1. طبعا انا عندي صورة هالباص بموبايلي تمنيت اقدر انزلها عشان تموتون ضحك

السلام عليكم ورحمة الله وبركاته
هذه اول موضوع لي في هذا المنتدى اللي حبيت اشارككم رحلتي بالشمال للافادة
اولا ابدأ بالشكر الكبير والعميق للاخ المتميز ماجد الفهد اللي كان موضوعه مثل نبراس مضيئ اضاء لي طريقي وسهل علي رحلتي حقيقة جزاك الله خير الجزاء
ولا ننسى عمدة اوزونجول من الشكر الجزيل واقولك الله يقويك ياشيخ
عموما اخواني لقد سافرت الى الشمال التركي من تاريخ 2/9/2014 الى 13/9/2014
وقد قمت مسبقا بحجز سيارة عن طريق موقع EconomyCar Rentals استدلالا من موضوع اخي الكريم ماجد الفهد وتم حجز سيارة اكونومي اصغر حجم ودفع المبلغ وطبعت الفوتشر وكلو تمام
عند وصولي لمطار طرابزون اولا ضليت منتظر انا واهلي بالشمس خارج المطار ما يقارب 30 دقيقة وبالاتصال على خدمة الكول سنتر للشركة كذا مرة جاني المندوب وقلنا الحمدلله
ولا الموظف يقولي تفضل هذي سيارتك اطالع ولا رينو مادري شسمها شبه باص نفس سيارة توصيل الطلبات وكحيانه قلتله هذا مو طلبي هذا باص وانا طالب سيارة صغيرة راح دق تلفون يرد يقولي والله هذي الموجودة تبيها اخذها ما تبيها كنسل بهذا الاسلوب طبعا دقيت عالكول سنتر يرد علي واحد يقولي اشيكلك واكلمك بعد 5 دقايق ويطنشون وارد ادق يرد غيرة وترد تقوله السالف ويطنشون وكذا مرة وكل مرة طبعا كله مكالمات خارجيه كلفتني اكثر من حق السيارة
والادهى وانا واقف ادق اشوف موظف التسليم جايب عيله ثانيه مسوي فيهم نفس الفلم ونفس المشكله وتركهم جنبي واقفين ولا شوي جايب عيله ثالثه الا بيلبسهم هالباص وصرنا 3 عوايل واقفين

طبعا انا عندي صورة هالباص بموبايلي تمنيت اقدر انزلها عشان تموتون ضحك

المهم اخر شي دقو علي او انا دقيت ما اذكر قالولي ماكو سيارات غير هذه اخذها يومين قلتلهم في عيله تدبست فيها وخذوها قالولي خلاص ماكو سيارات قلت كنسلو وطبعا استرجاع العربون كان بطلوع الروح وهذي سالفة ثانيه
المهم مشيت شوي لصاله المغادرين لقيت كل شركات الاجار ولقيت بدجت كانت مزدحمه بالاخوه السعوديين الافاضل نطرت جان يناديني واحد من شركة ما يحظرني اسمها للاسف بوجه بدجت مباشره المهم قلت اشوف شعنده كلمني عالاجار عنده وقالي ان نحن الشركة الوحيدة هني الباقي مو شركات المهم فهمت قصده طلع هذا المكتب تابع لوكالة رينو وما عنده غير رينو قلتله خوش عطاني رينو صغيره قير عادي ديزل موديل السنه ماشيه 3000 كيلو بس بنفس السعر شامل كل شي ومع الجام والتاير
صراحة كان كل شي تمام وسيارة حلوة ولاكن سوو معي موقف بايخ بنشر تاير السيارة بمسمار جاتني المساعدة ورحنا الوكالة والا بيدفعوني حق التاير قلتلهم مأمن عليه شيكو قالو ايه بس يبون يلعبون قالولي انت ماشي عالتاير واهو مبنشر قلت لا وانا اشتغل في وكاله سيارات وافهم اكثر منكم مجرد ما بنشر وقفت وبعدين التاير انشالله ينفجر ولا يطير انا مأمن عليه مال شغل وهذا النقاش قعد ساعه ومافي احد بالوكاله يتكلم اي لغة ومافي تفاهم وقاعدين نطقطق اخر شي دفعنا 100 ليرة وانحلت المشكلة طبعا حرمنة لانه الناير بو مسمار بيرقعوه وبيحطوه لغيري نفس ما حطولي تاير مستعمل بس مشي الحال وخلصنا شغلنا
فنصيحتي روح المطار واجر مباشرة احسنلك ترا المطار متروس سيارات وشركات
ثانيا احرص يكون في موظف يتكلم انجليزي او عربي عدل وغير جذي لا تأجر لانه بيستهبل بعدين
ثلاثه وهذا غلط وقعت فيه العقد يكون بلغة مفهومة لك مو بالتركي لانه بيقولك مو مكتوب عن اي شي
اربعه شوف الشروط بعينك واقراها عدل واكد عليه عشان لا تطيح بالمشكله
خامسا الموظف بقولك عطني اكرام لا تعطيه ولا ليرة قوله بعطيك خوش اكرام لما ارد السيارة بدون مشاكل وهذا هم غلط طحت فيه اكرمته واهو ما يستاهل قام يتهرب يوم مشكله التاير
اخيرا سامحوني عالاطاله ولكم جزيل الشكر