- اول شيء وقفنا سيارتنا في الخارج و داخلها تلفوناتنا و الشنطة
- اول ما دخلنا راينا سيارة تنطلرنا لتوصلنا نفس السيارات اللي بالمطار
السلام عليكم
هذه تجربتي و اريد ان افيدكم فيها
اول شيء اخذنا موعد مع السفارة بالانترنت و عطونه الموعد بعد اسبوع 8:30 الصبح
و يجب ان نذهب مبكرا بنص ساعة
السفارة موجوده في بيان
اول شيء وقفنا سيارتنا في الخارج و داخلها تلفوناتنا و الشنطة
اول ما دخلنا راينا سيارة تنطلرنا لتوصلنا نفس السيارات اللي بالمطار
خذوا بطاقتنا المدنية و عطونا باج في رقم و قالوا نطروا الى ان نناديكم و نادونا ووضعنا اغراظنا في بوكس ( ساعة خاتم نظارة....الخ) و يدخل واحد واحد للتفتيش و كان معي بطل ماء فقالت لي اللي تفتش اشربي قليلا منه ... !
و بعدين اندش مبنى ثاني ناخذ ورقة فيها رقم و ننطر لين ينادونا لنكمل الاوراق
و هنا حصل سوء تفاهم, في وحده قالت لزوجي كمل اللي ناقصك و احنا راح نناديك فكملها و جلس ... و ننطر و ننطر 3 ساعات!! جان يروح زوجي يسال ولا لازم يعطيهم الاوراق
و نحن ننطر نشوف المقابلات و احنا في الغرفة جدامنا شبابيك و تتم المقابلات من خلالها ... و وايد يحققون... مثلا واحد يريد الذهاب الى امريكا فساله الامريكي انت متزوج؟ قال له اي فساله وين مرتك ليش ما تيي معاك!!! و له طلع الكويتي بالجيش فقال له اكتبلي على الورقه كل الاسلحة اللي تعرفها ... و قال له تعال اخذ الفيزا بعد شهر ..!! و في ناس يقولهم تعالوا غدا لاخذ الفيزا ..
و ترى يعرفون يتكلمون عربي ف ديروا بالكم لا تعلقون بالعربي!!
و نادونا
سالنا من متى متزوجين؟ و ين بتروحون بامريكا فقلناله سياتل فقال واو انا من اهناك و اشتقت لها
فسال ليش سوف تذهبون هناك؟ قلت له عشان اشوف اللافندر و المزارع.. فقال ولاية واشنطن جميلة و فيها غابات و امطار و عكس الكويت!!
سال زوجي وين تشتغل؟ و سالني اشتدرسين, و سال ريلي رحت ايران او العراق؟ قال له لا
ايي و طبعا اخذ بصماتنا و هم بالورقه زوجي كتب كل الدول اللي زارها خلال 10 سنين و كل وحده متى!!
و قال ان في واحد نفس اسم زوجي رايح امريكا!! احنا قلنا الله يستر لا يكون امسوي شي و لا يخرب علينا!!
و اخيرا قال لنا الناس اللي يروحون سياتل ثقة ... تعالوا غدا لتاخذوا فيزتكم
و طلعنا من بعد انتظار 4 ساعات!! الحمدلله
لقد شعرنا ان امسوين انجااز
و شكرا, لا احب الكتابة بس قلت افيدكم
