- نحن نبحث عن الراحه النفسيه قبل السكن و هالشي مفقود عندهم للأسف
السلام عليكم و رحمة الله و بركاته ..
اخواني و خواتي اعضاء العرب المسافرون ..
اليوم بخبركم عن قصتنا و معاناتنا مع شقق derag apartments prinzessin elisabith
أبداً ما انصح فيها و لو كانت آخر شقق فندقية في ميونخ
انا سكنت عندهم شهر كامل في الصيف الماضي و اتندمت .. !!!
من ناحية النظافة و حجم الغرف و الاسعار ممتازه
لكن !!
تعامل الإداره و الموظفين زفت زفت زفت و ما عندهم ذرة ذوق ولا اسلوب ولا احترام و فيهم عنصريه ضد العرب !!
نحن نبحث عن الراحه النفسيه قبل السكن و هالشي مفقود عندهم للأسف
اول ما وصلنا الفندق كانت الساعه 10 و نص مساءً و تفآجئنا انهم يطلبون منا ندفع مبلغ اول اسبوعين مقدم و كان ما يقارب ال 21000 درهم !!
مع العلم انهم ما خبرونا عن الشرط هذا قبل الحجز و كان السكن على حساب وزارة الصحه و بالرغم من هذا وافقنا على الدفع و الحمدلله كان ضعف المبلغ موجود في الفيزا لكنها ما تقبل تسحب مبالغ كبيرة حتى لو على دفعات !!
و جلسنا ساعتين تقريباً في اللوبي نحاول نتفق معاهم و كلمنا السفارة لكن كان الوقت متأخر و مسؤول السكن مش موجود و اتبهدلنا خصوصاً ان معانا اطفال و تعبانين من السفر و على الساعه 1 تقريباً وافقوا يعطونا الشقق بعد طلعة الروح لكن بشرط ندفع المبلغ كامل الصبح و الا بيطلعونا من الفندق !!
و تخيلوا بعد 20 يوم يحاولون يطفشونا بأي طريقه و يفتعلون المشاكل بدون أسباب ولا مبررات !!
و كل كم يوم يرسلون لنا رساله عشان تجديد الحجز مع ان نحن كنا منتظمين في الدفع اسبوعياً و ماخذين 3 شقق و يمكن ندفع اكثر عن غيرنا بعد !!
و آخرتها بعد شهر بالظبط اتصلت موظفة الرسبشن على شقتنا و قالت لي خلاص اطلعوا من الفندق اليوم لان شققكم محجوزه !!!!
قلت لها على اي اساس نطلع و تحجزونها لغيرنا و احنا منتظمين في الدفع و نجدد الحجز اسبوعياً ؟! و اي قانون هذا اللي يقول انكم تطردون النزلاء من الفندق بعد مده معينه ؟!!
قالت لي والله هذي تعليمات المدير و انا بس انفذ !! .. قلت لها طيب بنتفاهم مع مديركم !
بعد نص ساعه تقريبا يانا المدير و المسؤولة و حاولنا نتفاهم معاهم لكن للاسف كان وقح و اسلوبه فظ و ما عنده ذوق و رفض التفاهم نهائياً و قال عندكم ساعتين بالظبط و تطلعون من الفندق !!!!
و هالكلام كان في شهر 8 و حجوزات الفنادق و الشقق كلها فل يعني وين نروح ؟!
كلمنا السفارة و اتفاهمنا معاهم و الحمدلله لقينا حجز في شقق النخيل في الحي التركي عند الاخ مراد التونسي و ما قصّر معانا
و ناس من اهلنا و معارفنا ساكنين في نفس الفندق و بعد ما طلعنا خبرونا ان شققننا يومين كانت فاضيه و محد سكن فيها !!
و كان عندنا اصدقاء ألمان من اصول عربية خبرناهم عن الموضوع و قالولنا لازم ما تسكتون و القانون يوقف معاكم و تقدرون تطلبون تعويض عن البهدله و المشاكل اللي سببوها لكم و رحنا معاهم الفندق و كلموهم و حذروهم ان بنرفع عليهم قضية
و النتيجة اعتذار رسمي و شخصي من مالك الفندق و الإدارة و عرضوا علينا تعويض مادي و نختار أي 3 شقق و نسكن فيها مجاناً لفتره غير محدوده
لكن نحن قبلنا اعتذارهم و رفضنا العرض و التعويض و قلنا لهم احنا العرب كرامتنا و عزة نفسنا تمنعنا نسكن عندكم و الأذى النفسي و المعنوي أشد من الأذى المادي و الحمدلله مب محتاجين ل تعويضكم
و على فكرة طول مدة اقامتنا كانت المكيفات نص الليل تخترب و يتعطل نظام التكييف المركزي و خصوصاً في ايام الحر كنا نتبهدل
و موقع الفندق بعيد عن السنتر و المارين بلاتز
وأكسر عيونهم
طالما انهم قبلو بتعويضي
بالعكس هم فرحوا بأنكم لم تقبلوا العرض
المهم الحمدلله على السلامه
ربي يسعدكم