ياهلا فيك اخوي archfawaz
وحياك الله معنا في منتدى العرب المسافرون ..
وسعيدين للغاية بذكر تجربتك في بريطانيا في بورنموث
والواحد في أول تجربة له للسفر تحصل له لخبطة ولكن فيما بعد تكون الأمور تمام والحمدلله ..
وذكرك لتجربتك لدراسة اللغة لفيها عبرة وفائدة كبيرة للذين يودون الدراسة هناك
يعطيك العافية ياارب يااخوي وفي انتظار البقية بفارغ الصبر ..
دمت بود ..

هلا اخوي archfawaz
انا مبسوط بذكر تجربتك لنستفيد منها
والشخص في بداية رحلة التعلم لازم يواجه صعوبات ويضيع في البداية
وترانا متابعين معك للاخير
مع خالص حبي ،،

هلا أخوي .. بس ممكن تعطينا عنوان المعهد وكيفية الاتصال ويسرنا نقرا باقي الموضوع
تحياتي...

1. طبعا باقي كم يوم على بداية المدرسه ما اذكر بالضبط هو 2 – 3 ايام


2. المدرسه:

شكراً لمروركم ...... قنبلة الانترنت و ميسون محمد وسعيد جداً بترحيبكم
العائله:
نزلت ولا ذيك المرأه الانجليزيه المتختخه قلت ابشر بالطبخ السنع (مادريت الانجلز لاترجى من وراهم اكل).... وقالت معي ولد ياباني بالبيت كل واحد بغرفه
دورتني بالبيت صغير بس حليوو .... الارضي صاله – غرفه طعام – مطبخ ... الاول 3 غرف نوم وحمام
تركتني بالبيت لوحدي وقالت تبي تروح مشوار ..... شغلت التلفزيون من اولها ابي استفيد ابي اتعلم لغه ...... الا اسمع صوت كلب ينبح وينبح رحت ابي اشوف شكله دخلت المطبخ وفي باب يودي للحديقه الخلفيه به شباك قعدت اناظر منه للحديقه .... اسمع صوت بس ما اشوف شي ..... ها اتلفت يمين اتلفت يسار ما اشوف بس اسمع صوت كلب ..... قلت افتح الباب وشوف كل راس ماله كلب تهشه يبي ينحاش ....... فتحت الباب الا ذاك الكلب الي لابد تحت الباب حجمه كانه قطو .... صغير ..... ويخش البيت شكله كان ينتظرها من الله فتحت الباب ..... وعينكم ما تشوف الا النور حاس ام البيت ابي اطلعه مافي امل من كنبه الى الدولاب الى التلفزيون ...... مب صاحي شارب له شي ولد الذين...... بالعافيه طلعته.
طلعت خذت شور :36_1_43:وقلت خلني اريح شوي بس معصي يجيني نوم مع ذاك السرير الي السست تشق الظهر والمخده محشيه شكلها بقش ..... وافكار توديني وتجيبني وايش بسوي وكيف راح تكون المدرسه ....

طبعا باقي كم يوم على بداية المدرسه ما اذكر بالضبط هو 2 – 3 ايام

اذا ذاق صدري طلعت من الببت امشي شوي وارجع للبيت ..... استكشف الحاره و لا ودي ابعد عن البيت خايف اضيع ولا اطيح بمشكله ..... وراسي متعبي من المشاكل الي عندهم ولا تتأخر ولا تضيع لا احد يسرق قروشك لا احد يضربوك تراهم عنصريين ....... المهم ام العيله طفشت مني ما صرلي يومين بنت الذين وقامت تصرفني انت ليش ما تطلع انت ليش ما تسهر زي باقي الطلاب الي سكنوا قبلك...... حسيت انها طرده ولا تبي تصفي الجوا ..... بس قالتها بوقت غلط ...... المهم طلعت من البيت ومشيت لما وصلت الشارع العام وكانت الساعه 10 تقريباً ماني عارف فين اروح ولا اعرف احد وقعدت بموقف الباص ولاذاك الباص ابودورين يوقف قمت واركب فيه :36_7_9:..... وانواع الحوسه بدفع الحساب بس كان حبيب وماضحك على لاني طلعت له قروشي وقلت له انت تخير :36_9_2:....... ركبت الباص والى الان اذا تذكرت انبسط اني ما ركبت الدور الثاني مع اني كنت متحمس اني اجرب اركب فوق ....... ركبت تحت الا ذيك الاصوات والزحمه الي فوق ..... شباب بريطانين من خيره شباب الشوارع :36_1_29:قالبين الدور الثاني ديوانيه .... وانواع الزحمه وكل شوي اشوف سواق الباص يناضر عليهم بمرايه خاصه عنده تكشف الدور الفوقي ويخانق...... وانا اقول احلي يالشديد بس لا تكثر منها لا يشوتونك من الباص واقعد بها ...... بعدين قعدت افكر يا ترى وين راح ينزلوا الحبايب ......... اخاف انزل بنفس المحطه الي هم نازلين فيها وتروح علي :36_1_42:قلت ياولد خلك هاجد لما ينزلوا ثم انزل بالمحطه الي بعدها ...... اخيراً نزلوا واول محطه بعدهم وانزل .... بس قبل لا انزل قالي صاحب الباص ترى المكان تصير فيه مشاكل واخر دوام للباصات الساعه 11 ...... واذا تبي ترجع يبي لك تاخذ تكسي المهم قعدت ادور شوي ..... لما جت الساعه 11:30 واخذ تكسي وارجع للبيت ........ الا ام العيله منخرعه وين كنت وليش تاخرت وانت ما تعرف الديره كيف تروح بعيد :36_1_17: كل هذا حشى ما كانها هي المصرفتني ..... بس حسيت في احد لي في هذي الديره
صحيت ثاني يوم ولا اقابل جاري الياباني ..... وقعدنا نفطر كورن فلكس و توست بالشوكلاته ...... بعدها كل واحد منا طلع لمدرسته لانه كان مسجل في مدرسه غير عني

المدرسه:

بداء الدوام وكان اول يوم اختبار تحديد المستوى ...... ما اذكر كم كان مستواي بس اذا ما كان الاخير فهو قبل الاخير
بعدها وزعونا على باصات وجوله في المدينه والمدينه الي جمبنا وكانت مره حلووه تبدأ تحتك مع الطلاب وتكون صداقات صحيح المواضيع محدوده بحكم محدوديه المصطلحات ..... وصحيح يجيك وقت ودك ما احد يسولف معك عشان ما تستهلك الطاقه الباقيه الي في مخك وانت تحاول تبني الجمل وتلقط الكلمات هذا غير حركات الاشاره
بعده وزعونا على فصول وكان فصلي مره حلوو انا وسعودي وواحد كلومبي محشش وفرنسي والباقي بنات من المكسيك والبرازيل وفرنسا وسويسرا وافريقيا ......
يتبع

مرحبا Blue Angel
هذا رابط المعهد .....
http://www.anglo-continental.com/
Anglo Continental

هلا والله بيك اخوي
بصراحه انا ودي اروح بريطانياا كيف تنصحني بهاي المنقطه
وهل هي منقطه ريفيه ولا مثل لندن وربعها
وم تبعد عن لندن لاني بصراحه ودي أخذ كورس 3 شهور هنااك
لغتي متوسط واقدر امشي روحي أن شاء الله
بكم الدراسه في هذ

تكلمت المشاركه >>> بالغلط حطيت الرد ^_^
اي بكم الدراسه 3 شهور مع السكن العائلة والدراسه والوجبات
طبعا اريد دراسه مكثفه 30 ساعه اسبوعيا
وشلون الجو هناك
وكم المسافه بينها وبين لندن
بإنتظارك وبإنتظار تكلمة الرحله
دمت

والله عليك اسلوب يااخوي archfawaz
بس كذا
ومن اوول يوم مغامرات ماشاء الله تبارك الله ..
جدا شيء رائع وحلوو
سلمت يداك يااخوي ، وواصل يااخوي فنحن متابعين وبقوة
أجمل التحيات لك ..

أكمل يا الغالي
متابعين معاك