للاسف ما اقدر افيدك بس انا حاجز في فندق النبيله لان الاصدقاء مدحو لي خصوصن للعوائل فندق محترم و نظيف خصوصن الادوار المجدده اما عن المواصلات اذا كانت ناوي تطلع اكثر من مكان في اليوم خد لك سياره بسواق واذا راح تطلع قليل فخد تاكسي
تحياتي اخوك ابو فطوم

انصحك اخي الكريم بحكم الخبره والتجربة الشخصية بفندق النبيلة كايروا بالمهندسين جامعة الدول خدمة رائعة وموقع مميز جدا وباالنسبة للمشاوير انصحك ان ترجع لبوابة ارقام السوةاقين واختار مايناسبك واشتري راحتك

جربت فندق العربي ولا يعلى عليه للعوائل
خدمة ممتازة وموجود في تقرير صوره وموقعه .
مشاوريك كثير انصحك بسواق خاص .
"" Done ""

الاخوان الاعزاء ابو فطوم .. شاهين العرب ... somebody
الف شكر على نصايحكم ماقصرتوا والله
لكن طمعان بعد في توضيح هذي النقطه
المحيرني في الموضوع ان العربي مطل على النيل والنبيله افضل منه لأنه اربع نجوم وفي وسط المهندسين
هل الاطلاله على النيل تغني عن موقع النبيله والنجمه الاضافيه ؟؟؟

اخوي خذ سواق خاص وريح عمرك اقل شي تفتك من صداع سواقين التاكسي قسم بالله يرفعون الضغط

السلام عليكم ورحمه الله وبركاته
طبعاً هذي أول مشاركة لي في هذا المنتدى الرائع
وحيد نفسه يعطيك العافية تجربتي الشخصية أنا سكنت في الفندق العربي حقيقة ممتاز جداً
طبعاً فيه أدوار مجددة من الدور السادس إلى التاسع روعه جداً
إيجابيات الفندق كثير:
1- إطلالة عجيبة على النيل
2- لايوجد بار ولا مرقص فندق محافظ جدا
3- حراسات على المدخل
4- أسعار محددة مافيه نصب ولاضرايب
5- أهم شي المسجد جامع ملاصق للفندق
6- النيل إلي أمام الفندق هادي مافيه السخب اللي إنتو عارفينه مثل اللي أمام النيل هيلتون موسيقى وخربطه وطقطقة
7- التكاسي عند الباب بس ترفع يدك يوقف 20 تكسي حتى لومافيه تكسي قدام الفندق عندك كوبري عباس خمس دقايق مشي
8- كل شي يوصل للفندق بالتليفون المندي الصيدلية البقالة المخبز
9- نصف السكان من الخليج لأنه عائلي محافظ
أسعار الغرف المجددة حدود 180 ريال إذا المدة أكثر من خمسة أيام أما غرفتين ومطبخ ودورة مياة الله يكرمكم هذي 280 ريال لأكثر من خمسة أيام وأنصحك بالدور السادس شقة رقم 7 خيال الغرفة اللي على النيل قزاز من جهتين وبلكونة شي ثاني حقيقة فندق نظيف جداً حتى الغرف اللي ماهي مجددة معقولة
طبعا هذي تجربتي أتمنى الفائدة للجميع
وسلامتكم

وحيد نفسه
اعتقد السبب هو ان فندق النبيله قريب من المطاعم ووسط البلد وشارع حيوي يعني اذا تبي اي شي يمكن انك اتمشه و ما تحتاج الى تكسي ام العربي فهو في منطقه سكنيه قرب النيل و تحتاج الى تكسي للتنقل هذا على حسب قرائتي لمواضيع الزملاء في الموقع وان شاء الله باقي الاعضاء يفيدونك.
تحياتي ابو فطوم

بالنسبة لي وهذا رأيي
مستحيل اسكن في القاهرة مو على النيل .
جمال القاهرة في نيلها .
مطل العربي هاديء وبسيط . وهذا اللي معجبني فيه .
النبيلة ما جربته لكن حسب كلام الاخوان هو في منطقة حيوية بجامعة الدول .
بالنسبة لي عوايل ما احب اكون في مركز الحدث دوما . شارع جامعة الدول صاير
مثل الاسواق الخليجية المختلطة مع انفتاحية اكثر قليلا .
"" Done ""

almzun
مشكور على النصيحه وراح احسب حساب السايق الخاص
اخوي شاعر المليون
بصراحه بيض الله وجهك وشرف لي ان اول مشاركه في موضوعي
اما بخصوص توضيحك وانا اشهد انك كفيت ووفيت وشرحك جدا جميل وسهلت علي الموضوع
الف شكر ويعطيك العافيه
ابو فطوم
وافي والله وماقصرت الله يخلي لك فطوم واخوانها
somebody
يعطيك العافيه ماقصرت وشكلي نويت على العربي
هذي اول زياره لي لأم الدنيا
بنجرب مصر بعد اوروبا وامريكا
اللي يبي شي من امريكا او اي استفسار تحت امركم رحلتي بتكون ان شاءالله 10 مايو واشنطن - باريس - القاهره