- أتصلت بريال اللي عطاني الجهاز قلت له السالفه قال غريبه !!!
السلام عليكم
اشرت جهاز garmin 775T بثلاث خرائط الخليج وأروبا وأمريكا ولاني كنت ناوي اسافر ميونخ وستخدمه هناك
جهزنا نفسنا للسفر واول شيء افكر فيه الجهاز garmin 775T لان اعتمادي على الله ثم عليه لان جهاز صراحه جدا مهم
المهم وصلنا المانيا ثاني يوم قلت بحفظ مكان الفندق اللي ساكنين فيه شغلت الجهاز شغال زين ورحة تحت بشارع بجنب الفندق على اساس احفظ المكان عدل تمام رجعة الغرفه قلت بجرج الجهاز لانه كان مفضي بعدين حبيت ابحث عن موقع في ميونخ قلت اشغل الجهاز مب راضي يشتغل مره وثنين حاولت مب راضي يشتغل قلت في خاطري يمكن الوايل مال ال USB خربان قلت لما يجي السائق مال القنصليه بجربه في السياره لاننا كنا سايرين المستشفى وركب الواير أو الكيبل بالسياره وبعد مب راضي يشتغل شسالفه !!
اتصلت على احد الاخوان بالامارات وشرحتله سالفتي المهم قال بطرش لك جهازي وجهازه هو نفس جهازي garmin 775T قلت له زين الله يجزيك خير
أول ما وصل الجهاز عاد انا قلت بروح استأجر سياره رحت شركة اروب كار واستأجرت السياره ولله الحمد الامور طيبه وصلت الجهازبالسياره شغال الحمد لله زين فرحت يا فرحه ما تمت
اتصلت على الحرمه انزلي برنروح محل معين قالت زين وصلنا المكان اللي حافظين في النقاط وهو محل قريب من ميونخ 4 كيلو تقريبا دخلنا المحل لفينا وطلعنا وركبنا السياره وشغلت garmin 775T انتظرت شوي ولا بند مب راضي يشتغل بعد نفس اخوه الثاني تميت اطالع الحرمه قالت لي شوفيك قلت لها الجهاز ما يشتغل وانا أول مره اسوق بالبلد اسميها حاله انزين اسمعي بنرجع على دربنا اللي جينا منه وساعديني قالت زين
الحمد لله رجعنا ووصلنا الفندق
أتصلت بريال اللي عطاني الجهاز قلت له السالفه قال غريبه !!!
المهم انا منتظر طوالي رحت محل بالمارين كان هناك محل للاكترونيات وشفت جارمن الجديد garmin 865
سعره كان 375 على ما اعتقد ومع الضمان 450 انا اشترته مع الضمان وطلعة بسرعه على الفندق شغلته وعملت له ابديت من موقع الشركه والحمد لله الجهاز افضل من 775 بمليون مره واللي يقول لا حرام عليك الجهاز تمام بقوله جرب 865 بعدين تعال كلمني
الهم رحنا سكاي لاين وليقولاند واروبا بارك وزلمسي لو مب الله ثم هذا الجهاز جان انا رديت في تكسي ههه
اذا فكرت اسافر ميونخ بشل معاي جهاز 775 + 865 لاني صرت ما أمن ب 775 ههه
واليوم جاي من وكيل جارمن وعطيتم الجهاز وقال لي يحتاج عمل له اب ديت
انصح الاخوه اللي ناوين يسافرون يجهز نفسه أو لو عنده جهاز أخر لو بخارطه قديمه انا ما يأمن بهذا الجهاز الفاشل على الاقل تشل معك جهاز أخر للاحتياط ولا بالسياره اثنينهم معاك والله يحفظكم
هذه كل الحكايه
طيب اخوي الجهاز الي اشتريته فيه عدة لغات كتابه وصوت ولا لا
وهل اللغه العربيه من ضمنها ؟