ورد جدة
04-03-2022 - 02:26 pm
السلام عليكم و رحمة الله و بركاته
كان حجزنا عالخطوط السعودية من جدة الساعة 9 مساء الى الرياض و ننتظر في الرياض ساعتين
ثم من الرياض إلى كوالالمبور
اليوم لقينا حجز آخر في نفس اليوم و بنفس الطريقة بس الفرق الوحيد انه في الرياض ننتظر في الطائرة لمدة ساعة و نصف و الشنط زي ماهي تبقى في الطائرة>>>> حاسة انهم بيضحكوا علينا و راح ننتظر ساعتين
قعدت أفكر إيش راح أسوي في الطائرة خلال ساعة و نصف أو ساعتين؟؟؟
و المشكلة انه بعدها كمان 8 ساعات رحلة ماليزيا!!
يعني كلها على بعض من جدة إلى كوالا صارت 11 ساعة و أنا على نفس مقعد الطيارة!!!
بصراحة خفت يجيني إكتئاب أو وسوسة أو شي نفسي خ .. لأنه بجد ملل
طيب سؤالي لو تكرمتم
هل ممكن ننزل من الطائرة مع بقاء شنطنا مع العفش نتمشى في المطار ثم نرجع مرة أخر وقت إقلاع الطائرة..؟؟؟
و لا ما ينفع و يبغالها أوراق و تعقيدات؟؟
طيب إذا ما ينفع.. إيش نسوي ساعة و نص في الطيارة؟؟؟؟؟؟
اقترحوا عليا الله يخليكم.. بجد بجد ملل و بعدها 8 ساعات
اللي اعرفه والله اعلم ان مصطلح ( ترانزيت ) يعني تنزلون من الطياره ..
و ( توقف ) يعني ما تنزلون ..
ان كانت ترانزيت فهذا يعني بتنزلون من الطياره وتجلسون في صاله الانتظار الين ما ينادون عليكم مره ثانيه ..
وان شاء الله الخبراء يفيدونك اكثر بخصوص هذا المووضوع ..