ابتسامة مهاجرة
13-12-2022 - 11:12 am
مساء الخير / تحية طيبة
حبيت أسوي هالقروب لمالكي كاميرات
Canon PowerShot SX210 IS
وجميع كاميرات الكانون من موديلات
PowerShot SX
من شان نتعرف على مميزات الكام .. وسلبياتها..
واصحاب الخبرة لايقصرون بمعلوماتهم ..
خاصة واحنا في بداية الطريق
تقبلوا تحياتي
أخوكم / ابتسامة مهاجرة
وال P تتحكم بالتعريض والأيزو iso فقط. ( سرعة الغالق وفتحة العدسة هي تختارهم ).
وال TV التحكم بسرعة الغالق يعني كل ما صار الرقم كبير كل ما قدرت تجمد الحركة يعني تقدر من 200/1 تجمد الحركة ( وفتحة العدسة هي تختارها ).
وال AV التحكم بفتحة العدسة فقط ( وسرعة الغالق هي تختارها ).
وال M وضعية المانول ( هذي أنت تتحكم بكل شي ). من سرعة غالق وفتحة عدسة وغيره.
مع العلم إن الأيزو و التعريض تقدر تتحكم فيه في جميع الوضعيات.
بس إنته تخلي الأيزو على الأوتو خله 100 دائماً وخاصة في النهار وإذا ضعفت عندك الإضاءة الخارجية زوده إلى 200 . 400 كحد أقصى لأنه يعمل تحبب بالصورة.
والأيزو معناه تعويض الإضاءة. ( يزودلك الإضاءة ).
شكرا ( محيرهم ) وقاهرهم بعد