السلام عليكم ورحمة الله وبركاته ويعطيكم العافيه ياشباب وشابات على اطروحاتكم الحلوه ولكن بصراحه لفت انتباهي موضوع يخص السكن وخاصة للشباب وبالاخص للي مسافر لحاله وغيره وتعرفون السكن انه ياخذ كثير من الميزانيه فاقول وش رايكم ببيوت الشباب ونظامها خاصه انها:
1- سعر الاقامة موحد ورخيص ومايتعدي 50 ريال يزيد او ينقص
2- وجود الكثير من الجنسيات وفرصه تبادل الثقافات
3- الامن في ظل وجود الحراسه والاداره المتواجده
4- اتوقع الاقامه ماتتعدى 7 ايام
5- وجود الاماكن الترفيهيه فيها
7- مكانها المناسب في البلد بحيث يمكنك التنقل
8- نظام الوقت عندهم اعتقد فيه مشكله من ناحية الأغلاق للبوابه لكن مع المعرفه يمكن التغلب عليها
9- نظام الوجبه موجود عندهم
10- أمكانية السكن منفرد او مع مجموعه
11- الناحية الاقتصادية والتوفيريه خاصة للمسافر لحاله
12- البرامج الثقافيه اللي تقام فيها ممتازه
13- معترف فيها دوليا
14- بطاقة العضويه مي غاليه تقريبا 70- 100 ريال ماتتعدى
فمادري وش رايكم ياشباب بالسكن فيها ووش ايجابياتها وسلبياتها بظنكم واذا في احد جربها خارج دولته يفيدنا مع العلم اني جربتها عندنا في المملكه ونظامها حلو ومريح ومكيف وأمن وترفيها وثقافية وخاصة ان المهم في السكن الأمن والنظافه والراحة بالنوم مو الجخ والمنظره فاتمنى التفاعل مع الموضوع