من عشاقه
07-12-2022 - 06:07 am
الاعضاء الغوالي من جد الله يسعدكم ماقصرتو استفدت منكم في تصفح المنتدى الغالي...
حبيت استشيركم..
انا مسافره من الرياض الي فينا وعدد ايام الرحله 16يوم..
فينا راح اقعد فيها 3ايام , وسانسبروغ يومين , وزلامسي 3ايام , وقريه كابرون 4ايام , وميونخ 3ايام..
واحنا عائله مكونه من 6 اشخاص ياليت تفيدوني عن سعر الصرف اليومي التقريبي لنا من غير السكن في جميع المناطق؟؟
وسوف نرجع الي ارض الوطن من مطار ميونخ,, حبيت استفسر هل مطار ميونخ سهل التعامل فيه ولا فيه تعقيدات !! بما ان اننا عائله بليز بليز أي معلومه عن هالمطار ياليت ماتبخلون علي لانو اول مره ازوره وبعض الناس مخوفيني منه؟؟
واحنا راحين في اول شهر ستمبر كيف راح يكون الجو وبالاخص في كابرون؟؟
وهل 4الايام في كابرون كثير ولا كويس ,,
واحنا مره حابين انو نسكن بالأكواخ في كابرون وتهمنا النظافه وهاذي شقق فندقيه نظام شاليهات (Dorfchalets Kapron) حبيت اخذ رايكم فيها،، هل هي في وسط كابرون يعني قريبه من كل شي ومن السوبر مركت؟؟
او معزوله لوحدها !! لان احنا عايله
ولا تنصحوني بشي احسن,, لاني اعشق شي اسمه اجواء ريفيه واكواخ فياليت تفيدني الله يجازيكم الجنه..
الزحليقه الصيفيه راح تكون مفتوحه في شهر ستمبر ووين موقعها بالضبط؟؟
والاهل ماينصحون بالذهاب الي سانسبورغ ,, هل سانسبورغ تستحق الزياره فعلا؟؟
واذا سكنا فيها مارأيكم في فندق (Best western hotel) او فندق (NH) او EUROPA وذا كان فيه اوتيلاات او شقق احسن ياليت تفيدوني وابيه يكن وسط السيتي السنتر ..
وبالنسبه لميونخ مارأيك في فندق (Courtyard by Marriott)او فندق (ميركودي شتات) ابغى فندق يكون في السنتر؟؟
قريه قارمش هل يكفيها يوم واحد للتنزه فيها وكم تبعد عن ميونخ وايش افضل طريقه الذهاب لها؟؟
والسكن في فينا هل تنصحون بالسكن في ماريوت اوو راديسون ساس واريد الفندق في السيتي السنتر وقريب من كلش
اختي تموت بشي اسمه ايس كريم ياليت تذكرلي محل مميز يبيعه اذا كان فيه,,
وبما اننا اكثرنا بنات اكيد نحب السوق ايش الاسواق الي تنصحنا فيها وتكون اسعارها معقوله؟؟
وكيف نعرف اتجاه القبله هناك؟؟
ومعنا جهاز اكسوجين حق التنفس راح نحطه بالشنطه الكبيره,, الي عنده خلفيه هل ياخذونه جمرك المطار؟؟
اخواني ترا اهلي معتمدين علي في هالسفره وانا معتمده ع الله ثم عليكم لا تفشلوني الله يبيض وجهكم..
انا ادري اني ابلشتكم بأسألتي الكثيره بس وربي الماما راح تدعيلكم ..
يسلمو مقدما.. والله يفرجلكم ياربي..
