السلام عليكم
هذا اول موضوع لي في المنتدى و اول مره اسوي تقرير و حبيت افيدكم بتجربتي في السكن في فندقين بإسطنبول
الاول :Senator Taksim
يقع الفندق قريب جدا من ميدان تقسيم و اللي رايح من قبل للميدان هو كان مقابل محلات الورد اللي على الشارع لكن الحين في تغيرات في الشارع ..بالنسبه لي الموقع جيد جدا هذا الفندق من بره
النظافة :الفندق نظيف و ما شفت شي ما عجبني من هالناحية
الخدمات : الانترنت جيد لكن مو سريع جدا يمشي الحال..
مافي غلايه بالغرفه + مناديل للغرفة و للحمامات ( عزكم الله ) مو دايما يحطون الا لما تطلبون !!
الريوق : عادي و مافي تغيير بالمنيو يوميا
وهذه صور لمكان الفطور
المنطقة المحيطة بالفندق : مادري اذا مهمه والا لا لكن بجانب الفندق بنك + بقاله + صيدليه + محل تلفونات ومقابله مطعم ايراني اكله حلو لكن حيل غالي
نجي لصور الغرف
هذه الغرفة المزدوجه
و من جهه ثانية
وهذه صورة للغرفة التوأم
و من الجهه الثانيه
حبيت اصور من اكثر من جهه
وهذا ممر الدور اللي ساكنين فيه
معلومه ...الفندق فيه اصنصير واحد
نجي للفندق الثاني
Ramada Istanbul Grand Bazaar
طبعا غيرنا حجزنا من سيناتور الى رمادا بسبب الاحداث اللي صارت لان كل المشاكل صارت جدام فندقنا مباشرة لدرجه اختنقنا من القنابل الدخانيه ف بدلنا حجزنا حق هذا الفندق لي نهاية السفرة
يقع الفندق في منطقة الفاتح و قريب جدا من شارع التسوق اللي اسمه شارع الفاتح
و هذا صورته من بره
و هذه صور اللوبي + مبين مكان الفطور
الفندق بجانبه حديقه تشرح الصدر خاصة وقت الفطور و هذه صورة من غرفتي على الحديقة
و هذه صور الغرف
الغرفة المزدوجه
و هذه التوأم
وكانو متصلتين الغرف ومطلين على الحديقة
وهذه صورة للحمام ( عزكم الله )
الممرات ضيقه شوي ... والغرف المطله على الحديقة اوسع من الغرف اللي تطل على الجهه الثانية لان كنا حاجزين 4 غرف لكن ما صورت الا 2
رأيي بالفندقين :
فندق سيناتور : موقعه عجبني ..غرفة نظيفه ...خدمتهم جيده
فندق رمادا قراند بازار : المنطقة هاديه و رايقه + الفطور حلو + الغرف نظيفه كذلك لكن مافي مرايا الا بالحمام ( عزكم الله ) مادري ليش؟؟ يمكن لانه جديد!
م هذا كل اللي عندي و اتمنى اني افدتكم بتقريري هذا
و شكرا