السلام عليكم ورحمة الله وبركاته
سمعت الكثير عن شمال تركيا والطبيعه الساحره فيه فعزمت على اني اقضي بعض الوقت هناك خلال سفري الى تركيا.وحسب خبرة الاخوان مايكمل التمشي هناك الا بسياره خاصه تاخذ راحتك وعيالك فيها.
صراحة دار راسي وانا اقرأ وابحث عن افضل شركات السيارات وما ودي يصير لي زي ماصار لبعض الاخوان اللي تورطو مع شركات تأجير السيارات اللي مش ولا بد.
خلال حجزي الطيران الداخلي من اسطنبول الى طرابزون لقيت على موقع شركة اوناير لقيت رابط لشركة تأجير سيارات.فكرت انه اكيد الشركه مضبوطه لانها تتعامل مع الخطوط.اتكلت على الله وبعد شراء التذاكر دخلت على موقع الشركه وشفت سياراتهم واسعارهم واعجبتني واخترت سياره فورد مونديو ديزل اوتوماتيك وحجزتها بالفيزا وجاني تأكيد من الشركه على الايميل وهذا كان قبل السفر بشهر.
سافرت واستمعت في اسطنبول وبعدها طرابزون وكانت الخطوط جيده وفي وقتها لكن يشددون على الوزن الزايد كثير وشكلهم عارفين اننا نشيل الجمل بما حمل في السفر ومع كثرة سفرنا ما اخذنا دروس من الشعوب الاخرى اللي كل واحد معه شنطه على ظهره فيها الاشياء الضروريه فقط.
اتجهت الى مكتب شركة تأجير السيارات واخبرت الموظف باسمي وان عندي حجز مسبق (شي مزعج لاحظته في الشعب التركي ان كثير منهم مايرد السلام واذا تعطف ورد فهم يردون بطريقه معووجه مع انه في امكانهم كما لاحظت الرد بفصاحه).
نرجع للموظف اللي يطالع في ببلاهه ويقلب اوراقه ويكلم زميله واخيرا يقول لي ماعندك حجز واسمك غير موجود عندي والسياره اللي طالبها غير متوفره (وشكلهم يحطون سيارات ويوفرون بديل ارخص عشان تتورط وتحجزها) قلت له كلامك غير صحيح انا حاجز قبل شهر ووريته الايميل اللي موجود على جوالي وكان مكتوب بالتركي وانا ما ادري وش فيه ,قال هذا مو حجز قلت له هذي مو مشكلتي انا حاجز سياره من شركه المفترض تكون محترمه وتقدر عملائها وكاني اكلم جدار .قلت له كلم الفرع الرئيسي اكيد عندهم خبر اتصل على احد وصار يكلمه بالتركي وطبعا مدري وش يقولون .وفي هذا الوقت تذكرت اني طابع كل حجوزاتي في الفنادق والتذاكر ومن ضمنها حجز السياره وهذي نقطه مهمه لازم ننتبه لها وهي انه نطبع كل حجوزاتنا وكذلك نسخ من الجوازات .
وريته نسخة الايميل قال طيب هذا ماوصلنا قلت غلطكم ولازم تصلحونه ,صار يقلب في اوراق مدري ايش تصير وبعدين وراني صورة ايسوزو ونيت بك اب غمارتين وسياره صغيره ماعرفت ماركتها وقال هذا المتوفر (وقاحه صح؟) رفضت واخبرته انه اذا سيارتي اللي طلبت غير متوفره فيجب عليه اعطائي سياره من الفئه الاعلى بنفس السعر وهذا ماحصل معي مرتين في اوروبا .وكأني اخبره عن معجزات وغرائب,
رفضت عرضه وهددت بشكواه وطلبت ان يحضر من هو اعلى منه ولما طال صوتي حضر شخص وقال هذا خطأ من الفرع الرئيسي وانه لايوجد الا هذه السيارات اصررت على موقفي واخبرته ان عائلتي لن تركب ونيت او غيره راح على جنب وصار يرطن مع الثاني واخيرا اخبرني انه يوجد سياره سكودا اوكتافيا ديزل اوتامتك لكن بعد ثلاث ساعات وانه سينقلني الى فندقي بسياره اخرى.صراحة انا كنت متعب من السفر ولا استطيع احتمال اكثر من هذا وافقت على عرضه وذهبت الى الفندق واحضر سياره جيده من الخارج لكن غير نظيفه من الداخل ورائحة السجائر تفوح منها
هذه تجربتي مع هذه الشركه احببت طرحها ليستفيد الاخوان.