هلا حبايبي في المنتدى الي اقل شي اقول عنه روعه من جد كفيتو ووفيتو.... انا من زمان اسمع عن دول شرق اسيا وودي اروح لها المهم السنه هاذي حاط في بالي اجلس 25 يوم الى شهر كامل في تايلند والروحه بتكون منتصف شهر شوال وعندي كم سؤال ....
1) ارخص خطوط اطلع منها من ناحيه السعر لاني سمعت من واحد بيروح هالسنه تكلفتها 3700 ريال وفي المنتدى قريت انها 1600 ريال ؟ وش ارخص خطوط ومو مشكله الوقفات .
2) السؤال الثاني من ناحيه السكن وتذبذب الاسعار فيه 180 دولار توصل وفيه بخمسين دولار من ناحيتي مايهمني الفندق لاني احب الطلعات والتمشيات يعني الفندق اجي انام فيه بس ما ابي ادفع فلوس على فنادق بخليها على الروحات والجيات انا حاط في بالي ثلاث مدن بزروها شانقماي وبتايا و فوكيت بس المشكله بعيدات عن بعض وناوي اجلس بكل وحده تقريبا عشر ايام وش الفنادق الي بتناسبني بهالمدن اهم شي سعر كويس وتكون مطله على منظر طبيعي ما ابي جوا المدن يعني مطله على جبل او نهر او شاطئ ابغا في المدن الثلاث فنادق واسمائها ومميزاتها وموقعها كيف جاي .
3) الاماكن الحلوه في هالمدن خصوصا اني اموت على المناظر الطبيعيه والشواطئ .
4) الشي الرابع الجو في الفتره الي بروح فيها هل هو كويس لا يكون جو اعاصير ولا امطار استوائيه واقعد بالفندق ههه
بس هاذي اسالتي اتمنى الاخوان يفيدوني والي يبي يخاويني حياه الله