rosar
04-12-2022 - 10:48 pm
السلام عليكم ورحمة اللة وبركاتة
هذي أول مشاركة لي بالمنتدى بس بصراحة من زمان متابعتكم ودايما أستفيد منكم ومن المعلومات والتجارب الرائعة إلى تطرحونها
بإختصا قررنا آنا وزوجي إن نروح أمريكا هذى السنة وناخذ أولادنا معانا( 3أولاد 8,6و3 )سنوات وللمرة الاولى للسفر معهم بالخارج
والخطة المبدئية للسفرة هي كما يلي:
1- نيويورك 5 أيام
2- ميامي 3 أيام
3- أولاندو 12 يوم
والسؤال ياريت إتساعدوني بأورلاندو عن أسعار تذاكر دخول الحدايق التابعة لوالت دزني لأن بصراحة دخلت على الموقع إلى قلتوا عنة وما فهمت شي لأن بصراحة أخاف لا يكون فهمي غلط
بليز ياريتكم ما تبخلون علي بتفاصيل مدينة اورلاندو ووالت دزني وشلون بالضبط الواحد يمضي اليوم هناك والأسعار بالتفصيل ( مهم جدا جدا جدا ) وذلك لتحديد وتفصيل الميزانية وبعد بليز سمعت إن هناك الانتظار على الالعاب طوابير تمتد الانتظار اكثر من ساعتين يعني الاطفال يملون ولا يستانون
ووين نروح هناك غير والت دزني
وبعد سؤال بالنسبة لليونيفيرسال ستوديو هل مشمول بتذكرة والت دزني وإلا لأ
بليز في انتظار الردود لأن بصراحة لىنا طاقة الصدر عند زوجي إني راح أضبط الرحلة وإن المنتدي ما راح إقصر معاي لأنكم بصراحة المصدر الأساسي لي وشكرا
ثانياً بالنسبة للأسعار ,, تقدر تشتريها من الفندق اللي انت ساكن فيه بنصف السعر ولكن لازم يقعدون معاك ساعه ونص علشان برنامج التايم شير ,, انت ارفض العرض بعد هالساعه ونص وخذ تذاكرك ,, تقريباً قيمة الشخص اللي فوق 12 سنه 92 دولار لليومين في اربع حدائق,,
ثالثاً: تذاكر اليونفيرسل تختلف عن تذاكر دزني ,, وانصحك حاول تاخذ اربعه ايام في ديزني ويومين في يونفيرسل
وبالنسبة لأورلاندو التقارير تساعدك كثير ,, ولكن راح تنبسط كثير هناك بإذن الله ,,
وبالنسبة للطوابير فهي على حسب الوقت ,, حاول انها تكون زيارتك في غير ايام الويكند عندهم ,, لأنها تكون زحمه
اما بخصوص الميزانية ,, فهي على حسب اختياركم للفندق ,, ولا بالنسبة للأكل والشرب والتسوق ابداً مو غالي بالعكس ارخص من السعودية ,,
اقترح عليكم استئجار فله راح تكون افضل لعددكم وأرخص لكم