لا توجع قلبي والله ودي أروح هناك لكن مع الأسف السعوديين .........
يا كثر العوائل البحرينية والكويتية بالكوم والله

السلام عليك
هل ممكت للسعوديين السفر إلى تايلاند بدون مشاكل

هلا بك أخوي أدخل على ساحة تايلند والفلبين وبتلقى كل شي

ان شاء الله تزيد العوائل البحرينية

شوف اخوي تايلند بلد حلوه جدا
وما راح تمل منها ابدا
بالنسبه للمعيشه رخيصه جدا و التسوق رخيص و الفنادق رخيصه و ما راح تمل
عندك بانكوك هي العاصمه و فيها مراكز التسوق و فيها كل شئ و لا تخاف ترا وايد رخيصه
و اذا مليت منها تقدر تروح بتايا او بوكيت او شنغماي او العديد من الجزر و القرى يعني بالعربي ما تمل
الجو حلو مقارنة بالخليج و ساعات تمطر
تصلح للعائلات و للشباب و الأطفال
الحلو انه شعب دايما يضحك و ما يعرف النكد و فيها تجاره و فيها بضاعه و فيها كل ما لذ و طاب
و لا تسمع الأشاعات انها بلد وصخه او فيها خرابيط ترا ما في دوله تخلى من هالسوالف و لكن الأنسان يفكر هو شنو يبي
عملتهم البات و يستعملون الدولار و ترا عملتهم رخيصه
اللي تشتهر فيه البلد واللي كل العرب يشترونه من هناك تقليد الماركات لأنها رخيصه و طبق الأصل و لكن بالصين ارخص
و طبعا هناك بعض العرب تتملك بيوت و ....... و مطاعم و تقريبا كل شئ
فيها مسلمين و فيها مساجد هذي لمحه بسيطه و انشالله اي سؤال احاول ارد عليه

بانكوك رخيصه وايد
التاكسي رخيص يعني كل مشوار ما يكلفك في حدود 5 ريال او 6 ريال
للأنهم يستخدمون العداد
اما الاكل ففي المطاعم السريعه مثل كنتاكي وماكدونالدز نصف اسعار ديرتنا
يعني اذا انتوا شخصين تطلع لكم الوجبه اثنينكم بسعر 20 ريال يعني 10 ريال للشخص الواحد ويمكن اقل بعد
واذا تبي في الماعم العربية يطلع لكم السعر في حدود 40 ريال تقريبا
والتسوق رخيص وايد
وفيه مجمعات واسواق شعبية رخيصه
وبوكت اسعارها شوي اكثر بس مو وايد
وحلوه وايد احلى من بانكوك
بس دير بالك لا تاخذ الرحلات الا من مكاتب السياحة لأنهم بينصبون عليك مثل ما نصبوا علينا