على امتداد طريق الوشم المتفرع من طريق الملك فهد وانت جاي شمال متجه جنوب اطلع مخرج الوشم يسار وطوالي من تحت الكبري بتشوفها يمينك

عندك الأحوال اللي بحي المربع
وطريقها
تمسك طريق الملك فهد بإتجاه الجنوب
إلين يجيك مخرج شارع الوشم
وهو بعد وزارة الداخلية
تدخل مع المخرج وتلف يسار
المارية بيجي على يمناك مطعم عمو حمزة
يجيك كبري أنت خلك من تحت
الإشارة الأولى خلها
الإشارة الثانية بتشوفه بالزاوية على اليمين
وفيه برضوه أحوال بالشمال بحي المروج
عند مخرج ( 5 ) طريق الملك عبدالعزيز وانت على الدائري الشرقي
وانا ما أدلها زين ، لكن لو بتسأل راح يوصفون لك وهي أقرب لك من أحوال المربع وأخف زحمة لأن الناس ما تدري عنها ..
بالتوفيق لك

اذا انت جاي من المجمعه بتكون احوال الشمال اقرب لك علشان ماتدخل لزحمة الرياض
والوصف للمكان شارع العليا العام تعدي اشارة لكزس بأتجاه الشمال تجيك على اليمين .

ملكة الأسفار - نوره الناصر - البرفسر
شكرا لكم جميعا ...........

نورة الناصر وصفتك وكالة وزارة الداخلية للأحوال المدنية
اذا تبي أحوال مدنية تصدر لك بطاقة جديده بدون زحمة فعليك بأحوال الدرعية
دمت بود

الاحوال المدنية في شمال الرياض بحي المروج
و انت داخل الرياض على طريق الملك فهد باتجاه الجنوب بعد ما تتعدى الدائري الشمالي تاخذ اول مخرج ليت تجيك اشارة طريق الامام ثم تاخذ يسار يصير على يمينك الرياض غاليري تجيك اشارة شارع العليا تروح يسار باتجاه الشمال تمشي لين تجيك الاحوال على يمينك قبل اشارة الخطوط السعودية

خلاص مافيه توهان
مبروك خذ بطاقتك بعد الزحمه
ليش ماتاخذها من المجمعة أرحم أو شقراء
يقولون مايمديك تحك راسك

حلوه مايمديك تحك راسك ههه