السلام عليكم ورحمة الله وبركاته
حصلت لي قصه في صيف 2009 في برشلونه , انا كنت رايح لاسبانيا انا واثنين من الشباب للمره الاولى المهم كانت بداية
رحلتنا على ماربيا وجلسنا فيها اسبوعين وكانت من اجمل المدن الي رحت لها وكنا مخططين نروح لبرشلونه بعد ماربيا ونجلس
فيها من 3 الى 5 ايام منها نشوف هذي المدينه العريقه ومنها نحضر المعسكر الخاص بنادي النصر السعودي في قريه او منتجع
تراسيا القريب من برشلونه , المهم مالكم بالطويله بصراحه سبق وان حذرنا الكثير من بعض العرب المتواجدون هناك واساليب
السرقه التي يمتلكونها والي حصل انه في ثاني يوم لنا في برشلونه وعند رجوعنا من المعسكر النصراوي الى مقر اقامتنا
في فندق الارتس القريب من بورت برشلونه وطبعا كنا كاشخين ومعنا بعض الاكياس بعدرحلة تسوق , كنا ناوين نطلع الغرفه
ونغير ملابسنا وننزل نتعشى في احد المطاعم المتواجده بالساحه الكبيره ولكن الله كتب اننا نروح ندور لنا مطعم قبل لا نغير
المهم رحنا ونزلنا عند البورت ولا اعجبنا اي مطعم من المطاعم الموجوده بالاسفل واتجهنا للاعلى في الساحه الكبيره
كنا ثلاثه اخوياي الثنين قدامي وانا وراهم وانا كنت احاول اكلم اهلي في السعوديه وفي اثناء محاولتي الاتصال بهم لاحظت
ان فيه ثلاث شباب اعتقد انهم عرب ومن المغرب العربي يتكلمون وانا اشوفهم ويتكلمون بطريقه غريبه وكأنه نحن المقصودين
المهم جوني اثنين من هالثلاثه واحد من اليمين والثاني على اليسار الي على الليسار يكلمني يقولي معاك دخان ويقولي كفك
ويمد رجله قدامي في محاوله منه لاعاقتي والهائي والثاني الي على اليمين يشيك على الجيوب بدون ماتحس
وسووا هالحركه معي ومع اخوياي وفي الاخير اتضح لنا انهم سرقوا محفظة واحد من الشباب وهو مايدري وحتى ماحس بهم
يسوون حركات غريبه وبطريقه عجيبه .
لذلك وجب التنبيه