بسم الله الرحمن الرحيم
تحياتي لكم جميعا يا أعضاء وطاقم عمل منتى العرب المسافرون
قبل أيام بسيطه رجعت من بانكوك وكانت برفقتى زوجتى وكانت الرحله للتسوق فقط
وبالتحديد تاريخ العوده للكويت بتاريخ 18-4-2007
حصل معي أمر سيئ جدا لدرجة إنشل مخي عن التفكير:112: :112:
طبعا انا قلتلكم إني رايح مع المدام لبانكوك لغرض الشراء ، وماحسيت إلا وانا صارف تقريبا نصف فلوسي
فحبيت انى استعمل بطاقة البنك الخاصه لحسابي (طبعا بطاقة الحساب لاتخص الفيزا أو الماستر) ورحت
لبنك في أم بي كي وانتم طبعا عارفين إن السنتر هذا فيه أكثر من بنك ، فدخلت البطاقه وحاولت اسحب
المبلغ المطلوب لكن تفاجأة بكلمة (إيروور) على الشاشه
حاولت مره ثانية وثالثه ونفس الشي
قلت بيني وبين نفسي مافيه غير انى اروح لبنك ثاني ورحت لبنك ثاني وثالث وحاولت أكثر من 15 مره
وكل المحاولات على الشاشه تطلعلي كلمة (إيروور)
أنا طبعا كنت مقيم بفندق نوفوتيل سيام سكوير ونتوا عارفين الشوارع اللى تودي لى الفندق تتكون من
محلات راقيه وماركات عالمية ،فقلت في بنوك بهالشارع وانا راد راح أحاول ويمكن يسحبنى شي
وجربت بطاقة السحب الخاصه بحسابي وبطاقة الفيزا وبطاقة الماستر ولا بطاقة سحبتى حتى لو بات واحد
وكله إيروور:112: :112: :112: :112:
بالمعني رصيدي في البنك تقريبا 8 آلاف دولار ولا قدرت أسحب نهائيا
طبعا كل اللى حصل معاي وجميع محاولاتي أخذت معاى ساعه ونص وقلت لازم أتصل على البنك بالكويت
وأستفسر عن اللى قاعد يصير فيني ، فأتصلت في البنك وكلمتني الموظفة وكانت الصدمه الكبيره على راسي
إن جميع المحاولات اللى قمت فيها كانت تخصم من حسابي
ياجماعه تتوقعون شنو صار فيني والله ثم والله حسين إني طاير بالهواء ومخي وقف ولا عرفت حتى شلون
أرد على الموظفه .....قلت حق الحرمه عطيني ماي وشربت شويه ورديت على الموظفة قلتلها :
شلون تنخصم الفلوس وأنا اصلا ماسحبت شي كل المحاولات إللى انا سويتها فاشله
قالتلي إحنا عارفين وتوجد عندنا مشكله بالشبكة العنكبوتية الخاصة في البنوك بشرق آسيا
ولازم تقعد اسبوعين وبعدين نكتب كتاب للبنوك ونرجع فلوسك ...
طبعا لي الحين أنا ناطر هالأسبوعين يخلصون علشان اشوف فلوسي ترجع ولا لا
ياجماعه الحمدلله إن الله ستر علي وعلى حرمتي ولا جان نشوي لحم تحت أم بي كي
فأوصيكم بفلوسكم تكون معاكم كاش بلا كروت بنكيه بلا كلام فاضي
عصفور بالإيد ولا عشره في الشجر
(((( بس مطارهم صج روعه ))))
تحياتي لكم