- ففي النهاية تم اختيار فندق شانجريلا ...
السلام عليكم ورحمة الله وبركاته ...
أدري انه فيه عشرات المواضيع اللي نفس موضوعي ....
بس ان شاء الله يكون موضوعي مميز ..... كيف ؟؟؟؟
بمشاركاتكم الطيبة ان شاء الله ...
طبعا المشكلة اللي يواجهها الكثير من اللي ينوون السفر الى المالديف هو اختيار الفندق المناسب ...
وأنا الصراحة تعقدت منها .... تقريبا أكثر من 100 فندق في المالديف على كل المستويات ...
المهم بعد عناء كبير حددت فندقين واحترت بينهم والحمدلله في الاخير توكلت على الله واخترت واحد منهم ...
كنت محتار بين Beach House Waldorf المملوك لهيلتون حاليا .... وبين فندق شانجريلا الجديد نسبيا Shangri-La’s Villingili Resort...
الصراحة في النهاية كان الاختيار لفندق شانجريلا لفرق السعر ...
كانت أهم شروطي لاختيار الفندق هو توفر حمام سباحة خاص وخصوصية عالية ...
على العموم .... خذت الباكيج من طيران الامارات وطلع علي ب 24,000 ريال شامل كل التكاليف والطيران الداخلي ومع العشاء ...
بالمقارنة مع القطرية على نفس الفندق ونفس الغرفة (Deluxe Pool Villa) السعر 31,000 ريال بدون العشاء ... وإذا مع العشاء تضيف 3,000 ريال زيادة ...
فطبعا ما في مقارنة .... أكيد اخترت الاماراتية ...
لكن بالنسبة لفندق Beach House غرفة Beach Suite ... ما كانت متوفرة عن طريق القطرية أو الاماراتية ولازم احجزها بطريقة مباشرة ... لكن مجموع التكاليف والطيران والمصاريف الثاني حوالي 35,000 ريال ...
ففي النهاية تم اختيار فندق شانجريلا ...
سؤالي الحين ما عليكم أمر ... حاولت أدور معلومات عن فندق شانجريلا في المنتدى وما لقيت غير موضوع واحد وغير كامل للاسف ... فيا ليت اللي عنده معلومات عن الفندق بشكل عام وعن الغرفة اللي اخترتها بشكل خاص ان لا يبخل علينا بالمعلومات... ؟؟!!
وسؤالي الثاني ... طيراني إلى دبي من مالي (عاصمة المالديف) الساعة 11 في الليل ... ومثل ما انتوا عارفين ان النظام العام لمغادرة الفندق الساعة 2 بالظهر ...
اذا فرضنا مثلا اني وصلت مالي بعد الرحلة الداخلية الساعة 4 أو 5 مساءا مثلا ... وين أقدر أقضي الوقت إلى ان يحين موعد الطيارة ... وهل مالي فيها أماكن تستحق الزيارة ... ؟؟!!
وجزاكم الله خير ...
الأحوال فالانتقال لها سهل، فهناك رحلات كثيرة بالقوارب، و مدة الرحلة حوالي 10 دقائق فقط.
اقترح التجول فيها لأخذ فكرة عنها، فهي صغيرة و بسيطة.