اخوي استاجر سيارة احسن لك واوفر لك واريح لك من صدعة التكاسي والانتظار في الطوابير
والنفجيشن ما يردك كل اللي تباه بيوصلك له
واذا تبغي خذ سيارة مع سائق وانت مرتاح
والسموحة

لسه جاي من دبي دار الحي
مع طفلين 5 و 6
يعني انت نفس وضعي
استاذي الكريم خذ ايجار سيارة وبتدعيلي
التكاسي موت ونار والجو نار يعني كملت
خذ لك سيارة طال عمرك والنفيقيشن مايقصر
للعلم لو كنت ساكن بديرة وبتروح لمول الامارات مثلا رايح جاي بتطوف ال80 درهم
طيب لو قلت لك سيارتك تحتك يوم كامل وتروح المكان اللى تبي ب 90 ماتاخذها؟
عموما لي تقرير مفصل قريب عن الرحلة لو حبيت الاستفادة
موفق خير

جزاكم الله خير على ردودكم الطيبه .. ولكن هل يوجد نافيجاتور بالمطار ؟ بصراحه مالي خلق احوس بره المطار ادور على سياره ونافيجيشن . واذا موجوده السياره والنافيجاتور بالمطار عند اي شركه وكم تكلفتها التقريبيه مع النافيجيشن ؟

وانا اسئل نفس السؤال الأخير يا اخوان

شكرا لكم ولردودكم الطيبه .. الحمدلله استمتعنا بالحبيبة دولةالإمارات العربية وباستخدام التاكسي طبعا والسبب ان مطار دبي فيه الكثير من مكاتب استئجار السيارات ولكن تفتقد %90 من المكاتب الى النافيجاتور ومن لديه نافيجاتور غير محدث ولا يفي بالغرض المطلوب حيث قمت باستئجار سياره مع نافيجاتور بعد البحث بين المكاتب المختلفه بالمطار ولكني قمت باسترجاعها بنفس اليوم لعدم الإستفاده من النافيجاتور حيث وجوده هام جدا وخصوصا للذي لا يعرف الطرق في دبي ومدة السفره قصيره فقد يضيع كل الوقت في معرفة الطريق والسؤال عن الأماكن المختلفه .