اولا حياك الله .. ومبروك الزواج مقدما ..
المخطط فينا 5 ايام سالزبورخ 3 او 4 ايام زيلامسي 5 ايام ميونخ وما حولها 5 ايام ... احب اعرف هنا كم الميزاينه ؟؟ حتى انشوف هل المبلغ يكفي وله ننقص من مدة السفر كم يوم .....
اما بخصوص الاستفسارات ..
1- فكرة السياره ممتازه بالطريقه المذكوره ووممكن الاستغناء عنها بميونخ ..
2- التأشيره قبل السفر بشهرين افضل
3- ما يلزم ان شاء الله .. الا اذا تغير شيئ بالعام القادم
4- نعم في استيكر للنمسا لو اجرتها من فريسلانق ممكن تجده على السياره او اول ما توصل سالزبوبرخ تشتريه وايضا هم بيدلونك على اول محطه فيها الاستيكر ..
5- الدوليه انصحك جدا جدا بستخراجها خصوصا انها ما تحتاج شيئ صورتين والاجازه السعوديه و100 ريال فقط
6- التأمين انا بالكويت وما اعرف اذا كنت من السعوديه .. لكن برأيي غير ملزمه ابدا عندنا فأنا دائما استخرج تأمين لمدة شهر واخذ فيزا لمدة 6 شهور
تحياتي

فعلا بالرياض يطلبون حضور الزوج فقط بدون الزوجه ولكن يعطون فيزا سقيمه مثل 18 يوم ونحوه والبعض على مدة التأمين
بعض السيارات او اغلبها تضيف سعر اضافي ويعطونك نظام ملاحه
والرخصه الدوليه شي اساسي بجانب رخصتك الوطنيه
وهذا موضوع انا حطيته في منتدى اخر ممكن يفيدك بخصوص الرخصه
مساء الخير اعزائي الاعضاء
كثير منكم يسافرون للخارج ويفضلون استئجار سيارات خاصه بدلا من استخدام وسائل المواصلات العامه
ولاستئجار سياره .. يطلب اغلب مكاتب تأجير السيارات رخصة القياده الوطنيه + رخصة القياده الدوليه
وكثير منا يستخرجون رخصة قياده دوله من مكاتب محليه باسعار مبالغ فيها : سنه واحد = 40 دولار
مؤخرا .. وجدت احد المواقع الدولي الانتشار يقوم بتقديم خدمات استخراج رخصة قياده دوليه لفترات مختلفه باسعار زهيده
سنه واحده = 35 دولار
3 سنوات = 40 دولار
5 سنوات = 45 دولار
0سنوات = 50 دولار
انا شخصيا استخرجت رخصة قياده 10 سنوات ب 50 دولار + التوصيل بالبريد العادي International Regular Mail الى السعوديه ب 5 دولار + 2 دولار لاستخدام بطاقة الائتمان = مجموع 57 دولار
وتأتي الرخصه على شكل دفتر ونسخه اخرى على شكل بطاقه وبامكانك استخدام كلاهما
قمت بتجربة الرخصه في مملكة اسبانيا وتم قبولها واستطعت استئجار سياره بكل بساطه
المتطلبات :
1. نسخه من رخصة قيادتك المحليه
2. نسخه من توقيعك
3. صوره شخصيه لك
تستطيع رفع المتطلبات بواسطة الماسح الضوئي (سكانر) وحفظها على شكل صوره بصيغة JPG ومن ثم رفعها على الموقع ببساطه
وانصحكم بتجنب رفع الصور باحجام كبيره لمن لديه سرعة اتصال انترنت بطيئه
للتقديم على الفيزا يرجى زيارة هذا الموقع
http://idl-iaa.com
ومن ثم اختيار Application
ثم For Internatioal Driver License
بعدها قم بتعبئة كافه الخانات ورفع الصور واختيار وسيلة الدفع والتوصيل وثم Submit the Application
بعد 6 ساعات من عملية الطلب سوف يتم سحب المبلغ (57 دولار) وبعد اسبوع سوف تصلكم الرخصه
مع تمنياتي لكم برحلات سعيده وامنه
واوصيكم بربط حزام الامان واحترام انظمة المرور داخل وخارج بلدكم

ali_q8_77
الله يحييك اخوي علي ..
وربي يبارك فيك ويرضى عليك ..
المخطط فينا 5 ايام سالزبورخ 3 او 4 ايام زيلامسي 5 ايام ميونخ وما حولها 5 ايام ... احب اعرف هنا كم الميزاينه ؟؟ حتى انشوف هل المبلغ يكفي وله ننقص من مدة السفر كم يوم .....
الميزانية ياطويل العمر ماتقل عن 50 الف إذا الله سهلها ..
اما بخصوص الاستفسارات ..
1- فكرة السياره ممتازه بالطريقه المذكوره ووممكن الاستغناء عنها بميونخ ..
2- التأشيره قبل السفر بشهرين افضل
3- ما يلزم ان شاء الله .. الا اذا تغير شيئ بالعام القادم
4- نعم في استيكر للنمسا لو اجرتها من فريسلانق ممكن تجده على السياره او اول ما توصل سالزبوبرخ تشتريه وايضا هم بيدلونك على اول محطه فيها الاستيكر ..
5- الدوليه انصحك جدا جدا بستخراجها خصوصا انها ما تحتاج شيئ صورتين والاجازه السعوديه و100 ريال فقط
6- التأمين انا بالكويت وما اعرف اذا كنت من السعوديه .. لكن برأيي غير ملزمه ابدا عندنا فأنا دائما استخرج تأمين لمدة شهر واخذ فيزا لمدة 6 شهور
تحياتي
الله يبيض وجهك وتسلم على تجاوبك ..
بالنسبة لتقديم التأشيرة زي ماقلت لك ودي اقدم بشكل مبكر يعني بعد شهرين من الان ..
فهل رح يرفضون طلبي بما ان موعد السفر متأخر جداً ؟!
وسؤالي الإضافي وياليت تتحملني, لو اخلي رحلتي لميونخ في البداية واستخرج الشنغن من المانيا هل بتكون أسهل من ناحية الطلبات ومايشترطون الحضور الشخصي ؟
لأن معي الحين شنغن ماخذها من الايطالية وما استوجب حضوري الشخصي ..
بالنسبة للتأمين ..
انا مستعد اخذ سنة لكن هل رح يعطوني مثلاً التأشيرة سنة ؟
هنا الي مخوفني شوي من ناحية الفترة الي بحصل عليها ..
ولاهنت ربي يسعدك ..
..

mezajee_ksa
حياك اخوي مزاجي ..
بالنسبة لنظام الملاحة مارح احتاجه مع السيارة لأن بيكون معي جهازي الخاص ..
وبصراحة مسألة مدة الفيزا تقهر لأن على كلامك ماهو مضمون يعطوني فترة الفيزا على حسب التأمين !!
وتسلم على موضوعك بخصوص الرخصة الدولية ..
ان شاء الله بنفذ هالشي ..
..

السلام عليكم
مبروك الزواج و الله يتمم لك علي خير يارب
الفيزا شنغن كلش مو مضمونه .. انا سويتها 4 مرات مره سويت تامين سنه قالولي حسب التامين عطوني فيزا 3 شهور .. الثلاث مرات اللي بعدها سويت بو شهر .. مرتين عطوني 6 شهور و اخر مره سنه ! بكيفهم ..

لا تقدم الان قدم على الفيزا بشهر 4 القادم افضل ... التأمين كما ذكرت ليس ملزم .... بخصوص المده ...
لو كانت البدايه بميونخ الافضل استخراجها من المانيا .. وطالما انك استخرجت من قبل ممكن يعطونك مده اطل هذي المره
واي استفسار لا تتردد

alkuwaitia
عليكم السلام ..
الله يبارك فيك ويسعدك ..
نشوف هالمرة كم بيعطوني, الايطالية اخر مرة اعطتني 6 شهور وكان تأميني سنة ..
..

هم عادة يعطون 6 شهور .. عند تقديم الطلب اكتب بالابلكيشن انك تبي سنه ... وان شاء الله خير

ALI_Q8_77
الله يبيض وجهك اخوي علي ..
حتى الان انا محتار تكون بدايتي فيينا والعودة من ميونخ ..
او تكون من ميونخ وجولتي على الارياف النمساوية فقط ..
لأن الفكرة الاستقرار ب كابرون لكن شلتها من بالي لأن ودي بسكن مطل على بحيرة ..
زيلامسي اشوفها معقولة لكن ما احب الغثقة, ففكرت في فوزتشي (fuschi) مدري نطقي لها صح او لا
فما ادري وش تنصح فيه اخوي علي :$
خاصة انه شهر عسل ومهتم كثير بالاجواء الرومانسية والهدوء ..
واعذرني على السؤال المتكرر هذا, لما اقدم على السفارة بدري رح يمنعوني ؟ :$
والله يفتحها بوجهك ..
..