1. انتبهوا من العروض هذه كل شي تسويه في المنتدى ببلاش


2. كنت هناك في شهر 6 يعني جيت قبل كم يوم بس

السلام عليكم
اخواني احب احذركم من المكاتب التي تختبي خلف الستار وترسل لكم رسائل خاصه ويغروكم بالكلام الجميل وانه يستم استقبالكم احلى استقبال في المطار
انتبهوا يا اخوان
كل شي واضح وصريح هنا
لو المكتب فيه خير ما كان تخفى خلف الستار وارسل العروض من خلف الاداره لانه يعرف انه غير معترف فيه وليس له موقع خاص او سجل مسجل في وزارة التجاره بحيث لو نصب عليك تقدر تقاضيه

انتبهوا من العروض هذه كل شي تسويه في المنتدى ببلاش

اي واحد يقول لك بجيك تاكسي وسائق خاص ومن هالكلام لا تغتر فيه ولا تفكر نفسك بتصير وزير دوله او حاكم ديمقراطي ترى كل اللي بيجيك تاكسي وبيقعد يفضحك بين الناس يمد يده بابتسامه صفراء وانت تحرج امام الكل وتعطيه مبلغ غير المتفق عليه عند المكتب و الكل ينهش منك حتى انك ستعود لنا تكتب تقرير سلبي عن ماليزيا وهذا ما لا نريده

كنت هناك في شهر 6 يعني جيت قبل كم يوم بس

والله يا جماعه اني لاحزن على من تم النصب عليهم امامي ولا حول لي ولا قوة
رجل يمسك بعائله خليجيه في المطار ويقول لهم تعالوا اسوي لكم جداول مرمطهم مرمطه ، كل يوم في مدينه لا وجوله من كوالا الى الكاميرون يوم كامل 950 رنجت تخيل اروح اتعب بالطلعه و الرجعه واعطيه 950 لولا انه وقع على العقد ولا كان خربت البيعه عليهم
واخر يمشي وراه صاحب مكتب في المطار ما فكه إلا لما عطاه كم من ميه بقشيش لا ادري على شو ورايت وجه التعاسه على صاحب المال وكانه مقهور دفع اللي امامه واللي خلفه
وليش هذا كله ؟ علشان كلمة سائق خاص يجيك للمطار ؟ وهذا السائق تاكسي لا يعرف لا عربي ولا انجليزي بس يعرف لغة وحده وهو ( المال )
روح لمكتب التكاسي في المطا وخذ تاكسي
رتب جولاتك من نفسك
احجز من بوكينج واجودا
الفيزا متوفره و الحمدالله بدون حساب مسبقة الدفع
تعلم قبل ان تذهب كل شئ كم اسعار التكاسي كم اسعار الصرف كم قيمة الجولات في كل مدينه
لن اطيل عليكم ولكن اتى لي صيني في المطار وقالي جوله ؟ قلت له شو رايك انا اسوي لك جوله ؟جينتينق وافموسا ؟
الرجال انصدم
عرف انه مش هذا الشخص اللي لازم ننصب عليه
اللهم هل بلغت اللهم فأشهد
والسلام عليكم ورحمة الله وبركاته