السلام عليكم ورحمة الله وبركاتهأهلا وسهلا بكم معنا في منتدى العرب المسافرون البوابة التركيةاخي الكريم اعتقد ان الاسعار مبالغ فيهاشوف اسعار اخرى يوجد عدة شركات وعندما تصل اسطنبول ممكن تحجز طيران داخلي وهو رخيص نوعا ما رحلة موفقة إن شاء الله منتظرين تقريركم وصوركمودمتم سالمين

حبيب قلبي شوف ادخل على موقع الخطوط التركية تمام لاتروح لمكاتب الحجوزات خل شغلك بالانترنت وهناك انت مخير ان لقيت رحلة على التركية من الرياض الى اسطنبول تمام وان مالقيت الظهار فيه رحلات لها من الدمام فتكون رحلتك الاتي الرياض دمام دمام اسطنبول هذا شي
اما بالنسبة للرحلات الداخلية فا الاتي انت مخير بين الاتي ان كنت ترغب بالسفر بنفس اليوم لطربزون فيفضل حجز تذاكر الذهاب الى طربزون قبل سفرك اقل شي باسبوعين عشان تكون الاسعار ارخص فتحجز فقط الذهاب الى طربزون واما العودة فتتكره لخيارك يمكن يعجبك الجو وتجلس اكثر او الاتي انك تحجز العودة ايضا قبل سفرك لكن حط في بالك شي انك راح تدفع فرق لتغير موعدك ولازم تغيره قبل حلول السفر اذا كنت بطربزون هذا اذا سفرتك من اسطنبول الى طربزون على التركية واتمنى ان يكون الي قلته واضح ومفهوم وان ماهو واضح اكتبلي عشان افصلك اكثر

مشكورين و ربي لا يحرمنا منكم
الله يوفقكم دنيا و أخر
طيب على رأيك أحجز اسطنبول طربوزن .. اذا وصلت الى تركيا
ان شاءالله بجلس في اسطنبول 7 أيام ثم اطلع طربزون
سؤالي : كيف اجحز من اسطنبول ؟ من أين ؟
الله يوفقكم

مكاتب الحجز كثيرة والشركات كثيرة شف ايهم اقرب لسكنك باليوم الاخر لك في اسطنبول هل الاقرب مطار صبيحة او مطار اتتاورك الي اقرب لسكنك احجز منه والاسعار تختلف من ساعه لساعه اهم شي قبل السفر الى طربزون امن سكنك في طربزون وحاول توصل هناك على الصباح او الظهر افضلك عشان تستفيد باليوم هذا وجهة نظر اخوك المتواضعه واهم شي انتبه لفلوسك مع التكاسي في اسطنبول وخاصة الفئة 50 ليرة وال 5 ليرات تراهم جدا متشابهين انتبه تعطيه 50 ويقولك انت ما اعطيتني الا 5 ليرات عشان ما يجحدونك ترا حقين جحد

عاشق اوزانقول
الله يسعد أيامك يا عاشق اوزانقول
اخر سؤال و اسف اذا ازعجتك
هل اجد حجز اسطنبول طربزون قبل السفر بيوم او يومين ؟ إمكانية الحجوزات هناك ؟
السكن في ازنجول هل فيه مشكلة لو احجز من هناك خاصة اني بروح بشهر 10 ؟
كل التقدير لك

مررحبا ابو هموسه ..
انا اشوف ان مبلغ 2700 ريال للشخص مبلغ معقول ..
خصوصاً اذا علمت اني سافرت من المدينه الى اسطنبول الى طرابزون بسعر 3124 للشخص الواحد .. بس في نهاية فتره الصيف ..
وانت الآن مبين من كلآمك ان تذكرة اسطنبول طرابزون طلعت عليك ب 570 ريال فقط .. يعني شيء حلو .. لأنهم اعتبروها لك ..تذكرتين بتذكره ..
وتوقع لو بتروح تحجز من اسطنبول على طرابزون راح يكون السعر اعلى .. وحتى لو تلقى سعر مقارب .. فمار راح تكون الخطوط بنفس مستوى الخطوط التركيه .. غير كذا لو اشتريت من هنا بتريحك من قروشه الحجوزات هناك ..
هذا رأيي لك ..
وبالنسبه للسكن .. فلآ تشيل هم بتروح الى اوزنغول وبتلآقي السكن متوفر بكثره .. وانصحك بأيقون موتيل ..
موفقك اخوي .. وتروح وتجي بالسلآمه ..

حبيبي الغالي اريحك اذا حجزك من المدينة للسطنبول وذهابك الى طربزون كله 2570 تمام وفعلا عادي اهم شي تئمن وصولك اول يوم لطربزون وافضل الفنادق النوفتيل هذا راي تريح فيه اول يوم اذا وصولك على الظهر العصرية تتمشى بوستبا وبحيرة سرقولو كلهم قراب من طربزون وثاني يوم تتجه الى اوزانقول وهناك بتشوف الوضع بعيونك اهم شي اذا بتستئجر لك سيارة لازم تجهز نفسك من السعودية بجهاز قارمن وفيه خارطة الاماكن السياحية مثل اوزانقول والسيارة تاخذها ديزل استئجرها من مركز المدينة اريحلك وهناك الاسعار بتلاقيها متفاوته اهم المميزات اخذها ديزل و اوتوماتيك وعلى فكره انا اشوف سواقي كان يبدل نمر في المرتفعات الظاهر مثل سيارتنا l1 , l2 للمرتفعات وهم حاول تطلب من مكتب الاجار ب جارمن من عندهم واوصيك بالاتي نزل برامج وخرائط تركيا على جوالك عشان تكون مجهز نفسك بكل شي والله معاكم