1. بسم الله الرحمن الرحيم


2. بتايا خمس ايام


3. بانكوك يوم


4. وهي الصوره ونحن واقفين عند اشاره مرور

بسم الله الرحمن الرحيم

تحيه طيبه للجميع هذا تقرير رحلتي الى تايلند وهي الرحله الاولي الي مملكة تايلند الساحرة واسف اشد الاسف على التأخير في طرح هذا التقرير لسبب انشغالي وبعده شهر رمضان المبارك اعاده الله علينا وعليكم بالصحه والعافيه وتقبل الله منا ومنكم صالح الاعمال
بدايتا اتت هذه الرحله صدفه من بعد تنسيقي انا وزميلي ابو عبدالله بالسفر الي مملكة المغرب وتم تجهيز كل شئ من جمع معلومات ولف في المنتديات وتم الاتفاق على جدول الرحله وعدد الايام ، بعدها بكم يوم اتاني اتصال من زميلي ابوعبدالله ونا مبتسلم قلت الرجال شكله مستعجل على الرحله ويبي يتأكد ان كل شئ جاهز وهذي المكالمه المسجله كامله ( الو ... هلا ابوعبدالله...كيف حالك ...الحمدلله ... ها شكلك متحمس للسفر ... والله مادري وش اقولك ... وشفيك ... ابد بس صاري ظرف ؟؟؟؟؟ ... ابد ولا تزعل ولا يظيق صدرك وخيره ان شاء الله والايام جايه ان الله احيانا ... يسلم راسك يابو عبدالله في امان الله )
بعد المكالمه انا جلست شوي بعد المكالمه وتطقني العبره وقعت اشرب من ذاك الشاهي الين طلع من خشمي انتم تعرفون الواحد اذا كان متحمس لشئ ولا حصل له المهم جلست افكر وش السوات اروح الحالي ولا اجلس وخذ يافكره تروحبي وفكره تجيبني المهم مليت من التفكير وعصبت :112: قلت الحمدلله اهم شئ الواحد في بيته وقاعد يشرب شاهي ويتقهوا قهوه وش يبي غيره امر الله من سعه ، قلت وينك يالفراش ابي النوم والحمد لله نمت بعد تقلب في السرير دام ثلاث ساعات من التفكير , وفي اليوم الثاني اتاني صديقي ابو منصور مسير الرجال وشافني ماسكن تفكير قالي وش السالفه قلتله والله السالفه كيت وكيت وكيت ، المهم قعد يواسيني شوي بعدها طلعلي براي قالي وش رايك نروح لتايلند تراهم يمدحونها قلتله والله ما اتوقع انها بتكون ازين من المغرب قال خلنا نروح ونشوف اقدم اجازه نمشي قلتله اصبر افكر قالي بكره ترد على المهم خذ ياتفكير مره ثانيه طبعا هو مايبي المغرب لان معزبته رافضه انه يسافر للمغرب لو تطلع عيونه المهم من بكره قلت هي اسمها سفره وتغير جو اتصلت عليه قلتله يالله عطنا شنطتك مشينا قال مشاء الله وافقت توقعتك بتصمل على المغرب قلتله المهم نغير جو وقبلها كنت مستخير الله ومصلى صلاة الاستخاره طيب قال ابشرط شرط قلتله امر قال مهب اذا صارت الديره مهيب زينه تقعد تستلمني بتهزيئ قلتله ابشر ولا كلمه ان شاء الله نروح بوركينا فاسو ، وقمت قربت اللاب توب وينك يالعرب المسافرون ووينك يابوابة تايلند ويوم دخلت والقى من المواضيع الي توسع الصدر والاعضاء الي زي العسل والي ازين من ذا وذا المشرفين الي والله كلمه حق تنقال فيهم من تعاملهم وسعت صدورهم لأي سؤال واخص بالذكر اخوي ابو بدر mzen2100 الي يعطيه الصحه والعافيه على كرمه وعدم بخله بالمعلومات التي لديه وسعت صدره ، احس اني طولت عليكم
الرحله كانت على خطوط الاتحاد الرياض-ابوظبي- بانكوك وكنا متفقين على ان تكون الرحله بانكوك يومين
فوكت خمس ايام

بتايا خمس ايام

بانكوك يوم

بتاريخ 11/8 الساعه 4 عصرا اتجهنا الي المطار واذا بالخبر الي ينكد على الواحد قالو الرحله متأخره قلنا ماعليش كل تأخيره وفيها خيره ان شاء الله كم متأخره قالو 12 ساعه افا وش السالفه قالو والله ماندري التفت على خويي الرجال يضحك وشفيك قال اضحك عليك شكلك منتب مسافر هالسنه قلت ان قاله الله رايح لو على رجلي رجعنا للبيت وخذها يانومه اين الساعه 11 في الليل وبعده اتجهنا للمطار والحمدلله اقلعنا وكانت الطائره مستأجره مدري من وين جايبينها المهم كانت سيئه وصلنا ابوظبي بالسلامه قلنا عسى مهيب نفس الطياره والحمدلله يوم ركبنا الطياره من ابوظبي الي بانكوك الحمدلله كانت ممتازه وبعد الوصول اتجهنا الي الفندق Royal Lovry Nana طبعا خويكم يبي يريح بعد الرحلة وياخذله دش الواحد وبعدها اتجهنا الي مطعم نفرتيتي وخذلك ذيك العشوه الي يحبها قلبكم ورجعنا للنوم ومن بكره من بدري طبعا انا صراحه اعجبني شئ في تايلند من اول نظره الي هو حبيب قلبي طق طق والله فله يا شباب
هذا وانا راكب معه قايله ابيك معي اليوم كله طبعا مشخص معه كاني راكب بي ام دبليو ههه

وهي الصوره ونحن واقفين عند اشاره مرور

وبعد الف والدوران في شوارع بانكوك شوي الا الطيار سواق طق طق واقف قال انزلو وش السالفه يالاخ عسى ماشر ان شاء الله مازعلناك قال لا انزلو خذو قارب من هينا علشان تشوفون النهر الي في بانكوك قالنا اهم شئ مافيه تماسيح قال لا اصلا انتم تماسيح وشلون تاكلكم والله وخذنا ذاك القارب الي من عهد فرعون
وهذا ابو الشباب مستانس ان واحد خواف راكب معه ولا يوم درا اني خايف من هالقارب والله ويحط رجله مدري كم يمشي بس الظاهر ان مافيه كميرات رادار وهذي صور لنهر الي في بانكوك بس والله مدري وش اسمه لاني والله انساء على طول خبركم خويكم شايب بس مزيون

وهذه حديقة الثعابين على الطريق في النهر وفيها عروض للثعابين طبعا ماوصلنا الا اخر العرض وطردونا قلنا احسن من زينكم واحد يسوي انه ماهتم لهم وانا من داخلي :112: لاكن لازم تسوي نفسك ثقل وكأنك شايف ازين منها ههه

وبعد هذه الحديقه يوم خرجنا منها الا الشباب معهم خششنا بره وين جبتوها منه قالو مصورينكم اول مادخلتو واقول لخويي انا شايف واحد يصور بس احسبه يصور ناس ورانا اثره قاعد يصورنا وتعالو شفو ذيك الخشش وشلون قايله الحين ماطلعت زينه وانا متحمسين ومشخصين بتطلع صوره على الطاير والله من زينها المهم الشكوه على الله خذنها قلنا لذكره ونروح ندور موترنا قصدي قاربنا علشان يكمل بنا ويرجعنا

وهذا معبد من معابدهم الله لايكثرها طبعا مصوره وانا في القارب
وان شاء الله باقي التقرير في الايام القادمه وسامحوني على القصور الي حصلت مني