عرييس جديد
30-08-2022 - 12:39 am
السلام عليكم ورحمة الله وبركاته
اشكركم على هذا المنتدى الرائع بمعني الكلمه
بكل صراحة استفدت منه كثيرا في سفرتي السابقة الى ماليزيا
لكم هالمره السفره غير هالمره السفره مع زوجتي ( يعني لازم نبيض الوجه
انا إن شاء الله مسافر في شهر جولاي و تخطيطي ان المده تكون 10 الى 11 ليلة
بكل صراحه احترت في اي بلده اختارها لقضا شهر العسل واخيرا
تم القرار وإن شاء الله بسافر الى فرنسا و سويسرا
بصراحه قريت الكثير من المواضيع لكن حبيت اخذ رايكم بشكل مباشر عن شنو افضل تخطيط للرحله
هل الافضل ابتدي في فرنسا وانتهي ب جنيف وارجع من جنيف عائدا الى الوطن ام العكس ام هناك تخطيط افضل؟؟ بصراحه شفت كثير من المخططات و موعارف للحين اش الافضل؟
بالنسبه لتوزيع الايام شنو رايكم اش افضل توزيعه؟ على ماقريت في المنتدى مبدئيا قلت 4 ليالي في باريس و البقيه مابين جنيف وانترلاكن هل التخطيط جيد ام يحتاج تغير اعطونا مقترحاتكم لاهنتو
بالنسبه للتنقل ماهي اقضل طريقه بين المدن؟ وهل تفضلون اني اخذ سياره واستأجرها او اني التزم بالقطارات والباصات والتكاسي وهل يفرق في التكلفه كثير؟ وبيني وبينكم اخاف اضيع بالسياره ووين نودي وجهنا مع المدام
الله لايهينكم ممكن تعطيني مقترحات عن الفنادق لان بصراحه طحت فيها في سفرتي الي قبل قالي المكتب فنادق ومدح فيهم لكن الواقع كان غير ؟
اعذروني على الاطاله واتمنى انكم تتحملوني
الاوصول الى باريس الاربع ايام الاولى او خمسه تضم ليله في اليورور دزني
بعدها التوجه الى جنيف بالقطار فقط لستلام السياره من مكتب اليورب الكار القريب من محطه الرئيسيه فيها
والتوجه مباشره الى انترلاكن لمده 4 ايام واختيار اما فندق كرابس او جولدي
الايام الاخيره تكون في مونترو او لوزان حسب ومنها ممكن ان تزور جنيف وتتسوق