1. السلام عليكم يا جماعة

السلام عليكم يا جماعة

توني راجعة مع الاهل من ماليزيا والصراحة وايد استانسنا رحنا جنتنغ وعقبها بيننق وعقبها لنكاوي وبالاخير كولالمبور. الحمد لله بكل خطوة استفدنا من خبرة الاعضاء ونصايحهم. الشي الوحيد الي خرب السفرة علينا كانت رحلتنا بالعبارة من بيننغ الي لنكاوي وخلوني اوصف لكم وانتوا حكموا. قطعنا التذاكر من مكتب قريب من فندقنا (الهوليدي ان) جان يعطونا الرصيد بدون تذاكر واكدوا لنا ان ما يحتاج تذاكر الرصيد يكفي. يوم السفر يوم يانا السايق وكنا ماخذينه من نفس المكتب قال ابي اشوف التذاكر عشان اتاكد جان ايقول هذا رصيد. الحمد لله انه اتصل بالمكتب وعطونا التذاكر عقب ما مشينابشوي الا زوج اختي ايقول ناقصين تذكرة عاد السايق تصرف وقطع واحدة زود من مكتب الشركة وقال ان الغلطة من مكتبه لانه استلم سعر التذاكر كاملة. طبعا لي هالمرحلة انا اعصابي اتلفت لاني متعودة علي التنظيم .
اول ما وصلنا المينا مالهم استقبلنا واحد بصراخ وطلب 30 رنجت عشان ايحمل الشنط الي المركب احنا طبعا قلنا له شنطنا قليلة واحنا بنشيلها قال لنا هاذي عشان ايحطهم لنا بمكان زين عشان الماي ما يوصلهم. سلمناه المبلغ وركبنا المركب. عقبها بدقايق مشي المركب باقصي سرعة والبحر ذاك اليوم كان هايج موت. انا الصراحة تشهدت علي روحي . كل الي بالمركب كانوا يستفرغون ما تم احد ما استفرغ عيزنا واحنا انقولهم علي الاقل ايقلل السرعة ابد هالكابتن جنه تلبسه ابليس. بغينا انموت وكان معانا اطفال ماتوا من الخوف والصياح. وعقب ساعتين ونص من العذاب وصلنا . يوم ينا نستلم الشنط طلع الحمال الحرامي حطهم باخس مكان ويوم يايوا ايشيلون الشنط كانوا ايسحبون الي تحت قبل من جذي شنطتي انقصت ويوم وصلنا الفندق كانوا الشنط مليانين ماي. ثيابنا كانت مبللة واشياء اختربت واحنا من التعب قضينا يوم كامل بالفندق لا طلعنا ولا كلينا. خذ لنا تقريبا يومين لين صحتنا وتعدلت نفسيتنا. طبعا معظم السفرة كانت روعة بس كان فيها شوية شغلات ما كانت بالحسبان انشالله باذكرها مرة ثانية