أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ياليت يا شباب احد يساعدني شلون انتقل من مطار لندن (هيثرو) الى (بورتسموث).....
او اي احد عنده طريقه افضل واقل تكاليف...
مع العلم انا من الكويت....
والله ان شاء الله يجزاكم الف خير.
السلام عليكم ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
عندك طريقتين الغالي وقبلها خلنا نتعرف على المحطات الي يطلع منها القطار من لندن لين بورتسموث وهي فيكتوريا + واترلوو ونبدا على بركة الله :
الطريقه الاولى : انك تاخذ تاكسي من مطار هيثرو لين محطة فيكتوريا ومن المحطه تاخذ قطار لين بورتسموث
الطريقه الثانيه : انك تاخذ قطار هيثرو اكسبرس وهذا القطار له وظيفه وحده الي هي ياخذ المسافرين الي يبون ايروحون مطار هيثرو من وسط لندن وايوديهم المطار والعكس ..فتقدر تاخذ القطار من المطار وراح ايوصلك نص لندن في محطه اسمها بادنغتون ومن هالمحطه تاخذ اندرقراوند لين محطة فكتوريا ..
افضل لك الطريقه الاولى اذا كنت اتحب السهل ..
واي خدمه احنا تحت امرك الغالي
يعطيكم العافيه و ما قصرتوا.....
انا ان شاء الله رايح بعد العيد للدراسه في بورتسموث (university of Portsmouth(
فيا ليت اللي عنده معلومات عن المنطقه بعني مثلا" دارس فيها او عاش فيها يقولي لاني كل ما سالت احد قالي
الله يعينك المنطقه نار حيل غاليه.....
ومشكورين و ماقصرتوا.
بورت سموث مدينة زرتها ثلاث مرات حيث اقصدها لتسوق
كما ان احد الاهل يسكن هناك لكون شققها رخيصة للغاية و هذا الكلام عكس ماتقول
حيث الشقة بغرفتين و صالة و مطبخ في حدود 500 الى 700 بوند
