بسم الله الرحمن الرحيم
السلام عليكم ورحمة الله وبركاته
حبيت افيدكم في تجربتي السيئة ومعاناتي مع تعامل عدد من الفنادق
بدايةً انا سكنت في فندق رويال مونيتال في جنيف الفندق كمستوى كان ممتاز وماكانت عندي مشكلة نظيف وموقعه زين والامور تمام التمام
بس انا كرهت الفندق لسبب آخر
ياجماعة مايخفي عليكم بأن اي فندق لازم تحجز فيه يشترط توفر فيزا هذا امر سلمنا فيه
ومايخفي عليكم بأن الكثير من الفنادق من إجرائاتها بأن تعمل على الفيزا بلوك على مبلغ الإقامة + الضمان تقريباً 50% عن كل ليلة
هالفندق ياجماعة الخير لنفترض بأن الإقامة كانت ب 300 فرنك لكل الليالي فمن المفترض أنه يسوي بلوك على 450 فرنك
الإقامة + 50% من كل ليلة كضمان
تخيلوا بأن هالفندق اخذ 900 فرنك اي ضعفين الإقامة
هاذي الطامة الاولى
نروح للطامة الاكبر والاشنع
من باب اولى ومن الطبيعي بأنك بهالحالة لما تسوي شيك آوت او خروج من الفندق أن تدفع وأن يكون الدفع من المبلغ المحجوز عليك اي من ال 900 فرنك
لا الفندق ماقام بهالاجراء راح واقتطع المبلغ المراد وهو 300 مدة الإقامة فقط مع بعض الامور الزايدة مثل الانترنت يعني 400 فرنك من الفيزا من المبلغ الحر الغير محجوز عليه
والادهى والامر بأنه مارفع الحجز عن الفيزا ومع الاتصال فيهم اكثر من مرة والمماطلة من الموظفين كل واحد يحولني عالثاني وبالنهاية ما اخذت منهم لاحق ولاباطل
اضطريت انتظر فترة 14 يوم علشان اتصل عالبنك واخليهم يرفعون الحجز غصب مو طيب ولو ان الاجراء ماكان سليم لكن احد الموظفين الله يجزاه خير رفع الحجز
(( على فكرة المبلغ المحجوز عليه كان 2400 فرنك ))
تخيل لو يقوم فندقين بعمل نفس الحركة والفندق الثاني اساساً مبلغ الإقامة كان مدفوع مسبقاً وقام وحجز على مبلغ 1100 يورو وهالفندق في فيينا
عموماً حركات مثل هاذي بالسفر بالتأكيد تربك وتنقص عليك خاصة لما انت تتأكد بنفسك من جميع الامور وتضع الاحتياطات اللازمة (( عن نفسي كنت مسوي دفع مسبق للفيزا ضعفين المبلغ اللي كان فيها ))
فأنصحكم لوجه الله تتأكدون من الفندق بالتشيك ان والتشيك اوت من سالفة الحجز عالفيزا
ومدة عودة المبلغ للفيزا بعد رفع الحجز فورية وجربتها مع شركة اوربا كار لما رديت السيارة علطول ردو بفيزتي مبلغ 700 يورو
الفندق الثاني كان بيست ويسترن في فيينا