مشكلة التأخير في إعادة مبلغ التأمين، سبق و أن نبه عليها الكثير. الحل الأمثل للمشكلة هو الشكوى لشرطة دبي، و الأفضل مستقبلاً في حال دفع التأمين نقداً، أن يكتب موعد استرجاعه على إيصال استلامه. . . . و بالنسبة لذكر الأسماء، فسياسة المنتدى تمنع ذلك، لأن المسألة خلافية و لم يحكم فيها نظاماً، و ليس من الإنصاف و لا من المسموح قانوناً، ذكر اسم أي جهة بسوء، و لم يثبت عليها شيء.

للاسف شركات التاجير تعوض بالتامين الذي لا يرجع حتى لو اشتكيت
سبق لي الشكوى على احدى الشركات والى الان لم استرجع المبلغ
وارسلت ايميل لشرطة دبي وردو بالحال بايميل ولكن لم استرجع المبلغ الى يومك
مع العلم السالفة لها 5 شهور لو مرسلينها على ظهر جمل كان وصلت (:

عشان كده أشوف دفع تأمين السيارة يكون بالفيزا أفضل من الدفع نقدا ولا إيش رأيكم يا إخوان؟

ياليت لو يذكر اسم الشركة ليحذر منها الجميع
لانه خمس شهور ولم يرجع المبلغ يثبت النصب والاحتيال
حسبي الله ونعم الوكيل

شكبم
هل تعلم عن التفاصيل؟ هل حكمت فيها جهة رسمية؟ لقد سمعت من طرف واحد فقط.

ظاهرة انتشرت في دبي للأسف ..
تستطيع التواصل مع شرطة دبي عبر موقعهم و إرسال كل المستندات التي تثبت ذلك ..
http://www.dubaipolice.gov.ae/dp/jsps/home.do

مسا الخير
اولا بعض القوانين في المنتدى مادري وش تبي صراحه يعني لما تجي تمدح بشركة عادي وماتقولون يمنع وضع الاسامي ولما يصيرون
نصابين ممنوع احط الاسم مع اني كمسافر او زبون بعد احتاج اسما الشركات النصابه عشان استفيد وماتوهق.
يعني انا حطيت الاسم وعدل عليه ماعرف ياخي حب لاخيك ماتحب لنفسك انت هدفك ف المنتدى تفيد الاعضاء وتجذب اكثر عدد منهم
مصداقيه وش فيها اذا تركت اسم **** وحذرت منه ماعليش نصابين واقولها مليون مره وخساره انهم فالامارات .
انا رحت واخذت حقي طبعا لما شافوا الموضوع جدي وصل لدائرة حماية المستهلك بلعوا العافيه مع اني قبلها جبت لهم الشرطه بمكتبهم
اللي بالانترناشيونال سيتي حتى الشرطه ماعندهم حل جذري بعد . رحت بالاخير لحماية المستهلك وربي ساعتين وعليها وجاني مندوبهم لمكاني
يسلمني المبلغ وانا من جد اشكر هالادارة وفيه اخت هناك الله يسعدها ماقصرت بظرف ربع ساعه قومت الدنيا عليهم .
دائرة حماية المستهلك ف الديره جنب دوار الساعه اللي عنده مشكله مع محل خذ فاتورتك ولا عقدك وبتاخذ حقك اذا انت ع حق .
بعدين اخ سعود تتوقع ان شركة التاجير بيجونك هنا يسمعون الناس ردهم ع اتهامي لهم ؟

اولا بعض القوانين في المنتدى مادري وش تبي صراحه يعني لما تجي تمدح بشركة عادي وماتقولون يمنع وضع الاسامي ولما يصيروننصابين ممنوع احط الاسم.
لأن الاتهام بالنصب دون وجود دلائل و مستندات قد يعرض المنتدى للمسائلة القانونية.
.
.
مع اني كمسافر او زبون بعد احتاج اسما الشركات النصابه عشان استفيد وماتوهق
يمكنك ان نستفيد من طرح تجربتك دون ذكر الأسماء، فموضوع التأخر باسترداد مبلغ التأمين من بعض شركات التأجير سبق طرحه كثيراً. و كذلك موضوع شركات تسويق نظام "المشاركة بالوقت".
.
.
ياخي حب لاخيك ماتحب لنفسك انت هدفك ف المنتدى تفيد الاعضاء
صحيح، و لكن بحدود القانون و بما يرضي الله.
.
.
مصداقيه وش فيها اذا تركت اسم ... وحذرت منه ماعليش نصابين واقولها مليون مره وخساره انهم فالامارات
هذا حكمك الشخصي، و لا يمكن الأخذ به، مع كامل احترامي لك، إلا لو وثقته بمستندات رسمية تثبته.
.
.
بعدين اخ سعود تتوقع ان شركة التاجير بيجونك هنا يسمعون الناس ردهم ع اتهامي لهم ؟
المنتدى ليس مكاناً لتبادل الاتهامات أو الرد عليها، و إنما لنقل التجارب السلبية و الايجابية.

1. اسمحولي ادلو بدلوي

اسمحولي ادلو بدلوي

انا جديد وداخل اعرف كل شي عن الامارات ويهمني اعرف الشركة الممتازة والشركة الغير جيدة
الشركة الغير جيدة ( بدل كلمة نصابة ) تستطيع ان تستقطع اي مبلغ من الزبون لكن الزبون الغلبان ليس له متنفس الا هذه المنتديات يفضفض هنا ويفيد غيره من حقنا ان ندعم الشركات الممتازة ونقاطع الشركات الغير جيدة حتى تراجع حساباتها وتعدل الخطأ اما السكوت عليها فمعناه المزيد من الضحايا المساكين وبعضهم جلس يجمع سنة في هذا المبلغ من اجل السفر .
اشكر اخي محمد على حرصه وغيرته على المنتدى وعلى عدم اتهام الناس لانه من السهل ان يلقي الانسان التهم لكن شخص من خارج الامارات يتهم شركة عالمية لا اعتقد ان له مصلحة او شخص اماراتي مثلا او عربي يتهم شركة سعودية ل اعتقد ان له مصلحة في ذلك بالعكس انا ارى ان الامر ايجابي ولكن نحرص على الالفاظ بدل كلمة نصابة وحرامية نقول الشركة الفلانية ظلمتني .
لا اعتقد ان هناك ملاحقات قانونية الا للشخص الذي كتب اذا كان معروف الناس تكتب في المنتديات وفي النت وفي تويتر تكتب كلام خطير ولا احد حاسب تويتر او غيرها الا اذا كان الشخص معرفو يحاسب هو او اذا انتهك حقوق محفوظة.
واذكر بقول الله تعالى : ( لا يحب الله الجهز بالسوء من القول الا من ظلم ) فلا نجاهر ولا نغتاب شخص الا في حالة الظلم نصرح به وباسمه وانه ظالم .
اتمنى ان تتم مراجعة الموضوع وان يكون هناك سقف للحرية حتى تكتمل فائدة هذا المنتدى وجزاكم الله خيرا فخير هذا المنتدى عظيم وكبير وجزى الله المشرفين كل خير على ما يقومون به والسلام عليكم ورحمة الله .