عبر البسفور ساعة ونصف او ساعتين وتتمشى حول البحر وتاكل وجبة باحد المطاعم هناك