هلا والله بالقرووم
السيارة طبعاً أفضل لأنها تعطيك حرية اكبر في التنقل من غير ما تتقيد بحجوزات وتذاكر ومواعيد ومن غير ما تقعد تجرجر بهالشناط ( انت دوبك تجرجر البرايد اللي معك عسى الله يهنيكم ).
مع السيارة دق سلف و توكل على الله.
السفر بالسيارة متعته اكبر وميزته انه اثناء سفرك يمكنك التوقف في اي مكان يعجبك أما للراحة أو لأداء الصلاة أو للتمتع بمنظر جميل على الطريق.
وأنا شخصياً افضّل يورب كار وهالحين أنا معي سيارة مستاجرها من عندهم و سياراتهم وخدمتهم على مستوى عالي.
وهذا موقعهم :
http://www.europcar.com/EBE/module/booking/FirstStep.do?sessionExpired=true
ونصيحة مني انك تستأجر عن طريق النت لأنه ارخص بكثير و تقدر تحصل على كيلومترات غير محدودة من خلال حجز النت و حاول ان يكون استلام السيارة من اي مكتب خارج المطار لأن في المطار ياخذون زيادة.
و ستحتاج الى مايلي :
1- رخصة دولية بالأضافة الى رخصتك المحلية بشرط ان تكون مترجمة باللغة الأنجليزية.
2- بطاقة فيزا لأتمام الحجز.
3- جهاز قارمن Garmin للملاحة علشان ما تضيع وقتك تقرأ اللوحات و توقف كل شوي و تسأل عن الطريق.
اذا فيه أي أستفسار دق بوري وأنا في الخدمة .
بالتوفيق و شهر عسل سعيد أن شاء الله

والله نصيحة وانا اخوك ...
دامك شهر عسل ... الله ايوفق لك ويجمع بينكم على خير ...
لاتفوت متعة السياره ... في استقلاليه وراحه و بتوقف كثير على الطريق لانك بتستمتع بمناظر تشدك ان تسفط في اقرب موقف و سواقتهم هنا سهله والامور مرتبه ولا فيه اي قلق باذن الله .
بس ضبط لك قارمن من البلاد عندك و خزن فيه احداثيات المناطق الي ايحطونها الاخوان في المنتدى ...وتوكل على الله ...
القطار فيه مضيعه للوقت كثير وشغل بدل وانزل وروح وتعالي ....
بالتوفيق ان شاء الله

القطارات حلوه لانها جو بلحالها تشوف الناس وتحتك فيهم ومراكظ بين المحطات ههه انا احب كذا وزوجي اصلا ماله خلق يسوق اما السياره خصوصيه اكثر
وفي نقطة مهمه ان شنطة العروس تصير وش كبرها هذا اذا صارت شنطة وحده وصعبه زقلبتها بالقطارات
والله يوفقكم

لماذا يا اخي لا تجمع بين الاثنين بين القطارات و بين السيارة
فمثلا لا تاخذ السيارة من جنيف خذها من انترلاكن . و اذا كنت حجزت فندق في جنيف فالامر لله اما اذا كنت لم تحجز فنصيحة احجز فندق في منترو او لوزان مدينتين على نفس البحيرة و بها فنادق جميلة و الشواطئ حقتها - من وجهة نظري - افضل من جنيف . و ممكن تاخذ القطار البانورامي من منترو الى انترلاكن ( درجة اولى ) شئ ممتاز ينفع لشهر العسل .
و بعدين لابد من استئجار سيارة من انترلاكن . لان السيارة ممتعة لحد لا يوصف فتخيل انك تقود السيارة في مكان غابات و بجانبك نهر او جدول يجرى شئ لا يوصف فانصحك بشدة باستئجار سيارة و لكن هناك في انترلاكن مكتبين لتاجير السيارات فقط يورباكار و هيرتز لتكون على علم .

hard2beat & السفير سلطان & MAHER.F.I & M A K
اشكركم على ردوودكم اللي من جد افادتني كثير
لكن بخصوص رأيك اخوي MAHER.F.I انا جالس في 3 ايام في جنيف
وحاجز في فندق فيها بس اقدر اكنسله لأن ما وصلهم شي مني لحتى الحين
بس بالنسبة لمنترو ولوزان هل هي قريبة من جنيف ولا من انترلاكن اقرب
وحلوة فكرتك اطلع من منترو الى انترلاكن على القطار البانورامي يعني بتكون تجربة حلووة
انا متخووف من فترة ال 3 ايام في جنيف طريقة التنقل فيها الروحة والرجعه
واخوي hard2beat والله من البواري اللي راح تجيك خ الله يعينك علي
الويب سايت اللي حطيته ما عرفت طريقة استخدامه واستخراج مواصفات السيارة
ونوعها هل هي اوتوماتيك ولا عادي ووش الأوراق المطلوبه لان محسووبك تحت 25 سنه
والأخت M A K اشكرك على ردك بس من جد جبتيها على الجرح الشنط بتكون اكيد كثيرة لان
محسوبك ما راح يرجع للسعودية رايح بعدها لندن لأني مقيم هناك يعني اغراض سكن وسفر وشهر عسل
ربك يعين يعني الله يوفق ان شاء الله

The Groom
اذا نويت على القطار البانورامي فاسكن في منترو لانه ينطلق من هناك و هناك تبديل واحد اذا اخدت القطار الصحيح حسب الجدول بيكون التبديل في خمس دقائق في مديتة Zweisimmen . لا تخاف انا كانت معي شنطين وسط و اثنين هاند باق و في خلال 3 دقائق كنت جالس في المقعد حقي مع اهلي لان القطار يقف امام القطار الاخر و امام نفس الدرجة حقتك يعني ما في تعب او تاخير . في طريقة لشحن الشنط اعتقد من المطار او من محطة القطار الى انترلاكن و لكن لا اعرف هذه الطريقة فممكن احد الاعضاء يفيدك فيها .
و هناك من منترو تقدر تاخذ قطار الشوكلاته تقدر تاخذ معلومات اكثر من الدليل حق الاخ ابو عزيز .
وممكن تاخذ السفينة من منترو الى لوزان شئ جميل بس خذ الدرجة الاولى لانها فوق و بعيده عن الزحمة تروح و ترجع في نفس اليوم .
منترو و لوزان اقرب لجنيف من انترلاكن
من جنيف الى منترو بالقطار ساعة و عشرين دقيقة
من منترو الى لوزان بالقطار عشرين دقيقة . بالباخرة ساعة و عشرين دقيقة

والله ما قصر الاخ maher.f.i
واحس اختياره هو الافضل يعني تطلع من جنيف الى انترلاكن قطار
والباقي سياره
لان الطريق بالقطار من زيرمات الى لوقانو طويل اما بالسياره تصير تدخل في الاراضي الايطاليه المسافه تقل

m a k
عفوا لم انتبه لنقطة مهمة
السيارة لن تستفيد منها في زيرمات فهذه المنطقة لا تدخلها السيارات بل لابد من وضع السيارة في قرية ثم ركوب القطار من هذه القرية الى زيرمات( نسيت اسم القرية ) اي انك لن تستفيد من السيارة يومان . ارجوا ان تكون هذه الملاحظة محسوبة لديك .