بداية احب اشكر من كل قلبي المشرفين و الاعضاء القائمين على هذا المنتدى
لاني استفدت من هذا المنتدى في سفريتي لدبي
على قد ما فادني هذا المنتدى بمعلومات عن النمسا و سويسرا على قد ماتهت في الاختيارات
عمومآ راح اختصر
لي حوالي 3 سنوات مقيم في بريطانيا بحكم دراستي انا و اسرتي المكونه من 4 اطفال ( 3 منهم اعمارهم اربعه سنوات ونصف (توام ) و الاخير عمره سنتين ونصف) + خادمه
حبيت استفيد من وجودي في بريطانيا اني اسير على اوروبا بحكم رخص الطيران التجاري في اوربا
اول شي الاخوان اللي اخذوا خادماتهم معاهم هل تنصحوني اني اخذ الخادمه معايا والا اتركها في بريطانيا ( استطيع اني اتركها في بريطانيا عند ناس نثق فيهم هي و اصغر واحد من ابنائي )؟؟؟؟
بالتالي يكون اجمالي المسافرين 2 بالغين + 3 اطفال
خط السير اللي لقيته متوفر بريطانيا فينيسيا اتجاه واحد فقط
العوده بتكون من جنيف لبريطانيا
فينيسيا راح اقعد فيها يومين
بعد فينيسيا راح استاجر سياره واتجه لفينا في اقصى شرق النمسا
المشكله من فينا الى باقي المدن كيف يكون الجدول؟؟؟؟؟
هل الاطفال راح ينبسطو ؟؟؟
اللي فهمته من كلام الاخوان النمسا عباره عن فينا ( حقها يومين ) + سالسبورغ ( حقها 4 ايام ) +كابرون و زيلامسي حقها 5 ايام )
هل باقي في مدن ثانيه تستحق اني ابيت فيها؟؟
السفريه راح تكون بتاريخ 10 سبتمبر هل يكون الجو رائع؟؟
علمآ باني حاط في بالي النمسا كلها تكفيها 13 يوم بالكثير
كلامي فقط عن النمسا
بالنسبه لسويسرا راح اسال في ملتقى سويسرا
معليش يا اخوان اسئلتي كثيره
لكن انا طمعان في كرمكم