om-y3qob
تحياتي .... scott

عزيزتي انصحك بالاستأجار من السعوديه قبل الذهاب بفتره لان انا السنه اللي فاتت استأجرت من السعوديه عن طرق شركة sixt ولمن وصلنا نيس رحنا لمحل السياره المتواجد تحت فندق المريديان لقينا الناس يدورون سيارات واخذوها بدبل سعرنا وفي ناس ما لقوا اصلا سيارات المهم بحط لك الرابط واتمنى من الله اني وفقت في الرد عليك ورحله سعيده ان شاء الله
ولا تنسين تروحين مدينه الزهور وانصحكم بما انكم استأجرتوا سياره روحوا لمدينة جونو الايطاليه
دعواتي لكم بالتوفيق ورحله سعيده

نسيت الموقع http://www.sixt.com

غرنوقه حبيبتي مشكوره على الرد والنصيحة ...
بس على فكره انا ترى من الكويت مو السعودية ...
فما ادري ما اعتقد احنا عندنا بالكويت مثل هشركة الي بالسعودية فبغيت اعرف الطريقه من هناك اذا ما عليج امر ؟
وعطيني انطباعج عن الشوارع بنيس وشلون الطريج عندهم سهل يعني مثل شوارعنا بالخليج والطريج سهل لي منطقة جونو الايطالية وجم ساعه بينها وبين نيس ؟
وجم اسعار التاجير عندهم ؟
وكيف طريقه الحجز من هذا الموقع ؟ يعني يصير احجز منه وانا من الكويت يعني مو من السعودية ؟
وشاكرتلج ردج حبيبتي ...

اختي تقدرين تحجزين عن طريق موقع يورب كار وهو من المواقع المشهوره
http://www.europcar.com/
وبرضو الموقع اللي حطته الاخت غرنوقه تقدرين تحجزين منه وتشوفين الأسعار وتقارنين بينهم

مشكوره اخت باريس الموقع الي عطيتي اياه اسعاره وايد ارخص ..
بس حبيت اعرف طريقة الحجز من الموقع يعني اذا ممكن تعلميني شلون احجز عن طريقة خطوه خطوه وين راح استلم السياره وشلون اثبت اني حاجزه منهم ؟
وشلون على السياره في حال الله لا يقوله صار حادث فيها ؟
وكل شي بهالخصوص ...
ويعطيج العافية ...

نصيحه من وجهت نظري .
اذا ما راح تطلعين من نيس الى كان او بتكون الثلاث ايام كلها بنيس لا تاخذين سياره
لان كل شي قريب من اي فندق واغلب المواقف تكون بعيده عن الفندق او عن السوق فا مشي ازين ورياضه .
كنت مستاجر ورجعتها زي ماخذيتها ولا نقص منها لتر ديزل .

بالنسبه للحجز انا احجز بالتلفون وهم يرسلون لي رقم الحجز بالفاكس
الاسعار جدا انا اشوف انها ممتازه يعني انا حجزت اربع ركاب المقاس الوسط طلعت لي Bmw كانت 400 يورو المده كامله
بالنسبه لنيس انا حبيتها كثير وجوها جدا حلوا خصوصا في الليل شي ثاني شوارع نيس حلوه
اما الطريق بين جونو ونيس حلو هاي وي وعلى فكره السواقه هناك ماتخوف
اما المسافه بالضبط ناسيه بس اتوقع ساعه وشوي
بالنسبه للسياره انا في نظري شي اساسي ومهم لان انا اذا وصلت مكان احب اشوف اللي حوليه والقرى اللي جمب نيس حلوه سواء الايطاليه او الفرنسيه
اختي لا تنسين مدينة الزهور بدور اسمها بالضبط لان العطور اللي هناك خيال
التسوق في نيس حلو بس مو مثل ايطاليا ولا باريس
اختي استمتعي برحلتك من جد اختيار موفق بأذن الله تمنياتي لك بالتوفيق
رحلة سعيده