المنتهي 2000005
11-11-2022 - 11:16 pm
بسم الله الرحمن الرحيم
اخواني اعضاء منتدى العرب المسافرون واهل الخبره في السياحه السلام عليكم ورحمه الله وبركاته
معكم العبد لله المنتهي اخوكم من السعوديه وزواجي بعد شهر من اليوم ان شاء الله وحاب اسافر باريس وابي اهل الخبره يخدموني فيها ابي اعرف كم تكلفه السفريه بالتذاكر مع العلم اني ابي الفناادق الحلوه والليى سعرها معقول بنفس الوقت تعرفون انتم الواحد اذا اقبل على الزواج وشلون يكون الضغط المالي عنده مع العلم اني ابي اجلس اسبوع فقط وبعدين بروح مكان ثاني وياليت اللي عنده برنامج كامل وشامل فيه الفنادق والتذاكر والتنقلات مع العلم انه يكون شامل السعر فأكون شاكر لكم .
أخوكم:
المنتهي 2000005
وعليكم السلام ورحمة الله وبركاته ..
أول شي .. أحب أرحّب فيك بين أخوانك وأخواتك بالمنتدى .. حياك الله يالغالي بيننا أخ وعزيز ..
ثاني شي .. ودي أبارك لك على عرسك وأقول لك ألف ألف مبروك .. بارك الله لكما وبارك عليكما وجمع بينكما في خير ..
ثالث شي .. بالنسبة لطلبك إللي ذكرته .. خليني آخذها وحده وحده ..
بالنسبة للتذاكر .. محد هنا يقدر يفتيلك بالتذاكر، هذي مالك إلا تروح لمكتب السفريات إللي إنت تتعامل معاهم وتاخذ منهم أفضل الأسعار ..
بالنسبة للفندق والبرنامج والتنقلات .. أنا ودي اقترح عليك مثل ما نقترح على أي أخ جديد إنك تتفضل مشكورا بقراءة المواضيع الكثيره بهالقسم إللي تفيدك بهالمعلومات وبالتفصيل، وإنت إللي تقدر تحدد الفندق إللي يناسبك بتحدد رنامجك بعد ماتشوف كل المعلومات الموجودة، معليه .. يبيلها شوية وقت .. بس صدقني راح تطلع بإذن الله بنتيجة حلوة ..
بعد ماتنتهي من قراءة المواضيع .. راح تطلع بشوية أسئلة عن التفاصيل .. تعال وأسأل وحنا كلنا هنا بالخدمة ..
وبالنسبة لتكاليف المصاريف اليومية في باريس .. شوف هالرابط .. بتلقى فيه إللي يفيدك إن شاء الله ..
https://artravelers.com
إذا عندك أي إستفسار ثاني .. عيوني لك .. ياعريس ..
الله معك ..
أخوك .. اللندني ..